Những câu Kinh Thánh phổ biến từ लूका 17

Chia sẻ

तेखअ बोलअ ईशू तेऊ लै, “उझ़ू, डेऊ, तेरै विश्वासै बच़ाऊअ तूह।”

ज़ै पूरी धैल़ी सह साता बारी पाप करे, अर साता ई बारी सह ताह सेटा फिरी करै माफी मांगे, तेऊ लै करै माफ।”

तेखअ तिन्‍नां मांझ़ै एकी मणछै ज़ांऊं भाल़अ सह गअ ठीक हई, तेऊ किअ ज़ोरै-ज़ोरै परमेशरे ज़ै-ज़ैकार अर सह फिरअ ईशू सेटा लै बापस। तेऊ टेक्‍कअ ईशू सेटा माथअ अर तेऊ मनअ बडअ शूकर। सह मणछ त होरी ज़ातीओ सामरी मुल्खा का।

होश-बाशा दी रहा, “ज़ै तेरअ साथी-भाई पाप करे, तै दैऐ तेऊ नैरनीं ज़ै सह प्राश्त करे, तै कर तेऊ माफ।

एता लै बोलअ ईशू, “कै दस ज़ण्हैं निं हुऐ शुचै? तै तिंयां नौ ज़ण्हैं किधी आसा?

प्रभू ईशू बोलअ तिन्‍नां लै इहअ, “ज़ै तम्हां शाऊईए दाणैं बराबर बी विश्वास हंदअ, तै सका तै तम्हैं एऊ चिम्मूंए बूटा लै बोली कि ज़लैल़ै का पेछ़ुई करै लाग समुंदरै, थारी गल्‍ल मनणी ती एऊ।

ज़ुंण बी ऐहा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी बरैबाद, ज़ुंण मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी।

तेखअ बोलअ ईशू आपणैं च़ेल्‍लै लै, “परिक्षा रहा ज़िन्दगी दी एछदी लागी पर तेऊ मणछा लै आसा आफ़त! ज़ुंण दुजै का बी पाप कराऊआ। ज़ुंण मुंह दी विश्वास करनै आल़ै इना लान्हैं ज़िहै भोल़ै मणछा का पाप कराऊआ, तेऊ लै दैणीं परमेशरा सज़ा। तेऊ लै हणअ त इहअ भलअ कि तेऊए गल़ै नाज़ा पिशणैंओ बडअ थरेट बान्हीं पाणअ त सह समुंदरै डबेऊई

“ज़िहअ म्हारै दाद-बाब नूहे ज़मानैं हुअ, तिहअ ई हणअ मुंह मणछे पूतो फिरी एछणअ बी। “ज़हा धैल़ी तैणीं नूह ज़हाज़ा दी नांईं बेठअ, तेभै तैणीं रहै लोग खांदै-पिंदै लागी, अर तिन्‍नां मांझ़ै हआ तै शादी-बैह, अर तेखअ हुऐ तिंयां पाणींए प्रल़या दी बरैबाद।