Những câu Kinh Thánh phổ biến từ Ixaj 40

Chia sẻ

Ne taa mã ri mehtycrĩ atajê mã carôt to ihtỳj, ne mehpeacre atajê mã carôt to ajcamẽ.

Ne mentuwjê intuw cakrô, ihtỳj jũ caxuw mehtycrĩ, ne mehpeacre xà. Ne mentuw picahur na mehte tỳjti cakrô, quê ha ihtỳj jũ caxuw ame ajhu, ne ame hikwa. Ne quêt Pahhiti to amji mã mehhimpej, ne me hikaj to me ipa atajê, quê ha ajteare mã me, ne hõtpê amji mã me carôt to intuw. Ne me cupê hàcti jara tỳjti, mã to ne kỳaj pê apu ipa to pyt ata pyràac, ne ampo cunea mã me hũcanãr to ipa. Na quê ha Pahpãm jarkwa na memprar catêjê na ame pra, ne nee amehtycrĩ nare. Ne quê ha harkwa kôt catyt kam ame ipa xà ata caxuw, nee me cupê me carôt hamre nare.

He xà apê Pahpãm jahkre kêatre? Xà nee jũ caxuw ate harẽn par nare? He Pahhiti pê Pahpãm tĩr rohnỳtti mã ata, ne cupê pjê me kam ampo cunea ton catê. Ne nee quê ha jũ caxuw ihtycrĩ, ne ihpeacre nare. Ne nee jũm te, Pahpãm te amji jahkre pej krã kreti atajê cunea na hahkre pej nare.

Ne Pahpãm te imã harkwa to imprar catê nõ kujahêc, mã cute imã caràr to: “Me pajõ Pahhiti mã, ate amji kam me gapac xà kên atajê jicu, ne me to impej xà te hajỹr he: Ca ha gõ pahhi mã põti kam, pjê kam me hamreare ata kam pry nõ to, mãr quê cumã ihcuhtacti ne, ne ajpẽnti ne.

Ne ihtỳj jũ caxuw ahtu incrà xà, ne hanea ne ihtỳj ampo rã inxô, ne hamre xà. Ne quêt me pajõ Pahpãm jarkwa nare, quê ha quêt ihtỳj ihkrĩ rohnỳtti mã!’ hane” hajỹr.

Ne quê ha pjê kam mehcunea mehkrĩ atajê me pajõ Pahhiti carôt jàhcujro ata pupu. Ne Pahpãam te ri ita ton na amji jarẽn, na quê ha ihtỳj ton to hane” hajỹr.

Ne hanea ne me caprũm to hipu, ne me kẽn to hõkre nõ, ne ahkre jituw to me hipu pa, ne me awjarô to ajpẽn pa, ne cumã pry jikôtti atajê to ihcuhtac, mãr quê ahna mõr xà ata cumã ajpẽnti ne. Jĩkjê na, ca ha me cumã ate amji kam gapac xà impejti ton to me apa, ne catyt kam me apa.

Ne pom hãn ne carà cahàcre hôhti jamãr catêjê hamãr prãmte to ipa, ita jĩkjê na, quê ha ihtỳj mehkwỳ atajê to amji pytà, ne taa cupê me hamãr catê impejti ata na amji to. Ne ihpa kam quê ha mehkrare japỳ ne me to ipa, ne ma menxyrxwỳ me, me hamãr peaj to ipa.

Ne ca ha caxwa ri côjkwa wỳr rĩt, ne caxêre jàhtôti atajê cunea pupu, ne jũm te mõrmõ ton? He Pahpãm te ri ton, ne ahpỹanre na haprỳ atajêa na, cute cumã hàkjêr par, ne ihkrĩ xàa kam ihkrĩ par. Ne carôt pahtỳjti catihti ata kôt, nee ihnõ jamre nare.

He Pahpãm ri pjê jajoti ita jipy ihkrĩ, ne cumã me pahkryjre te hajỹar, pom quê me pamã xycxycre kryjre he. Ne taa mã ri côjkwa capô, ne ihkrac ri ihkrĩ to hanea, pom cu ahpykrã xà caxuw me cupẽhkà capô, ne ihkrac ri me pahkrĩ he.

