Những câu Kinh Thánh phổ biến từ रोमी 2

Chia sẻ

सङ्‌घारी, टुँ असिन काम कर्ना मनैन दोषी ठह्रैठो तर अप्‍नजुन ओस्‍तहेँ काम कर्ठो। का परमेश्‍वर टुँहार न्याय करलगहीँ त टुँ उम्‍क सेक्‍बो? अथवा का टुँ परमेश्‍वरक अपार कृपा, सहनशीलता ओ धीरजह तुच्‍छ सम्‍झठो? परमेश्‍वर आपन कृपाद्वारा टुँहीन पापी मन परिवर्तन कैक परमेश्‍वरकठे घुम्‍ना मौका देटीबाट कना बात का टुँ थाहाँ नैपैटो?

उहओर्से, संघारी, का टुँ औरजहन दोष लगैठो? टुँ जे रलसे फे दोषी नैहुइटुँ कैक बहाना बनैना ठाउँ नैहो। औरजहन दोष लगैना टुँ अपन्‍हेह दोषी ठह्रैटीबाटो काकरकि औरजहन जौन कामक दोष लगैठो, उह काम टुँ फे कर्ठो।

काकरकि परमेश्‍वर केक्रो पक्षपात नैकर्ट।

काकरकि व्‍यवस्‍था सुन्‍क केल परमेश्‍वरक नजरम मनै धर्मी नैठह्रट तर व्‍यवस्‍था पालन कैक जो परमेश्‍वरक नजरम मनै धर्मी ठह्रठ।

परमेश्‍वर हरेक मनैयह वाकर करल काम अनुसार इनाम देहुइयाबाट।

और मनै अपन्‍हेह केल प्रेम कर्ठ, सत्‍य बातह इन्‍कार कर्ठ ओ खराब कामक पाछ लग्‍ठ। हुँकन्‍हकम परमेश्‍वरक रिस ओ दण्‍ड पर्ठन।

तर टुह्र कठोर होक उहाँकओर घुम नैचहलो। उहओर्से परमेश्‍वर रिसाइल दिन न्याय करबेर टुह्र भारी दण्‍ड पैबो। उ दिन परमेश्‍वर सबजन्‍हक न्याय ठीकसे करुइयाबाट।