Những câu Kinh Thánh phổ biến từ मार्कुस 10

Chia sẻ

“हुंह मणछो पूत निं एते तैणीं आथी आअ द कि कुंण मेरी च़ाकरी करे पर हुंह आसा एते तैणीं आअ द कि हुंह होरीए च़ाकरी करे अर सोभी लोगे छ़ुटकारै लै आपणैं प्राण दैए।”

ईशू बोलअ तिन्‍नां बाखा भाल़ी करै, “ज़ुंण मणछे भलै नांईं हई सकदअ, सह सका परमेशरे भलै हई।”

ईशू बोलअ तेऊ लै, “डेऊ, तेरै विश्वासै किअ तूह नरोगअ।” तेऊ का लागअ तेभी शुझदअ अर सह लागअ बातै ईशू पिछ़ू हांढदअ।

एतो मतलब आसा इहअ कि ज़ुंण परमेशरै ज़ोल़ै दै आसा, तिन्‍नां ज़ुदै करदै निं तम्हैं लागा।”

ईशू भाल़अ तेऊ बाखा लै संघा बोलअ तेऊ लै, बडी झ़ूरी करै, “ताह दी आसा एकी गल्‍ले कामीं, डेऊ, ज़ुंण तेरअ आसा, तेऊ बांड गरीब मणछा लै अर ताल्है भेटणअ तेरअ धन स्वर्गै, अर तेखअ च़ाल्‍ल मुंह संघै।”

ईशू बोलअ तेऊ लै, “तूह किज़ै च़ाहा कि हुंह ताल्है करूं?” कांणै बोलअ ईशू लै, “हे गूरू, मेरी आछी कर ठीक मुखा लोल़ी शुझुअ।”

पर तम्हां मांझ़ै निं इहअ आथी, ज़ै तम्हां मांझ़ै कुंण बडअ हणअ च़ाहे, सह बणें पैहलै थारअ दास।

हुंह खोज़ा तम्हां का सत्त कि ज़ुंण बी परमेशरे राज़ा इना शोहरू ज़िहअ निं मने, सह निं तेथ कधि डेऊई सकदअ।”

“पर ज़ुंण एभै आप्पू बडै समझ़ा तिंयां हणैं काल्‍ला धैल़ी होछ़ै अर ज़ुंण एभै होछ़ै नकदरै आसा तिंयां करनै काल्‍ला धैल़ी बडै।”

मणछ आसा पैहलै ई का परमेशरै मर्ध अर बेटल़ी ई बणाऐं दै। तैही बोला परमेशर कि मर्ध रहणअ आपणैं ईजा-बाबा छ़ाडी आपणीं लाल़ी संघै एक। एही ता थिऐ बैह करनै आल़ै पैहलै दूई ज़ुदै-ज़ुदै मणछ, परमेशर मना तिन्‍नां दुही ऐबै एक मणछे रुपै, तैही च़ाहा सह कि तिंयां लोल़ी बैहा बाद सदा कठा रहै। “तैही निं तिंयां ऐबै दूई देही आथी पर तिंयां रहा एक देही बणी।