Những câu Kinh Thánh phổ biến từ Mataji 28

Chia sẻ

Neke lino nditigila: muhelelage ku-ńi jonda, mukavadzusage vańigendwa vangu ifipelela fya vanu vonda pakuvadzabikila mwitavwa lya Nguluvi udadye nilya muswamuve nilya Mubepo umwîmike. Mukavadalikilage, vagendelage lulo, lwe mupulike ukwangu, pe ndikuvavūla. Lolage ndilavedza apeńo mbêpali hela ukudzifika, na ku kwe jidugye ińi.

Neke baho Jesu ahegēlelage neke alongage atigilage: uvutavulilwe vonda nuvwa kukyâna nuvwa pańi ndipelilwe june.

Neke baho umuńa-mwandza avalongelage avakiṅinavo neke atigilage: uńeńe mutane ukogopa, ndivwene ndivadzelye unene ukuta mukumusakula Jesu umupindulihidzwa. Sipwali apa, ndivwene adzulubwike, ndevye alongile, mungadza mukilole ikivungu, kye akalambalye.

Neke baho Jesu atigilage: mutane ukogopa, fino muhelelage mukavalongele avańa-ṅolo visu, vahelelage mu-Galilaja, kwe kwene kwe mudzikumbona unene.

Neke baho avene neke valundanage navandzagila ikisina neke valonganage; neke baho avene vahombage mbandu kuvasilikali ulupija ulolofu. Neke vavafundage vatigilage: mutigilage avańigendwa vakwe vadzile vamuhidzile pakilo, pe unefwe dzitutolile itulo. Ngana tuvwene apulike uguvaneli, apo tuladza tumukongakonge jufwe, uńeńe mwilya fīke. Neke baho avene neke vanukilage ulupija neke vagendelage lulo, lwe vafundilwe; neke lino kuva-Juda lupulise uludzovo lulo na kulino, lwe vikululonga na li lino lulo.