Những câu Kinh Thánh phổ biến từ Lu̱ka̱ 13

Chia sẻ

“U̱tu̱gu̱z li̱ngli̱ngo̱n do̱o̱k kar i̱tto̱z tatug ci luduci, ka̱du̱wa̱kku̱ng anna i̱ge̱ta̱, eci ol cik meelek orong atin ki̱tto̱zo̱, iróng zin nege uule ki̱tto̱zo̱.

kar da̱ nginati anyak ngaa ci a̱du̱l kuuloci nonno kize ngool e̱rki̱nya̱ omoto ki tu̱rge̱. Ugulume zin da̱ bo̱i̱c cinne iróng ngen uule kibil ṯop. Baling icin Ye̱su̱ nonno, utu zin ngaa neci ngooli ke̱ kar kizek ne, “Ngaa cu, ogjai i̱nna̱ morize necu.”

Kar zin enne katadek nonno azzin ciginnek, kar enne ataman niko kibil ṯop kar kitina Ta̱mu̱ta̱dde̱n.

De̱de̱, anyak ol cik e̱e̱ggi̱n vu̱rrti̱ ovvo atin nege e̱e̱ggi̱n o̱o̱tti̱, kar cik e̱e̱ggi̱n o̱o̱tti̱ ovvo atin nege e̱e̱ggi̱n vu̱rrti̱.”

Ming okko manyi ce̱e̱z ingazi lak co̱de̱ kar kunyug tatug, abilnnu atin niga reena ilalu oṯokṯokwanu tatug, ‘Ddi̱ki̱ryo̱i̱t, oowikket agit tatug.’ “Ma̱i̱je̱ atin enne abarizi, ‘Iróng anna ka̱gga̱yyu̱ng icima a̱vvu̱nnu̱ niga nga.’

Ka̱du̱wa̱kku̱ng anna i̱ge̱ta̱, i̱llo̱i̱! Abarik ming iróng niga urtannu mu̱nye̱n ciggo̱k, aditannung atin mu̱nye̱na̱ ne̱ke̱ i̱ge̱t bu̱k veelek.”

“Ma̱i̱je̱ atin enne abariz zoz cunno̱ng, ‘Iróng anna ka̱gga̱yyu̱ng icima a̱vvu̱nnu̱ niga nga. Oto, niga ol wak gon ogonnu kaal cik gerzek ko̱.’

I̱jji̱nno̱ zin Ye̱su̱, “Ogon ba̱a̱li̱ne̱t ci Ta̱mu̱ta̱dde̱no̱ kiwagon ni̱i̱? Katubuzi wo̱ye̱ anna ki gi̱i̱ jang? Ogon ki bu̱ra̱co̱c ci bolbolento, ci okkoye e̱e̱ti̱ kar kirir ma̱ne̱ cinne. Alize zee kize keet, kar iballi cik a̱vvu̱ ta̱mu̱-kenga keteehenyit ce̱e̱zi̱ cigge̱k alawoi cik keet neci.”