Những câu Kinh Thánh phổ biến từ मत्ती 10

Chia sẻ

खबरदार! हऊँ तुहांजो असहाय भेड्डां साई लोकां रे बिच भेज्जां सै जे भेड़िये साई खतरनाक ये। इस खातर सर्पां साई चलाक कने समझदारिया ने काम्म करा, कने कबूतरां साई भोल़े-भाल़े कने खरयां गुणां जो परगट करा।

सै जे माहणु अपणा प्राण बचाणे री कोशिश कराँ, तिसजो अनन्त जीवन नीं मिलणा; कने सै जे मेरे खातर अपणा प्राण देआं, तिस प्रभुये सौगी अनन्त जीवन पाणा।”

तिन्हां लोकां ते मता डरदे सै जे तुहांरे शरीरा जो खत्म करी सक्कां ये, पर तुहांरिया आत्मा जो नीं मारी सकदे, बस तिस परमेशरा ते डरा सै जे तुहांरे शरीरा जो कने तुहांरिया आत्मा जो नरका च पाईने खत्म करी सक्कां।

जे कोई मेरा चेला होणे रे नाते दुख सैहणे रे खातर कने मरने रे खातर बी त्यार नींये, तां सै मेरा चेला बणने रे लायक नींआ।

“सै जे कोई माहणुआं रे सामणे बिणा डरे ये मन्नी लो भई हऊँ तेरा चेला, तां हऊँ बी तिस्सो स्वर्गा च रैहणे औल़े अहांरे पिता रे सामणे अपणा चेला मन्नी लेंगा। पर सै जे कोई माहणुआं रे सामणे मेरा चेला हुईने मेरा इन्कार करगा, तां माह बी तिसरा स्वर्गीय पिता रे सामणे इन्कार करना भई सै मेरा चेला नींआ।”

सै बमार लोकां जो ठीक करो, मूईरयां जो जिन्दगी देओ, कोढ़ियां जो चंगा करो, कने बुरीआत्मां जो कड्डो। किसी ते सेवा रे बदले च पैसा नीं लेणा काँह्भई परमेशरे तुहांरी सहायता रे बदले च किछ नीं लेईरा।

इस खातर डरदे मता; सै तुहांजो बौहत जादा चिड़ियां ते बधीने मन्नां।”

“ये नीं सोच्चा भई हऊँ धरतिया रे लोकां जो शान्ति देणे आईरा; हऊँ शान्ति देणे नीं, पर लोकां च झगड़े करवाणे आईरा।