Những câu Kinh Thánh phổ biến từ इफिसियनमन 4

Chia sẻ

आउर एक दोसर उपरे किरपा आउर दयालु होवा, आउर जइसन परमेश्‍वर मसीह में होई के तोहर गुन्हा के क्षमा करलक, तइसनेहें तोहरेमन हों एक दोसर केर गुन्हा के क्षमा काइर देवा।

मतलब पूरा नरम भाव से छोट बाइन के प्रेम से दोसरमन केर गलती के साइह लेवा।

कोनों गंदा गोइठ तोहर मुँह से ना निकलोक, बल्कि ओहे गोइठ निकलोक जे आदमीमन केर लगिन जरुरी अहे, आउर जे उमन के बिसवास में बढ़ेक लगिन मदइत करेला। तब जे कोनों तोहरे कहबा उ सुनेक वालामन केर भला करी।

सोउब रकम केर कड़ुवा गोइठ, झमेला, खीस, लड़ाई-झगरा, निंदा आउर सोउब रकम केर डाह के दूर काइर देवा।

अगर तोहरेमन खिसाय जबा तो अपन खीस के पाप करेक ले आगे बढ़ेक ना देबा, मगर राइत के डिसना में जाएक से पहिले तोहर खीस के मेटाय देबा। आउर तोहरे शैतान के लुभवाएक ले मोका ना देबा।

से लगिन तोहरेमन पिछला चाइल-चलन आउर पुरना पापी स्वभाव के छोइड़ देवा, जे तोहरे के बुरा इच्छामन में फँसाय के धोखा देलक आउर तोहर जिंदगी के बरबाद काइर देलक। बल्कि पवितर आत्मा के तोहर बिचार आउर ब्यवहार के नवाँ करेक देवा। आउर नवाँ स्वभाव के अपनाय लेवा, जेके परमेश्‍वर सचमुच में धरमी आउर पवितर बनेक लगिन सिरजाय हे।

आउर मेल मिलाप के बनाय के रखा, जेके पवितर आत्मा तोहरे के एक दोसर से शांति केर संगे रहेक से देवेला, जे हमरे के आपस में एक दोसर से मिल के रहेक में मदइत करेला।

आउर यीशु मसीह थोरेक आदमीमन के अपन चुनल खास चेला ठहराय के, आउर थोरेक के परमेश्‍वर केर संदेश के बताएक वाला, थोरेक के शुभ समाचार सुनाएक वाला, थोरेक के चरवाहा, आउर थोरेक के उपदेस देवेक वाला ठहराय के देई देलक। उ आदमीमन के इ सोउब बरदानमन के इ लगिन देलक, ताकि उमन परमेश्‍वर केर आदमीमन के परमेश्‍वर केर लगिन काम करेक ले तेयार करबैं। आउर मसीह केर काया, मतलब, कलीसिया मजबूत होवेक पारोक। आउर कलीसिया तब तक मजबूत होते रही जब तक कि हमरे सोउब बिसवास में, आउर परमेश्‍वर केर बेटा केर बारे में हमर समझ एक बराबइर नी होई जाई। आउर हमरे पक्का बिसवासी बाइन के पूरा पुरी मसीह नियर नी बाइन जाब, जे कि सिद्ध अहे।

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे। बल्कि प्रेम से सच्चा गोठियाय के हमरे के सोउब रकम से पक्का होवेक चाही, ताकि मसीह नियर बनेक पारब जे कि मूँड़ हेके।