Những câu Kinh Thánh phổ biến từ एफिसि 3

Chia sẻ

परमेस्वर केलाइको ह्रेका कालाउ सोचिका खान्तेङ हेन्जाङ पालि दोखे, हाइपालिपानु वाको सरबुङ केलाइ लिता काम पातेङ हि। केलाइको येसु ख्रिस्ट दोफाको सम्बन्धको कारन मन्डलिता परमेस्वरहेङ पुस्तासो पुस्ताङ थेकापा जेलाउलाउ बुङ महिमा मिलियाको। आमेन।

का प्रार्थाना पाङका कि परमेस्वर ताइको महिमाको आसिम मुलसो नेलाइहेङ ताइको आत्मासो सरबुङ प्याको कालाउकि नेलाइ आत्माता बल्लियाका जेङलि दोसु। नेलाइ आत्माता बल्लियाका जेङलि गोइखे, कालाउकि नेलाइको खाङधुरिहोइ ख्रिस्ट नेलाइको ह्रदयता ह्याको। का प्रार्थाना पाखा, कि नेलाइको परमेस्वर दोफाको प्रेम कालाउ एमिसो भेनेङ दोफा प्रेमहोइ नेलाइहेङ बल्लियाका बानाइलि द्वाको कालाउ पाप पालिसो बान्चि पाको। कालाउ गोताङ परमेस्वरको जनगेलाइ दोफा नेलाइ गिलि दोसु, कि ख्रिस्ट केलाइहेङ हेथे प्रेम पाखे। वा केलाइहेङ हेन्जा प्रेम पाखे, कालाउ इङको प्रेमको हिदोइ बुङ सिमा मान्थु। का प्रार्थाना पाखा, कि नेलाइ ख्रिस्टको प्रेम बुझिलि दोसु, जेदोङ द्‍याङको बुद्दि खान्तेङ बाहार हि। कालाउकि नेलाइ परमेस्वर कोनिङ गोताङ काथाता परिपक्क जेङलि दोसु।

केलाइको ख्रिस्ट दोफाको सम्बन्ध कालाउ वाकोता खाङधुरिको कारन एला केलाइ साहासि कालाउ निर्धक्क जेङतेङ परमेस्वरको आगा लोलि द्वाङ।