Những câu Kinh Thánh phổ biến từ KITAB TEU-ULANG 10

Chia sẻ

“Jinoenyoe, Syedara-syedara, ngieng kheueh peue nyang geulakée TUHAN Po teu Allah gata nibak gata: Horeumat kheueh TUHAN Po teu Allah gata dan peubuet kheueh banmandum nyang geupeurintah lé Gobnyan. Cinta kheueh Gobnyan dan meuiébadat kheueh ubak Gobnyan deungon bansaboh jiwa raga gata. Taát kheueh ubak peurintah TUHAN nyang nibak uroenyoe ulôn peutrok ubak gata deumi keugét gata keudroe.

TUHAN Po teu Allah gata na ateueh meubagoe ilah nyang laén dan leubeh nibak meubagoe kuasa. Gobnyan Po teu Allah nyang agong dan meukuasa nyang harôh teutaát. Gobnyan hana galak geudong siblaih meunan cit hana galak geuteurimong sugok.

Lé sababnyan phon saátnyoe gata harôh taát ubak TUHAN dan bék kheueh gata meukreueh ulée le.

Gobnyan geubila hak aneuëk yatem ngon muntui dan inong balée mangat awaknyan jipeusaneut deungon ade; Gobnyan geugaséh keu ureuëng aséng nyang udeb meusapat deungon bansa geutanyoe dan geujok keu awaknyan peunajoh deungon peukayan.

Pujoe kheueh Gobnyan sabab Gobnyan TUHAN Po teu Allah gata. Ngon mata ulée gata keudroe gata ka lheueh takalon buet-buet nyang hebat luwabiasa nyang ka geupeubuet lé Gobnyan keu gata.

Horeumat kheueh TUHAN Po teu Allah gata dan meuiébadat kheueh ubak Gobnyan mantong. Bah kheueh gata teutab seutia ubak Gobnyan dan meunyoe meubudok deumi nan Gobnyan mantong.

TUHAN Po teu Allah gata nyang po langét nyang manyang; bumoepi atra Gobnyan meunan cit banmandum nyang na di ateueh nyan.

Deungon nyan gatapi harôh gata tunyok gaséh sayang gata ubak ureuëng aséng nyan. Sabab yoh watée ilée gatapi ureuëng aséng di nanggroe Meusé.