Những câu Kinh Thánh phổ biến từ मर्कूस 12

Chia sẻ

येशू उहिहे जवाफ देलाँ, “सक्कुहुनसे खास आज्ञा यी हो: हे इजरायली मनै सुनो, प्रभु परमेश्वर जेकर हम्रे आराधना कर्थी, वहे परमेश्वर हुइताँ। तैँ परमप्रभु अपन परमेश्वरहे तोरिक पूरा मनसे, तोरिक पूरा ज्यानसे, तोरिक सारा समझसे और तोरिक सारा शक्तिसे प्रेम कर। फेनदोस्रे दोसुर सक्कुहुनसे खास आज्ञा यी हो, ‘दोसुर जहनसे फेन ओत्रै प्रेम करो, जतरा प्रेम तुहुरे अपनहे करथो।’ परमेश्वर यी दुईथो आज्ञासे भारी कौनो आज्ञा नै देले हुइँत।”

अपन चेलनहे अपन थेन बलाके येशू ओइन्हे कलाँ, “जात्तिके मै तुहुरिन्हे कहतुँ, दानपात्रमे चह्रुइयनमेसे यी विधवा सक्कुहुनसे धेउर चह्राइल बा। मै यकर लग कनु, काकरेकी ओइने धनी बताँ, ओइने ओम्नेमेसे थोरचे देले बताँ, जेकर ओइन्हे कौनो जरुरी नै रहिन। पर यी विधवा गरीब रहिके फेन उ सक्कु दैदेहल जोन ओकर थेन बँचल रहिस। यहाँसम कि ऊ सक्कु फेन दैदेहल, जोन उहिहे जिअक लग चाहतिहिस।”

येशू मन्दिरके दान चह्रैना ठाउँक आघे बैठ्लाँ, और मनैनके भीड़हे दानपात्रमे दान चह्रैलक हेरलाँ। बहुत्ते धनी मनै बर-बर रकम चह्रैलाँ। तब् एकथो गरीब विधवा आके दुईथो तामक सिक्का दारल, जेकर मूल्य एकदम कम रहे।

हम्रिहिन्हे परमप्रभु हमार परमेश्वरहे अपन पूरा मनसे, अपन पूरा ज्यानसे, अपन सारा समझसे और अपन सारा शक्तिसे प्रेम करे परत। और हम्रिहिन्हे दोसुर जहनसे फेन ओत्रै प्रेम करे परत, जतरा प्रेम हम्रे अपनहे कर्थी। यदि हम्रे असिक कर्थी कलेसे यी परमेश्वरहे हमार चह्राइल बलिदान और दानसे ऊँच हो।”

तब् येशू ओइन्हे कलाँ, “जोन महाराजक हो, उ महाराजाहे देऊ, और जोन परमेश्वरके हो, उ परमेश्वरहे देऊ।” तब् उ सक्कु जहनहे येशूक बात सुनके अचम्म लग्लिन।