Những câu Kinh Thánh phổ biến từ માર્ક 8

Chia sẻ

કેંમકે ઝી કુઇ પુંતાનો જીવ બસાવા માંગે હે, વેયુ હેંનેં ખુંએં દડહે. અનેં ઝી મારી અનેં તાજા હમિસાર હારુ પુંતાનો જીવ ખુંવા માંગે હે, વેયુ અમર જીવન મેંળવહે.

અગર કુઇ મનખ દુન્ય ની ઘણી બદી વસ્તુ મેંળવે, અનેં પુંતાના આત્મા નું નુકસાન થાએ, તે હેંનેં હું ફાયદો થાહે?

ઇસુવેં ટુંળા ન મનખં નેં પુંતાનં સેંલંનેં હાતેં ટીકે બુંલાવેંનેં હેંનનેં કેંદું, “અગર તમં મહું કુઇ મારો સેંલો બણવા સાહો, તે તમારે જરુર પુંતે પુંતાનેં નકાર કરવો પડહે. અનેં પુંતાનો ક્રૂસ તુંકેંનેં મારી વાહે આવવું પડહે.

કુઇ મનખ અમર જીવન વેંસાતું લેંવા હારુ, પરમેશ્વર નેં હું આલેં સકે? કઇસ નેં. ઝી કુઇ આ સિનાળવું કરવા વાળં અનેં પાપ મ પડેંલં મનખં નેં વસ મ મારી થી અનેં મારી વાતં થી હરમાહે, તે હૂં માણસ નો બેંટો હુંદો, ઝર પવિત્ર હરગદૂત નેં હાતેં પુંતાના બા ની મહિમા મ આવેં, તર હેંનં થી હરમાએં.”

તર ઇસુવેં હેંનનેં પૂસ્યુ, “પુંણ તમું મારા બારા મ હું વિસારો હે કે હૂં કુંણ હે?” પતરસેં હેંનેં જવાબ આલ્યો, “તું મસીહ હે.”