Những câu Kinh Thánh phổ biến từ မဿဲ 28

Chia sẻ

ယင်းအတွက်န နင်ရို့ ကမ္ဘာတစ်လုံးမာ လားရို့ ဟိသမျ လူမျိုးရို့ကို ငါ့တပည့် ဖြစ်အောင် လုပ်လီကတ်။ အရာ အဖခမည်းတော်၊ သားတော်၊ သန့်ရှင်းသောဝိညာဉ်တော်နာမည်န သူရို့ကို ရီနှစ်မင်္ဂလာ ပီးလီကတ်။ ငါ နင်ရို့ကို ပီးလီစာ ပညှတ်ချက် အားကုံးကို လိုက်နာဖို့အတွက် သူရို့ကို သွန်သင်ပီးလီကတ်။ အရာ နင်ရို့ မှတ်ထားကတ်၊ ကမ္ဘာကုန်ဆုံးရေနိတိုင်အောင် ငါ အမြဲတိုင်း နင်ရို့နအတူ ဟိရေ။”

ယင်းခါ ယေရှုစာ သူရို့အနားတို့ လာရို့ ပြောလီရေ၊ “ဂေါင်းခင်ဘုံန ကမ္ဘာမာ ဟိသမျ တန်ခိုးအာဏာကို ငါ့ကို အပ်ပြီးဗျာ။

ယင်းခါ ဂေါင်းခင်နတ်သားစာ ထိုမိန်းမရို့ကို ပြောလီရေ၊ “နင်ရို့ မကြောက်ကတ်ကေ့၊ အကြောင်းကား ကားတိုင်မာ တင်ရို့ အသတ်ခံလီစာ ယေရှုကို နင်ရို့ ရှာနီကတ်တေဆိုစာကို ငါ သိရေ။ ယေကေလည်း သူကား ဒေမာ မဟိဗျာ၊ အကြောင်းကား သူ မသီခင်အယင်က ပြောခရေအတိုင်း ပြန်ရှင်ထမြောင့်လားခဗျာ။ နင်ရို့ လာရို့ ကြည့်ခလိုက်ကတ်၊ သူ့အကောင်တော် ထားလီစာနေရာကို ငါ ပြမည်။

အရာ ယေရှုစာ သူရို့ကို ပြောလီရေ၊ “မကြောက်ကတ်ကေ့၊ နင်ရို့ လားလီကတ်၊ ငါ့ ညီအစ်ကိုရို့ကို ဂါလိလဲပြည်နယ်တို့ လားဖို့အတွက် ပြောခီကတ်။ သူရို့ ငါ့ကို ယင်းမာ မြင်ရကတ်လိမည်။”

ယင်းခါ ယဇ်ပုရောဟိတ်အကြီးရို့န ဂေါင်းဆောင်ဝါကြီးရို့စာ တစ်စုတည်း စုရို့ တိုင်ဘင်ကတ်လီရေ။ ယင်းနောက် သူရို့စာ ထိုစစ်သားရို့ကို တန်းကား အများကြီး ပီးရို့ ပြောကတ်လီရေ၊ “‘အကျွန်ရို့ ညဉ့်မာ အိပ်ကတ်တေခါ ယေရှု တပည့်ရို့ လာရို့ သူ့အကောင်ကို ခိုးယူလားခလီပါရေ’ ဟို့ နင်ရို့ ပြောလီကတ်။ ဒေ စကားကို အုပ်ချုပ်သူကြီးပိလတ် ကြားရေဆိုကေ ငါရို့ သူ့ကို ငြိမ်းဝပ်အောင် လုပ်မည် အရာ နင်ရို့ ဒါဏ် ခံရကတ်ဖို့စာက ငါရို့ ကယ်ဆယ်မည်။” ယင်းခါ ထိုစစ်သားရို့စာ တန်းကားတိကို ယူရို့ ဂေါင်းဆောင်ရို့ မှာလိုက်စာပိုင်တထန် ပြောပြကတ်လီရေ။ ထိုစစ်သားရို့ ပြောလီစာ စကားတိ ဒေနိတိုင်အောင်ပင် ယုဒလူမျိုးရို့အထဲမာ ပြန့်ကျယ်ရို့ ဟိသိရေ။