Những câu Kinh Thánh phổ biến từ Lukas 13

Chia sẻ

“Oupwe achocho ämi oupwe tolong lon ewe asam mi pwangekükün. Pun chomong aramas ra sotuni ar repwe tolong lon, nge resap tongeni.

A wor eman fefin ikenan a wor eman ngününgau won, pwe a sasamau lon ükükün engol me walu ier. Neminei a pworofengen inisin, pwe esap tongeni wenecharatä. Iwe, lupwen Jesus a küna neminewe, a kökköri o apasa, “Nemin, kopwe ngas seni om samau!”

Iwe, Jesus a iseis pöün won, lon ewe chök otun ewe fefin a wenecharatä o mwareiti Kot.

Ewer, chokewe mi kükümwir lon ei fansoun repwe akom, nge chokewe mi akom lon ei fansoun repwe kükümwir.”

Iwe, are samolun ewe imw epwe pwätä o öppüngala ewe asam, mürin oupwe ütä lükün o popuetä le fichifich ngeni ewe asam o apasa, ‘Äm samol, kose mochen suki ngenikem ewe asam.’ Nge i epwe pölüenikemi, ‘Ngang üsap silekemi ia oua feito me ie.’

Apwi, sap ina! Nge üpwe ürenikemi, pwe are ämi ousap aier seni ämi tipis, oupwe pwal mäla ämi meinisin usun chök ir.”

Nge i epwe ürenisefälikemi, ‘Üsap silekemi ia oua feito me ie. Oupwe feil seniei ämi chon föföringau!’

Mürin Jesus a ais, “Met ewe Mwün Kot a wewe ngeni? Met üpwe tongeni awewe ngeni? A wewe ngeni eföü föün pwükilin irä mi fokun kükün, eman aramas a angei o fotukätiu lon an tanipi. Iwe, ewe föün irä a märitä o wiliti efoch irä, nge machang ra föri faser won palan kana.”