Những câu Kinh Thánh phổ biến từ Mákò 13

Chia sẻ

Ɔ̀nyà kpó nákó nyà ŋá kãdzú náàtsùgbé-òŋu. Ó ɖi, ɛnɛ yèé nákó sì gbódzú títí lɔ ńǹtã̀ntã́#á, ɛnɛ nyɛ̀ŋɛ̀ nákó rí ɔlà.

Ó ɖi, ká wà tsɔ́ éwo-ara-ŋa rere, tsí ká wà ɖíìdzáyè. Iŋɛ́ yèé tse#ɛ́, à kò ma ìwèrè yèésí nákó dzɛ́ ìwèrè#ɛ́.

Tsí ńǹwèrè yèé à nákó mú ŋa lɔ, tsí ká káà kpɛdzɔ́ fú ŋa#á, ɛ̀ɖɔ̃̀-afɔ̀ yèé à nákó fɔ̀#ɛ́ kó máa ɖá ŋa tsúwádzú. Fee, náàsòkò nyɛ̀ŋɛ̀ tútútú#ɛ́, afɔ̀ yèé Ɔ̀ɖáyé nákó nyà si nárũ fú ŋa gé#ɛ́, ká fɔ̀ɔ́. Iŋɛ́ yèé tse#ɛ́, afɔ̀ ŋa#á kàkó ti ńɖi-ŋa, à nákó ti ńɖi-Mímí-Ɔ̀ɖáyé† ni.

Ilɛ̀ gbo, ìgbèrí gbo, àŋa kpó, à nákó wáa nɔ̀ ǹɖe. Ó ɖi, afɔ̀ tòŋu nákó wà si títí lɔ.

Ó ɖi, ɔ̀nyà-kã̀ kpókpó kò ma ɔdzɔ́-wíwá-òŋu nàmí ńǹwèrè yèé òŋu nákó wá#á. Adzítsɛ́-ɔ̀rɔ̃† ŋa gìɖì gbo kò màá, tsí Ɔma bíbí-Ɔ̀ɖáyé gìɖì gbo kò màá. Ó ɖi, Ɔ̀ɖáyé Boba òŋu níìkã̀ntso gé ní màá#á.

Bí à wà gbɔ́ ìdzã̀mà-ogu nàmí à wà gbɔ́ ní à bàkó dzogu, odzo kó máa tse ŋá. Iŋɛ́ yèé tse#ɛ́, ó wà ní iŋɛ́ nyɛ̀ŋɛ̀ ŋa kó tse. Ó ɖi, ìtã̀ntã́-ayé#ɛ́ kò sì tó wòná.

Ó ɖi, ká wà nódzúfò si. Iŋɛ́ yèé tse#ɛ́, à kò ma ńǹwèrè yèésí olílé#ɛ́ nákó wá#á. Nalɛ́ niì, ńǹŋàáŋà niì, náàkìkɔ-ìɖádzá niì, náàwúrɔ̀ niì, à kò màá. Àkàámà, kó máa wáa kere ŋá, tsí kó dzɛ́ ní à sɔ̃rũ lɔ si. Iŋɛ́ yèé òŋu wà fɔ̀ fú ŋa#á, ɔ̀nyà kpó ní òŋu wà fɔ̀ɔ́ fú#ɛ́. È wà nódzúfò si!

Ìlú ŋa nákó ǹɖe, tsí wà dzà bá ara-ŋa, tsí ìdzɔba ŋa gbo nákó ǹɖe, tsí wà dzà bá ara-ŋa. Tsí ilɛ̀ nákó wà mì, tsí ebi gbo nákó wà dzà ńǹɖì ńǹɖì ŋa. Tsí iŋɛ́ nyɛ̀ŋɛ̀ ŋa kpó wà kíbí, bí ɔnɔbɛ̃̀ɛ̃ bàkó bíma, ni inɔ́ náa tseé náàtsɛ̃̀tsɛ̃̀ tã́ná kó mú ɔma#á ɖà#á ni.

Ó ɖi, ó wà ní ká dzíkɔ̀-òŋu fú ìlú kpó náyé gbaŋgba#á tã́ná ìtã̀ntã́-ayé#ɛ́ kó tó.

Ɔ̀nyà kpíkpɔ̀ nákó wáa wá, tsí ɛnɛ kṹnukṹ nákó wà fɔ̀ ní òŋu ní dzɛ́ Kírísítò Agbanɛlà yèé Ɔ̀ɖáyé bɛ̀ wá#á. Tsí à nákó rú ɔ̀nyà kpíkpɔ̀.

Ó ɖi, àŋa òŋu, ká tsɔ́ éwo-ara-ŋa rere. Iŋɛ́ yèé tse#ɛ́, à nákó mú ŋa, tsí gbɛ̃́ ŋa lɔ fú àkpɛ̀dzɔ́ ŋa, tsí gbɛ̃́ ŋa lɔ ńlé-ìkpàɖé-ɔma-Ìyúɖà ŋa†, tsí tsɔ̀ ŋá nɔ́ɔ̀kpá tó bɛ́ɛ̀. À nákó mú ŋa lɔ ńɖi-kɔ̀màɖã́ã̀ ŋa òŋu ńɖi-ólú ŋa náàtsùgbé-òŋu. Ńbɛ̀ ní à nákó wà nya àyídzá-òŋu fú ɛnɛ nyɛ̀ŋɛ̀ ŋa#á.

Iŋɛ́ yèé tse#ɛ́, ɔ̀nyà kã̀ŋa nákó wà wá, tsí wà tsòɖòbò ní àŋa ní dzɛ́ Kírísítò Agbanɛlà yèé Ɔ̀ɖáyé tsã̀, tsí bɛ̀ wá#á, tsí ɔ̀nyà kã̀ŋa òŋu nákó dzɛ́ atsìké-agbáfɔ̀-Ɔ̀ɖáyé fɔ̀ ŋa. Àŋa kpó, à nákó wà tse iŋɛ́-àwùsì ŋa ńǹrɔ́ǹrɔ́, tsí wà ń rú ɔ̀nyà ŋa. À má bàkó nyáa rú ɛnɛ yèé Ɔ̀ɖáyé tsã̀ si ŋa#á gbo, à má rú ŋa.

Ó ɖi, nɔ́dzɔ́-ɔdzɔ́ nyɛ̀ŋɛ̀#ɛ́, bí ìwèrè-òfò#ɛ́ wáa lɔ tã́#á, òkùkù nákó mú odzúùrɔ̃̀ mì, tsí òtsùkpá gbo kàkó rã̀ ró. Tsí àrã̀wo ŋa gbo nákó tsubú ti ńǹgbèrí wá ńlɛ̀, tsí odzúùrɔ̃̀ gbo, òtsùkpá gbo, àrã̀wo ŋa gbo, àŋa kpó, à nákó mì kpó dzìgìdzìgì.