Những câu Kinh Thánh phổ biến từ Mateo 16

Chia sẻ

Nits Jesús tnëëjmjaay y'ixpëjkpëttëjjk: —Pënpën ëjts xpattuu'yo'oywyamp, kä' jä' kë'm y'oknamyëjj'ijxnëyë't, wä'n jyüky'ajjt tkë'yäky najjts ëjts xpattuu'yo'oyty.

Ixyam ëjts mijts nkuxëëwë't Pedro, jäts ya'at tsakkëjjxy ëjts ntsajptëjjk npë'mt nkojjt; kä' yë' oo'jkë'n kyuttujjk myajaaw tyëkmataajkë't.

Mijts mjakyäpp kuttujjk mëjk'ajjt mati' jäm tsajpjotm, mati' mijts mtsu'mp mkuwëëmp yaj naxwinkëjjxy, ninyajjts jä' yëkkuwëënt tsajpjotm, mati'its mijts mnajtskäjjë'p yaj naxwinkëjjxy yëknajtskäjjë'pts jä' mëët jäm tsajpjotm.

Jä'ku pënpën jyüky'ajjt kamajtstu'utyë'm tjaa'w'eepy, takkoykyunaxpts jä', pënpënts ëjts këjxm jyüky'ajjt tnajts'ijx'eepy, pyaatpts jä' jüky'ajjt.

¿Tij jaa'y wyaa'nxë't oyë'm tukkë'yë tjamëëtëkyëxt yaj it naxwiiny, jäts jyüky'ajjt takkoykyunäxy y'itt? ¿Ok në'n jaa'y jyüky'ajjt tsyopaajtxëtë't jäts tkuju'yty?

—Nits y'ixpëjkpëttëjjk tnëëjmjaay: —¿Ntsots miits mwa'antë, pën ëjts? Nits Pedro y'atsooy: —Mijts Yëknitsokpë'eepy, jüky Yës Teety y'uu'nk.

Nits Jesús Pedro tnëëjmjaay: —Mëjjotkujjk'ajjt mtaxömpy, mijts Simón, Jonás myajjnk, jä'ku kä' mijts yë' tëj mwaa'nxyë yaj naxwiinë'tjaa'y, kë'm ëjts tëj nTeety'ajjt tsajpjotmë't mtawinjaw'ätyë.