Ỹhỹ me ikwỳ, Pahpãm te me acaxuw ito cumã ihcakôc catê na, ne imã ampo jarẽn ata, wa ha me amã harẽ. Cute imã hajỹr he: “Ca ha Krĩpinkrên kam me ikwỳ pê Juta catêjê mã ito gũjarẽn picre to awjarẽ, ne me cumã: ‘Ate me amji pupun kên tỳjti ata hamre. Ne ate me ito kên jahpan xà na, wa ramã ite me amji pupun xà kêanre na me aton to ipijakrut, na wa nee hipêr ate me ito kên ita to amji japackre nare’ hane” hajỹr.

Mã jũm ita te imã: “Acaràr!” hajỹr. Wa cumã: “Mẽr icaràr xà jũ to mã, wa ha icaràr?” hane. Mã cute imã: “Ca ha acaràr to hane he: ‘Pom mehcunea pjê kam mehkrĩ atajê pê ihhêj rũm ahtu pyràc, ne me hàpên xà impejti atajê pê pĩrã pejti pyràc! Ne quê ha ahtu me pĩrã incrà, ne cyt ne hamre, ita jĩkjê na, quê ha mehcunea cyt ne me hamre, me hàpên xà mea mã! Quê ha hanea ne ahtu me pĩrã põ kam kôc pahtỳjti cacrohti ita apê, ne to incrà pyrentu, ita jĩkjê na, quê ha Pahpãm me hakô, quê ha me hamre pyrentu!

Ỹhỹ, Pahhiti pê Pahpãm ri ramã carôt tỳjti catia to cator to mõ! Ne quê ha carôt kam ihhimpej xà tỳjti ata me to ihhimpej. Ne quê ha ahpỹanre na cute me ampo ton atajê jahpan xà na, me cumã hàmjõr xà impejti ata to ajpên ahpar mã mõ.

Ỹhỹ me ikwỳ, Pahpãm te me acaxuw ito cumã ihcakôc catê na, ne imã ampo jarẽn ata, wa ha me amã harẽ. Cute imã hajỹr he: “Ca ha Krĩpinkrên kam me ikwỳ pê Juta catêjê mã ito gũjarẽn picre to awjarẽ, ne me cumã: ‘Ate me amji pupun kên tỳjti ata hamre. Ne ate me ito kên jahpan xà na, wa ramã ite me amji pupun xà kêanre na me aton to ipijakrut, na wa nee hipêr ate me ito kên ita to amji japackre nare’ hane” hajỹr.

Ne jũm te mõrmõ Pahpãm cuxà, hũhkra to côxwa to ipipẽn? Hamreare, nee jũm te cuxà ton nare! Nare, jũm te mõrmõ Pahpãm cuxà, hũhkra to côjkwa to ipipẽn? Hamreare, nee jũm te cuxà ton nare! Ne jũm te mõrmõ Pahpãm cuxà, hõ kàhà kam pjê jacrô cunea to cuprõn? Hamreare! Nare, jũm te mõrmõ, cute ampo to ipipẽn xà kam, hawênti jõ kẽn cunea to ipipẽn ne hũtĩ na hahkre pej? Hamreare! Ne jũm te mõrmõ Pahpãm cuxà, Pahhiti Carõ Pejti ata jahkre pej pejtu? Hamreare! Ne jũm te mõrmõ Pahpãm Carõ japackre prãmte, cumã ampo to hahkre? Hamreare! He xà ajkĩ Pahhiti te, jũm te cumã ampo to hahkre xà na, jũm na hàhwỳr? Hãpà! He xà ajkĩ jũm te Pahhiti mã catyt kam ipa to hahkre? Hãpà! He xà ajkĩ jũm te, cute ampo jahkre pej xà to cumã hahkre, mã cute hahkre pej? Hãpà. He xà ajkĩ jũm te cumã cute amji jahkre pejti ita to hahkre? Hãpà!