Những câu Kinh Thánh phổ biến từ फिलिप्पि 2

Chia sẻ

स्वार्थ कालाउ घमन्डता हाइ दोङ मापासु, कालाउ मोनोइता एमिसो-भेनेङहेङ ताइमिहेङ खान्तेङ हेन्जा महत्व पुर्न थानेसु। नेलाइ झाराङ ताइको भाअ्सिङ खिनिङ भलाइ माभोसु, भरु भेनेङगेलाइको भाअ्सिङ बुङ भलाइ सोचेसु।

नेलाइता इसिका मन ह्याको जेदोङ ख्रिस्ट येसुता बुङ हिघाहि।

वा परमेस्वर जेङतेङ वा दोङ, परमेस्वरको बानाबोरको जेङका काथाहेङ एनोङ रिम्तेङ ताअ्का आमेने भाइपा माथानेहि। कालाउ वा दोङ गोताङ आमेने लाअ्हि, कालाउ बान्धाइति स्वभाव भाङघाइहि, कालाउ वा द्‍याङ जेङतेङ जोलोमहि। कालाउ द्‍याङको रुपता जेङतेङ ताइमिहेङ मोनोइ बानाइहि, कालाउ परमेस्वरको आग्याकारिता, वा आपाराधि कोनिङ क्रुसता सिलि बुङ तियार जेङहि।

हाइपालिपानु परमेस्वर नेलाइकोता काम पादोङखे, जेदोङ कामहोइ वासेहेङ लेङचापाखे इङको काम पाका इच्छा कालाउ सरबुङ नेलाइहेङ वा दोङ पिखे।

ओदोङ भाअ्सिङ परमेस्वर वासेहेङ हेन्जा बारका पदता ताअ्हि, कालाउ वासेहेङ इङको मिङ पिहि, जेदोङ गोताङ मिङ खान्तेङ बारका हि। कि स्वर्ग, प्रिथिबि ह्रुता कालाउ प्रिथिबि लेता हिका झाराङ येसुको मिङता तिरु थोलि गोयाङ। कालाउ झाराङ आबा परमेस्वरको महिमाको भाअ्सिङ येसु ख्रिस्टहेङ प्रभु हि दोअ्तेङ सुइकार पावा।

गोताङ काम गनगन माकुनु झर्क मामानिसिङ पासु। कालाउकि दुस्ट कालाउ भ्रस्ट द्‍याङगेलाइ भरिका सुमिङता परमेस्वरको सुद्द जामाललाइ भाइका सुद्द कालाउ मादुसिका जिबन जियाइसु। इदोइ सुमिङता मारेम्का काम पाका द्‍याङगेलाइको माझाता नेलाइ आकासको फुरुगेलाइ भाइपाङ चिल्कालि गोइखे।

काङको आनाउ खान्धुराइ ओनेगेलाइ, का नेलाइ दोफा हिलाउ जेलाउ बुङ आग्या केम्का हिघा सुखेना। एला का नेलाइसो दुरे हिघा, ओदोङ भाअ्सिङ का नेलाइ दोफा माहिलाउ बुङ झन हेन्जा आग्याकारि हिलि गोइस्वाना। नेलाइ झाराङ थितेङ कालाउ फिरतेङ इङको काम पालि गोइखे, जेदोङ उङको द्‍याङगेलाइको भाअ्सिङ उचित हि, जाइहेङ परमेस्वर मुक्ति पिका हि।