Những câu Kinh Thánh phổ biến từ Yõaannẽ 2

Chia sẻ

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Ẽdẽcĩ Yeesu aattĩnnĩ anneek, “Morwahit, nga hõdõlan ꞌthaa ꞌcĩ occa hadticanĩĩ naa thõõth umwa. Ma haduhaakaa dtiic ꞌcĩ occa hadticani.”

Ma nĩngaata, uduhaak Yeesu dticcianniook ĩĩnnĩk, “Otogooccik ijjioꞌnya niccig maam hĩbbĩtĩt.” Nĩngĩtĩ õgõõcĩkĩ nẽẽg maam hĩbbĩtĩt dhũk. Ma baa ĩbbĩtĩt ijjioꞌnya ẽlẽk, uduhaak Yeesu dticcianniook ĩĩnnĩk, “Idtiillia maam ũgĩ nẽ aꞌnyaktoothihu jayyio.” Iita ĩdĩmanit nẽẽg hĩcĩ aduhaak Yeesu ho.

Ẽdẽcĩ Yeesu ĩhõõggõ anneek, “Ĩꞌthaanit ꞌCieeth icci Nyekuci ho, nẽ hatĩ hẽtẽhẽnya naa waathinnioohĩĩ ꞌcĩg ĩĩn iyyio hĩbĩl tarĩ.”

Nĩngĩtĩ akũmanaanĩ Yeesu halli umwa ꞌlõõrõngĩtĩ nẽ itiggiaeek ĩhõõggõ hõdẽĩ hĩ aꞌtha hĩ tĩĩn vẽlẽk, hõõt battaala ꞌCieethaa cĩ Nyekuci. Ebelluukan nẽẽ tẽrẽmẽẽjĩt cĩg eet ꞌcĩg appak ꞌrabbẽẽt ko nẽ ĩꞌthaan ꞌrabbẽẽt cĩggĩĩng ꞌcĩg kũtũrĩg. Ma nĩngaata, uduhaak eet ꞌcĩg ũũtẽnĩ ngabuuthiꞌnya ĩĩnnĩk, “Ootti ngabuuthiꞌnya niccig battaala! Ma haarru ꞌCieeth cĩ Baaba hĩĩ ꞌcuuk!”