Những câu Kinh Thánh phổ biến từ Nta̱m A̱yaata̱m 17

Chia sẻ

A̱gwaza ku la̱p a̱ sak, mat á̱niet swanta ba ba̱ chat gu. A̱wot shimba ba̱ bam ba̱ shya̱ nggu. Ku nang gu nwai shya̱ gbang ma̱ng kuzang a̱yin ma̱ a̱nzi̱t a̱ni.

“Kyiak neet da̱ a̱tyo nyiung wa nang A̱gwaza mmat a̱mgba̱m nnwap na̱ shya̱ mi̱ swanta hu a̱ni. A̱wot a̱ si̱ sak jen nang ba̱ na nnyia̱ tyok ma̱ng jen nang ku na ntyak a̱ni. A̱wot a̱ si̱ sak konyan ma̱ mba gak a̱byin nggu.

“Nggu wa yet A̱gwaza wu, a̱ mat swanta hu ma̱ng a̱mgba̱m kuzang kyang ku shya̱ ma nhu a̱ni. Nang gu ngyet A̱gwaza kyai tswazwa ma̱ng a̱byin a̱ni, a̱ swuat A̱mali Nwuat Za̱nang A̱gwaza nang á̱ nok ma̱ng bwak a̱ni bah.

Mat A̱gwaza ka̱n sak mam nang gu bye nnyia̱ a̱mgba̱m á̱niet mi̱ swanta ba a̱tsotswat shi̱ri̱ya, mat a̱tyu nang gu khai a̱ni. A̱wot a̱ si̱ tak konyan kpa̱sai a̱tyu a̱ na nyia̱ shi̱ri̱ya ji a̱ni. Nggu wa nang gu ta̱ngam ma̱ng swuan ma̱ á̱niet ba̱ ka̱n kwi a̱ni.”

“A̱wot nang zi̱ ngyet mman A̱gwaza nia a̱ni, zi̱ yok nyia̱ a̱di̱dam A̱gwaza li nang nghwughwu a̱yaagwaza sang swuán na nang a̱tyu sha̱p nkyang ni̱ shap ma̱ng zi̱nariya, a̱zurfa, mbeang nfang a̱ni bah.