Những câu Kinh Thánh phổ biến từ Lom 1

Chia sẻ

Yááŋa anyía ɛ tɛ ŋá mɛ lɔ́kɔ́ma aatɔ́ ɔlama ekúlú eyí i ŋe mí hulinyi baacɔ Ambányɛ yɛ́ Ɛsɔ́ma. Ne Yiíyi Bandɔ́mɛsɛ́ ŋó tóŋínyi maayɛ́ makɛ́nda o onohiki baacɔ a bá ŋa bɔ́ háya mɔŋɔlɛ́ né Yésus *Kilís : Eé buúsebuúse né *Besuif, e elime eécí na baacɔ a bá tɛ ábɔ́ bá Besuif.

Aáná yí ŋo tóŋínyi anyána Bandɔ́mɛsɛ́ ŋa kɛ́la anyía ɔɔcɔ á bá atálɛ́mánánɔ́ yɛ́ ɔɔcɔ eeyé eé buúse hú ɔ mɔŋɔlɛ́ amá u ŋaá háya nááyá. Aáná yááŋa yɔɔ́ŋɔ́kɔ́nɔ́ a Ciɔɔ́ŋɛ́ cɛ́ Bandɔ́mɛsɛ́ anyía : « Ɔɔcɔ okime awɔ́ u ŋaá háya mɔŋɔlɛ́ ná Bandɔ́mɛsɛ́, Bandɔ́mɛsɛ́ ŋa kɛla anyía wá bá atálɛ́mánánɔ́ yɛ́ ɔɔcɔ eeyé eé buúse ; wuúci u kéé líhéke taaká ci olíhe. »

Yááŋa anyía, o otúme e nyiketi nyɛ́ na ɔmɛsɛ́ na ɔmuaná, bɛnyɛ́ma bikime ebí u ŋeé kétíki ŋo tóŋínyi baacɔ na maayɛ́ makɛ́nda me ekúlú ekime na nyíáyɛ́ nyɛbá, yiíyi anyía bé tí ŋé bú wuúci lɛca. Ɛ́ɛhɛ́ ohónyí wú ɔnyɛanɛnɛna ɔɔcɔ tɛ á bá.

Ta ayɛ́ bé ŋe bú ményi Bandɔ́mɛsɛ́, bé me bú kine ne o wuúci iínjie nuúmi ne o wuúci iínjie bitéŋíti e bí e wuúci nyɛmana ; mbá cííbú ibíkéti cɛ́ buála me beébe nenisiki ; cííbú ɛbɛ́táá cí etémbí ne etémbí me beébe kuusiki ibíne.

Bá má bɔ́ nyɛ́anaka taaká cɛ́ bɛsana a cɛ́ ŋa lɛ́ca Bandɔ́mɛsɛ́, bɔ́ látáka bɛfala. Bé ŋe bú nyemi bɛnyɛ́ma abɛ́ Bandɔ́mɛsɛ́ ŋeé kétíki, bé biíbi nyiɔkɛna, na anyía bébú nyemíki Ooci ewú u ŋeé biíbi ketíki bikime ! Wuúci bímuócí bá á nyɛmána bé onyemiki. *Híáná yááŋa !

Yááŋa anyía Bandɔ́mɛsɛ́ ɔ Ɔmuaná noómi ŋo lóbisinyi baacɔ anyía bá ŋa bɔ́ kɛ́la bɛɛbɛ́ bɛ́ bɛsana, bé tí wuúci kéke. Yáábɔ́ aabɛ́ yɛ́ nyɛbɛ́kɛ́lɛ́na ŋeé húé ciayɛ́ taaká

Buátɛ́ bɔkɔ Bandɔ́mɛsɛ́ meé beébe bɛ́yúataka anyía bábɔ́ kɛlaka bɛɛbɛ́ bɛ́ bɛsana bɛ́ aatɔ́ ɔlama e bí ŋeé beébe hámɛ́na ɛ ɛtɛ́má. Báábɔ́ beénjú tɛ ŋa háná ebú límine na banɔ́mɔcɔ́ háyɛ Bandɔ́mɛsɛ́ ŋeé kétíki, mbá bé ŋe bú límenenene. Híáná banɔ́mɔcɔ́ tɔ́na tɛ ŋa háná abɔ́ fiananana beénjú háyɛ Bandɔ́mɛsɛ́ ŋeé kétíki, mbá ɔfiananana bɔsɔ́ɔ́kɔ́ banɔ́mɔcɔ́, wuúci ú ŋeé beébe hámɛ́na ɛ ɛtɛ́má buéŋí. Bá ŋa bɔ́ kɛla bɛsana bɛ́ aatɔ́ ɔlama beébe ne beébe. Biíbi bí ŋeé beébe héléníne bɛnamá abɛ́ á nyɛmana na bɔɔbɛ́ abɔ́ bá ŋa bɔ́ kɛ́la. A asana ayɛ́ baacɔ eébé ti ŋé bú léne omenyinyi na Bandɔ́mɛsɛ́, ɛ́ɛhɛ́ ú meé beébe bɛ́yúataka anyía bábɔ́ látákɛ́na ne cííbú ɛbɛ́táá cí etémbí ne etémbí, bá kɛ́laka tɔ́na bɛsana abɛ́ bá tɛ́ ɔmɔ́ bɔ́ nyɛmana bá ɔkɛlaka.

Bé ŋe bú bíbééti ɔbá ne injiŋé, yiíyi anyía bá bɔ́ŋa bɛála. Na anyía bébú nyémíki buáŋá bɔ́ Bandɔ́mɛsɛ́, wuúci Indiwé, bé ŋe bú nyémi bɛbɔ́kɔ́bɔ́kɔ ; bɛ́ hɔ́áka na baacɔ e bé ŋe bú wé, ne tunonyí, na ɛnyama, na mɔɔ́hɔ.