Những câu Kinh Thánh phổ biến từ मत्ती 16

Chia sẻ

तब् येशू अपन चेलनहे कलाँ, “यदि तुहुरे मोरिक संग आई चहथो कलेसे, तुहुरिन्हे अपनहे बिस्राई परी, तुहुरिन्हे मोरिक लग दुःख सहे परी, यहाँसम कि मुअक लग फेन तयार हुई परी। तब् तुहुरे मोरिक चेला बनक लग अपन क्रूस उठाके मोरिक संग आई सेक्बो।

मै तुहिन्हे कहतुँ, कि तुँ पत्रुस हुइतो। मै मोरिक मण्डली यी चट्टानके उप्पर बनैम, और नरकके दवार उहिहे जिते नै सेक्हीँ।

मै तुहिन्हे स्वर्गक राजके चाभी देहम। तुहुरे पृथ्वीमे ज्या बहन्बो, उ स्वर्गमे बहन्जाई। और तुहुरे पृथ्वीमे ज्या खोल्बो, उ स्वर्गमे खोलजाजाई।”

काकरेकी जे अपन ज्यान बँचाई, उ उहिहे गुमादारी और अपन ज्यान मोरिक लग गुमुइया उहिहे बँचाली।

यदि कौनो मनैया संसारके सक्कु चिज भेटाके धनी बन्जाई, पर ऊ परमेश्वरके संग सदाकालके जीवनके मौका गुमा देहल कलेसे उहिहे का फाइदा हुइहिस? कुछु फेन नै। और एकथो मनैया सदाकालके जीवन किनक लग परमेश्वरहे का देहे सेकी? कुछु फेन नै।

तब येशू ओइन्हे पुँछ्लाँ, “तुहुरे का कथो, मै के हुइतुँ?” सिमोन पत्रुस जवाफ देहल, “अप्नि ख्रीष्ट हुइती, जित्ती परमेश्वरके छावा।”

येशू उहिहे कलाँ, “योनक छावा सिमोन, तुँ धन्य हुइतो। काकरेकी मनैन थेनसे तुहिन्हे यी नै प्रकट हुइल। पर स्वर्गमे रहुइया मोरिक बाबा प्रकट करल।