Những câu Kinh Thánh phổ biến từ متى 5

Chia sẻ

ئِوْذَان وَار سْرقِّين شَا ڒْقنْدِيڒ حمَا اَخَاس قڒْبن اَقْنُوْش؛ لَّا، تݣّن-ث خ ڒْمَرْفَع حمَا اَذَاسن يُوْش ثْفَاوث إِ مَارَّا ؤُݣ يدْجَان ذِي ثدَّارْث. أَمُّو، جّث ڒْقنْدِيڒ نْوم يشعّڒ إِ يِوْذَان حمَا اَذ ࢲرن ڒخْذَايم نْوم ثِصبْحَانِين اَذ حمْذن بَابَاثْوم يدْجَان ذݣ وجنَّا.

كنِّيو ذ ثْفَاوث ن دُّنشْت. ئِجّن ن ثنْدِينْت إِي يدْجَان خ وذْرَار وَار ثْزمَّر اَذ تقِّيم ثْنُوْفَّر.

سَّعْذ نْسن إِ يِنِّي غَار يدْجَا وُوْڒ ذ اَشمْڒَاڒ، أَقَا اَذ ࢲرن أَربِّـي.

سَّعْذ نْسن إِ يِنِّي يدْجُوْزن يفُّوْذن غَار مِين يدْجَان نِيشَان، ڒَاحقَّاش نِثْنِي اَذ جَّاوْنن.

وَلَكِن قَّارغ-اَوم نش: خْسث ڒْعَذْيَان نْوم، تَّارث إِ أَربِّـي خ يِنِّي كنِّيو يتْعدَّابن،

"سَّعْذ نْسن إِ يِنِّي يدْجَان ذ ڒْمُسَاكِين ذݣ اَرُّوْح نْسن، أَقَا ڒْمُلْك وجنَّا إِ نِثْنِي.

سَّعْذ نْسن إِ يِنِّي يصدْجْحن يوْذَان، أَقَا نِثْنِي اَثن سمَّان اَمشْنَاو ثَارْوَا ن أَربِّـي.

سَّعْذ نْسن إِ يِنِّي يتْرُوْن، أَقَا اَذ تْوَاشجّْعن.

سَّعْذ نْسن إِ يِنِّي يتْوَاعدَّابن خ سَّبَاب ن مِين يدْجَان نِيشَان، أَقَا ڒْمُلْك ن وجنَّا إِ نِثْنِي.

سَّعْذ نْسن إِ يِنِّي يرحّْمن، أَقَا اَثن يرْحم أَربِّـي ؤُڒَا ذ نِثْنِي.

سَّعْذ نْوم مڒَا تْزَوَارن-كنِّيو، عدّْبن-كنِّيو، نِغ نَّان ذَايْوم ڒْعِيب س يخَارِّيقن خ سَّبَاب ينُو. ضحْشث، فَرْحث. أَقَا غَارْوم يجّن ن لْأَجَار ذ اَمقّْرَان ذݣ وجنَّا ڒَاحقَّاش اَمنِّي إِي تْوَاعدّْبن لْأَنْبِيَا تُوْغَا يدْجَان قْبڒ نْوم.

سَّعْذ نْسن إِ يِنِّي يدْجَان ذ دْرَاوش، أَقَا اَذ وَرْثن دُّنشْت.

ذ كنِّيو إِي يدْجَان ذ ڒمْڒح ثَصبْحَانْت ن ثْمُوْرْث. وَلَكِن مڒَا يرُوْح-اَس لْمَذَاق نّس، مَامش ذَاس غَا نݣّ اَذَاس ثِيذ نَارّ؟ أَتَاف وَار ثْصدْجَاح إِ وَالُو، غِير اَت نْضَرن غَار بَارَّا وَاهَا اَخَاس عفّْسن يِوْذَان.

إِڒِيث نِيشَان قَاع، أَمشْنَاو مَامش يدْجَا بَابَاثْوم ذݣ وجنَّا.

أَذ يِيڒِي وَاوَاڒ نْوم: وَاه نِغ لَّا. مَارَّا مِين غَا ثِينِيم ذ زّْيَادَا، أَتَاف اَࢲْور نّس زِي شِّيطَان.

أَقَا ثسْڒِيم ذِي لْكِتَاب مِين يتْوَانَّان ذݣ يِجّن ن زْمَان: ونِّي غَا يكّْسن ثِيطّ إِ شَان يِجّن، أَتَاف اَذَاس كّْسن ثِيطّ. ونِّي غَا يكّْسن ثِغْمسْت إِ شَان يِجّن، أَتَاف اَذَاس كّْسن ثِغْمسْت. وَلَكِن نش قَّارغ-اَوم: وَار تْعَارَّاضم شَا إِ ونِّي يدْجَان ذ اَعفَّان. ونِّي ش غَا يسقّْڒن غَار وغمْبُوْب جِّهث ثَفُوْسِيث ذوَّاڒ-اَس جِّهث نّغْنِي.

مڒَا ثِيطّ نّش ثَفُوْسِيث تْسبَّاب-اَش ذِي شَان ڒفْضِيحث، قْڒع-يت زَعْمَا نْضَر-يت خَاك. حْسن إِ شك اَذ تخْسَرذ يجّن ن طَّارْف زِي دَّات نّش زِي مڒَا ثْمنْضَار دَّات نّش اَمن-ثكْمَاڒ ذِي جَهنَّمَا. مڒَا فُوْس نّش اَفُوْسِي يتْسبَّاب-اَش ذِي شَان ڒفْضِيحث، قسّ-يث زَعْمَا نْضَر-يث خَاك. حْسن إِ شك اَذ تخْسَرذ يجّن ن طَّارْف زِي دَّات نّش زِي مڒَا ثْرُوْح دَّات نّش اَمن-ثكْمَاڒ ذِي جَهنَّمَا.