Những câu Kinh Thánh phổ biến từ Génesis 1

Chia sẻ

Soc la yal: “Ya me jpastic winic te jich yilel te bit'il jo'otique. Ja' me ya swentain spisil te xchayul ja'etic, spisil te mutetic, spisil te alaq'uil chambalametic, te ja'mal chambalametic, soc spisil te chanetic te ya stas sbaic ta lumq'uinale”, xi'. Jich pastaj yu'un Dios te winique, jich yilel te bit'il Diose, jtul winic soc jtul ants la spas.

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

12Ta xjajch'ibal Dios la spas spisil te bitic aye, ch'ulchan balumilal.

Te balumilal jich nax ay, ma chajbanbiluc, spamal ay ta ijc' q'uinal te ja'e. Te espíritu yu'un te Diose xlichichet ta ba ja'.

La yal te Diose: “Ac'a sacubuc q'uinal”,, xi'. Jich a sacub te q'uinale.

Dios la yil te jelawen yutsil ta spisil te bitic pasbil yu'une. Te yijc'ubel q'uinal soc te sacubel q'uinale, ja' swaquebal c'aal abi.

Dios la yil te bit'il lec te saquil q'uinale, soc cha'q'uejp la yac', jq'uejp c'ot te saquil q'uinale, jq'uejp c'ot te ijc' q'uinale.

Dios la yal: —Aiya awaiyic stojol, cac'ojbeyex awe'elinic spisil awalts'unubil te ya xju' ta tuuntesel sit te ya yac' ta lumq'uinale, soc spisil te' te ya xju' ta lo'el te site, ja' me ya awe'elinic.

Dios la yac'bey sbiil te saquil q'uinale, “c'aaleltic” sbiil c'ot yu'un. Soc la yac'bey sbiil te ijc' q'uinale, “ajc'ubal” sbiil c'ot yu'un. Te yijc'ubel q'uinal soc te sacubel q'uinale, ja' sbabial c'aal abi.

Soc la yal te Diose: “Ac'a chicnajuc moel xyaxal te ch'ulchane, ac'a sq'uep sba moel ta sba te ja'e, soc ac'a spaman sba ta yet'al”, xi'. Jich pastaj yu'un.

Ta spisil te ja'mal chambalametic te ayic ta balumilale, soc te ya stas sbaic ta lumq'uinal, soc ta spisil te mutetique, ja' me swe'elic ya xc'ot uuc spisil te wamaletic te ya xch'iic ta q'uinale —xi' te Diose. Jich pastaj yu'un.

La yal te Diose: “Ac'a chicnajuc bitic xlemlajanic ta xyaxal te ch'ulchane, swenta yu'un ya xchicnaj q'uinal ta balumilal yu'un, parte ya xc'ot te c'aaleltique, soc parte ya xc'ot te ajc'ubale swenta yu'un ya yich' ajtayel a te jujun c'aal, te jujun u, soc te jujun ja'wile”, xi'. Jich pastaj yu'un.

jich yu'un la yal: “Ac'a ch'iuc te'etic soc ch'in wamaletic ta lumq'uinal: te wamal te ya yac' sbaq'ue, soc te'etic te ya yac' site, chican bi yilel sit te juju-jchajp”, xi'. Jich pastaj yu'un.

Jich la xchicnantes moel xyaxal ch'ulchan te Diose, parte la yac' te ja' te ay ta yet'al te xyaxal ch'ulchane, parte la yac' te ja' te ay ta sba.

Jich a ch'i spisil te'etic wamaletic te ya sitinic ta lumq'uinal: te ch'in wamaletic te ya yac' sbaq'ue, soc te'etic te ya yac' site, chican bi yilel sit te juju-jchajbe. Lec ay ta spisil la yil te Diose.

Dios la spas cheb muc'ul lucetic te ya xtilique: ja' ya swentain yaq'uel saquil q'uinal ta c'aaleltic te muq'ue, te ch'ine ja' ya swentain te ajc'ubale. Soc la spas te eq'uetique.

Soc la yal te Diose: “Te ja' te ay ta yanil xyaxal te ch'ulchane, jun nax yawil ac'a c'otuc, ac'a chicnajuc te lumq'uinale”, xi'. Jich pastaj yu'un. Dios la yac'bey sbiil te q'uinal te taquejemixe, “lumq'uinal” sbiil c'ot yu'un. Te bay la stsob sba te ja'e, “mar” sbiil c'ot yu'un stuquel. Lec la yil te Diose

jich yu'un la yac'bey bendición, jich la yal: “Esmajanic, nojesaic te ja'etique. Mutetic, esmajanic ta balumilal”, xi'.

La yal te Diose: “Ac'a chicnajuc ta lumq'uinal spisil ta jchajp te chambalametique: te alaq'uil chambalametic, soc te ja'mal chambalametique, soc te chanetic te ya stas sbaic ta lumq'uinale”, xi'. Jich pastaj yu'un.

La yal te Diose: “Ac'a chicnajuc te bitic ya xcuxinic ta ja', soc mutetic te ya xwilic ta sba te balumilale”, xi'. Jich pastaj yu'un.

Dios la spas spisil chambalametic ta balumilal ta juju-jchajp. Lec la yil te Diose.