Những câu Kinh Thánh phổ biến từ К Римлянам 1

Chia sẻ

Кайңукигатанка Пинилӷӣт Уңипат: Кияӷныӷым аҳтуӷьяҳқа̄нӷилъқӣ югулилъыӷмун тамаҳа̄нун ухпықилӷӣнун. Сивуклъютың уңипақыхка̄гут Иудеянун та̄хкын язычнигнун.

Та̄кут Пинилӷӣт Уңипат лӣгикыстӣлъю натын Кияӷныӷым налъҳусяӷақутаңи югыт ылъқуӷутңалъыӷмыхнун. Ухпықилъҳинӣтхун Кияӷнық таўатын пӣқуқ. Катам Акузитни Игақыхкани игақңа̄қ: «Налъҳуҳқыхкақ Кияӷныӷым ылъқуӷутңалъҳанун кияҳлъықуқ ныӷьюклъюку лъңа».

Кияӷныӷым улиматаңаның нуна, югыт лӣгикңўа̄ӷақа̄т аҳтуӷьяҳқа̄нӷилъҳа аӷулӣӷигалңуқ, ипалъю Кияӷныӷутаңа. Қайўа югыт ысҳаҳпагниңитыӷңа̄ӷмыхтыкык та̄кук, паниның лӣсимакахкыт Кияӷныӷым улима̄ӷакун. Ынка̄м югыт апалъӣтут хўатын пилъыҳқамың, Налъюкаҳпут Кияӷнылгутаңа.

Лӣсимакыӷңа̄ӷмыхтыху Кияӷнық, қӯлвӣгата̄т Кияӷныӷулюку, игамсиқаюгвикигата̄тлъю. Йыӷлыги сюмыҳтаӷалъҳит Кияӷныӷмың сятңунаниқа̄гут, умьюгӣтлъю лӣгикнаниқа̄гут.

қаюҳлъяк ипапилъық Кияӷныӷмың аюқылӷӣ на̄вӷусима̄т иқлъыңамун. Ынка̄ңам манигуӷақӣтлъю, қыпҳа̄тақӣтлъю Кияӷныӷым улима̄ӷи, авылӷаӷлюку Улимаӷиста лъңа катам. Лъңаңӯқ усюқсяҳқақ қӯнпырухлъяк кынлыңуна̄н! Аминь.

Қилягмың Кияӷныӷым югыт лӣгикыстӣ сякшитутңунилюки, аӷью̄ҳлъықнилюкилъю сыӷлыҳқылъҳитнун, сыӷлытунлъю пилъҳитнун. Сыӷлытун пилъҳита лӣгикнаниҳтыстӣт Кияӷныӷым ипапилъҳаның.

Тама̄кын апалъюқлъюку Кияӷныӷым пыхтӣ атуқысқылъюки сыӷлыҳқылъҳыт пиюкыҳлъякӣт. Аӷнат альңунаҳқильӷит югыт, йыӷлыги альңунаҳқысягутут аӷна̄лгутмыхның. Таўатыҳпигақ югытлъю альңунаҳқысюгнаниӷит аӷнат, йыӷлыги альңунаҳқыльӷит юлгутмыхның. Таўатын пика̄таңитның Кияӷныӷым аӷью̄ӷӣ югусӣтхун апалъюқлъюки анахутылъыҳлъягит. Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

Пыҳқинӷунӣқут иўырңа налъю̄ҳтақут. Ынка̄м манигуҳпына̄н Кияӷнық туқуяҳқаҳа̄нӷилңуқ, йыӷлыги манигуӷақӣт кияӷныңлъяқатың юхсюгнилңӯт, қаўа̄хсюгнилңӯт, тыӷикусяҳсюгнилңӯт, налиӷмың нымыӷьяҳсюгнилңӯт.