Những câu Kinh Thánh phổ biến từ Ore i mexü̃ ga Márcu ümatüxü̃ 6

Chia sẻ

Rü Ngechuchu rü ñanagürü nüxü̃: —¡Nua pexĩ, rü ngĩxã wüxi i nachica i ngextá taxúema íxãpataxü̃wa taxĩ, nax paxaãchi ngẽxma yarüngü̃güxü̃ca̱x! —ñanagürü. Rü yema ñanagürü yerü namu ga duü̃xü̃gü ga ingugütanücüüxü̃ rü woeguxü̃. Rü yemaca̱x ga Ngechuchu rü norü ngúexü̃gü rü woo nax nachibüexü̃ca̱x rü nangechicagü.

Natürü ga Ngechuchu rü ñanagürü nüxü̃: —Wüxi i Tupanaarü orearü uruxü̃ rü guxü̃wama i duü̃xü̃gü rü nüxü̃ nicua̱xüü̃gü. Natürü norü ĩanewatama rü natanüxü̃tanüwatama rü napatawatama rü tama aixcüma namaxã nataãẽgü —ñanagürü.

Rü yexguma nguewa ínaxüegu ga Ngechuchu, rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü yerü ñoma carnérugü ga ngearü dauruü̃ã̱xgüxü̃rüxü̃ nixĩgü. Rü inanaxügü nax nangúexẽẽãxü̃ ga muxü̃ma ga ore.

Rü yemaca̱x taxuacüma yéma nanaxü ga muxü̃ma ga mexü̃gü ga Tupanaarü poramaxã naxüxü̃. Rü noxretama ga duü̃xü̃gü ga ida̱xaweexü̃xü̃xicatama ningõgü nax naxca̱x yataanegüxü̃ca̱x. Rü naba̱i̱xãchiãxẽ ga Ngechuchu, yerü yema duü̃xü̃gü rü tama nüxü̃́ nayaxõgü.

Rü yexguma ga Ngechuchu rü nanade ga yema wüxime̱e̱xpü̱x ga paũ rü yema taxre ga choxni. Rü daxũguxü̃ ga naanegu nadawenüãcüma Tupanana moxẽ naxã. Rü inanabücu ga yema paũ, rü norü ngúexü̃güna nanana nax yema duü̃xü̃güxü̃ yanuxü̃ca̱x. Rü yema taxre ga choxni rü ta guxü̃ma ga yema duü̃xü̃güxü̃ nayanu. Rü guxü̃ma nachibüe ñu̱xmata meama nüxü̃́ yangu. Rü yemawena rü 12 ga pexchigü nanapagü namaxã ga yema paũtüchi rü choxnichipe̱xegü ga íyaxügüxü̃