Những câu Kinh Thánh phổ biến từ ལུ་ཀ་ལེའུ་ 23

Chia sẻ

དེ་ལས་ཡེ་ཤུ་གིས་ ཡབ་ལགས་ ཨ་ནི་མི་ཚུ་ལུ་བཀའ་དྲིན་བསྐྱང་གནང་ ཁོང་གིས་ག་ཅི་འབདཝ་ཨིན་ན་ ཁོང་རང་གིས་རྩ་ལས་མི་ཤེས་པས་ཟེར་ཞུ་ནུག་ དེ་ལས་དམག་མི་ཚུ་གིས་ ཁོ་གི་ན་བཟའ་འདི་ ག་གིས་ཐོབ་ག་བལྟ་ནི་སྦེ་ རྒྱན་ཤོག་བརྐྱབས་ཏེ་ ཁོང་རང་ཆ་ཁྱབ་བགོ་ནུག

དེ་བཟུམ་སྦེ་རང་ཡེ་ཤུ་གིས་ཁོ་ལུ་ ང་གིས་ཁྱོད་ལུ་དོན་ལས་རང་སླབ་ཨིན་ ཁྱོད་ད་རེས་ང་དང་གཅིག་ཁར་ཡར་ཞིང་ཁམས་ལུ་ལྷོད་ནི་ཨིན་ཟེར་གསུངས་ནུག།

དེ་ལས་ཁོ་གིས་ཡེ་ཤུ་ལུ་ གཙོ་བོ་ལགས་ ཁྱོད་རང་གི་རྒྱལ་སྲིད་སྐྱོང་བ་འབྱོནམ་ད་ ང་ལུ་ཐུགས་ཁར་དྲན་ཏེ་བཀའ་དྲིན་བསྐྱང་གནང་ཟེར་ཞུ་ནུག

དེ་ལས་ཡེ་ཤུ་གིས་གསུང་སྐད་ཤུགས་སྦེ་གསུངས་ཏེ་ ཀྱེ་ཡབ་ལགས་ ངེ་གི་སེམས་ཉིད་ ནཱ་གི་ཕྱག་ལུ་ཕུལ་ཡོད་ཟེར་ཞུ་སྦེ་གཤགས་སོང་ནུག

དེ་ལས་ཁོང་ཕར་ས་གནས་ཐོདཔ་ཟེར་སླབ་མི་ནང་ལྷོདཔ་ད་ དེ་ཁར་ཡེ་ཤུ་བཀྲོང་ནི་སྦེ་ཁྲམ་ཤིང་གུ་བརྐྱངས་ནུག་ དེའི་སྐབས་ཁོང་ཉེས་པ་ཅན་གཞུང་ཁྲིམས་ཕོག་མི་གཉིས་ཡང་ གཅིག་ཡེ་ཤུ་གི་ཕྱག་གཡས་ལས་དང་ གཅིག་གཡོན་ལུ་ བསད་ནི་སྦེ་ཁྲམ་ཤིང་གུ་བརྐྱངས་ནུག

ཉིན་མའི་ཆུ་ཚོད་བཅུ་གཉིས་ལས་ཆུ་ཚོད་གསུམ་ཚུན་ཚོད་ ས་ཆ་ག་ར་ནང་གནག་དུང་དུ་སྦེ་ཡར་སོང་ནུག དེ་ལས་ མགོན་ཁང་ནང་བརྐྱང་སྟེ་ཡོད་མིའི་ཡོལ་ལི་དེ་ སྦུག་ལས་མར་ཧྲལ་ཡར་སོང་ནུག

དེ་ལས་སྤྱི་དཔོན་དེ་ཡང་ རྟགས་མཚན་མ་འདྲཝ་བྱུང་མི་ཚུ་མངོན་སུམ་དུ་མཐོང་ཞིནམ་ལས་ ཨ་ནི་མི་དེ་ དོན་ལས་རང་དྲང་བདེན་པ་གཅིག་ཨིན་མས་ ཁོ་ལུ་ཉེས་པ་མེདཔ་ཐག་ཆོད་ཨིན་མས་ཟེར་ ཁོ་གིས་དཀོན་མཆོག་ལུ་བསྟོད་པ་ཕུལ་ནུག