Những câu Kinh Thánh phổ biến từ A̱filibiyawa 2

Chia sẻ

Nyi yok chat á̱pyia̱ nyi kyiak nang nyi ndan á̱ghyang á̱niet bah. Nyi bu yok nyia̱ mi̱ ta̱m nang nyin ma̱ng á̱ghyang á̱niet na ntam wa a̱ni bah. Da̱ a̱kwonu a̱kya, nyi ni̱ nghyuai á̱pyia̱ nyin, a̱wot konyan a̱ kyiak nang á̱ghyang á̱niet ndan nggu. Konyan ma̱ nyin gu ni̱ ngyok chat mi̱ kyang ku na myim nggu ma̱ nyin gu wa a̱ni bah. A̱wot da̱ a̱kwonu a̱kya, a̱ bu chat kyang ku na myim á̱ghyang á̱niet a̱ni meang.

Yok nyi byia̱ tangka̱i za̱kwa nang Yesu Kristi ku byia̱ a̱ni.

Ku nang Kristi ma̱ a̱pyia̱ nggu ngyet A̱gwaza a̱ni, a̱mgba̱m ma̱ng a̱nia, a̱ du kyiak a̱pyia̱ nggu cha̱chaat ma̱ng A̱gwaza bah. A̱ si̱ kyiak yet A̱gwaza nggu hu ku yet gu a̱wat nang gu na mba̱ng gi̱ngi̱ng a̱ni bah. Da̱ a̱kwonu a̱kya, a̱ si̱ kai a̱wat shi yet A̱gwaza nggu ka a̱ ghwon. A̱ si̱ ghyuai a̱pyia̱ nggu. A̱ si̱ bwuak a̱ tyia̱ a̱khwo. A̱wot á̱ si̱ byin nggu di̱ si̱sak nang á̱ ntyei á̱nietbishyi a̱ni. Nang gu mbai mi̱ vam a̱tyubishyi a̱ni, a̱ si̱ ghyuai a̱pyia̱ gu, a̱ si̱ khwi kyang hu nang A̱gwaza chat a̱ni. A̱wot a̱ si̱ khwu nang a̱tyu a̱tsaai ni̱ nkhwu da̱ a̱team a̱khwu a̱ni!

Mat A̱gwaza wa nyia̱ nta̱m na mi̱ nfwuo nyin na. Nggu wa nwuat nyin di̱dang ma̱ng chet nyia̱ nta̱m ku myim a̱tan la̱p sak nggu wu a̱ni.

Mat a̱nia, A̱gwaza si̱ mbeang gu shi, a̱ si̱ sak gu da̱ a̱vwuo ka̱ swak ma̱ng shi a̱ni. A̱wot A̱gwaza si̱ nwuak gu a̱lyoot tyok ka̱ swak kuzang a̱lyoot ma̱ng shi a̱ni; da̱nian kuzang a̱yin a̱ shya̱ Ma A̱gwaza tswazwa ma̱ng swanta, ma̱ng tafa a̱byin swanta ka a̱ni; a̱ ka kpaat a̱khwukhwut a̱zaghyi nggu. A̱wot kuzang a̱yin na tak kpa̱sai nang Yesu Kristi wa ngyet A̱tyoli wu; mat a̱nia, a̱mgba̱m á̱niet ba na dyep A̱gwaza a̱ yet A̱tyia̱ wu a̱ni.

Kuzang ta̱m hwa nang nyi na nyia̱, nyi ni̱ ngyok kwop a̱dyii̱ng ma̱ng ya fwuang bah. Da̱nian nyi ka yet á̱za̱za̱rak ma̱ng á̱tsatsak mman A̱gwaza na̱ sang a̱bun nyi swan ma̱ a̱ka̱tuk swanta wuni ma̱ng á̱ka̱tuk á̱niet ba a̱ni. Ku yet ta hwa, nyi sai nang fí̱tila a̱ni mi̱ swanta hu.

Mat a̱nia, nyin á̱niet khwi Yesu ba nang n chat a̱ni, nyi ku khwi tyiet nung hu nchi̱ri̱ng di̱n jen nang n ku nshya̱ ndung ma̱ng a̱nyin a̱ni. Ma a̱nia wa ma̱ninika, nang n nwai shya̱ ma̱ng nyin a̱ni, ku yet a̱sham a̱ swak ki̱ nyi khwi tyiet nung hu. Nyi kwan nyi nyia̱ ta̱m ku tak nang nyi nshya̱ a̱jhyem san a̱ni. A̱wot nyi khwi A̱gwaza ma̱ng a̱wun ma̱ng nwuak a̱pyia̱ ba̱t.