Những câu Kinh Thánh phổ biến từ एजकेल 34

Chia sẻ

“ज़ुंण भेडा लुक्‍की दी आसा, मुंह डेऊणअ तिन्‍नां लोल़ै, ज़ुंण हेल़्ही का टल़ी दी आसा, तिंयां आणनीं मुंह बापस। ज़ुंण भेडा ज़खमी आसा हुई दी तेथ लाणअ मुंह मल्हम। दुबल़ी अर बमार भेडे करनी मुंह राम्बल़ी पल़ाई। पर आजू हांढणै आल़ी बडी भेडा ज़हा खास्सी च़र्बी अर ज़ोर आसा, तिंयां पाणीं मुंह काटी। किल्हैकि हुंह आसा सह फुआल ज़ुंण शुचअ नसाफ करा।

ज़ेभै कहा फुआले हेल़्ही का भेडा ओर्ही-पोर्ही टल़ा, सह फुआल डेओआ तिन्‍नां लुक्‍की दी भेडा लोल़अ। तेही ई आणनीं मुंह आपणीं भेडा तिन्‍नां ज़ैगा का लोल़ी ज़ेथ तिंयां काल़ै घणैं बादल़े धैल़ै नटिप्प न्हैरै कज़ेस्सी छिंघुई ती।

परमेशर बिधाता बोला इहअ, “ऐबै डेऊणअ मुंह आपणीं भेडे हेल़्ही भाल़ै आप्पै, तिंयां आणनीं मुंह बापस लोल़ी।

मेरी भेडे हेल़्हीओ फुआल हणअ हुंह आप्पै, तिंयां बशैल़णीं मुंह हरै घाहे घैहणीं नेल़। अह गल्‍ल डाही मंऐं परमेशर बिधाता बोली।

“‘तम्हैं आसा मेरी परज़ा, हुंह डाहा थारअ इहअ धैन-खैल ज़िहअ फुआल आपणीं भेडा-बाकरीए हेल़्ही भाल़ा। तम्हैं आसा मेरी परज़ा अर हुंह आसा थारअ परमेशर।’” इहअ बोलअ परमेशर बिधाता।

“मणछा, तूह खोज़ इज़राईले राज़ै अर नेतै का मेरअ समाद। तूह लअ तिन्‍नां का खोज़ी कि हुंह परमेशर बिधाता बोला तिन्‍नां लै इहअ, ‘इज़राईले देशे फुआलो! तम्हां लै आसा घोर आफ़त! तम्हैं आसा सिधै आपणअ पेट भरदै लागै दै, आपणीं भेडे हेल़्हीओ निं तम्हां फिकर ई आथी कि तिन्‍नां लै बी लागा होए खाणां लै दैणअ।