Những câu Kinh Thánh phổ biến từ KITAB TEU-ULANG 4

Chia sẻ

Laju lé gata teuma tamita TUHAN Po teu Allah gata, dan meunyoe gata tamita nyan deungon sigeunab até gata, gata teuma meurumpok deungon Gobnyan.

TUHAN Po teu Allah gata nyan na kheueh Allah nyang le that-that gaséh ngon sayang. Gobnyan hana teuma geutinggai atawa geupeubinasa gata, atawa geupeutuwoe ubak janji nyang ka geupeugah nyan ubak indatu gata.

sabab TUHAN Po teu Allah gata lagée apui hu nyang jipeuhangôh peue-peue nyang na. Gobnyan hana geutem teupeusaban deungon peue mantong.

Gata ngieng kheueh dan gata ingat kheueh beu jroh-jroh, mangat siumu udeb gata hana tatuwoe ubak peue nyang ka gata kalon keudroe. Gata peugah kheueh hainyan ubak aneuëk cucoe gata treun meutreun

Sabab nyan gata ingat kheueh uroe nyoe dan bék tatuwoe: TUHAN Po teu Allah na kheueh sidroe di langét dan di bumoe; hana nyang laén seulaén Gobnyan.

Bansa nyang rayeuk toh kheueh nyang na ilah nyang lagéenyan tô meunyoe tapeureulée lagée TUHAN Po teu Allah geutanyoe nyang meunan tô deungon geutanyoe? Gobnyan geujaweueb pajan mantong geutanyoe ta meuhôi talakée tulông ubak Gobnyan.

Meunyoe gata kakeunong ngon banmandum beuncana nyan dan gata na teuma lam keuadaan sosah, laju gata teuma tagisa ubak TUHAN Po teu Allah gata dan gata taát ubak Gobnyan.

Peue nyang ulôn peurintah, bék gata tamah dan gata peukureueng meubacutpi. Gata taát kheueh ubak peurintah-peurintah Po teu Allah gata nyang ulôn bri keu gata.