Những câu Kinh Thánh phổ biến từ Lúkà 3

Chia sẻ

Ńǹwèrè nyɛ̀ŋɛ̀ ŋa#á, Yòhánà† náa wà wɛ̀† fú ɔ̀nyà ŋa làkóò ni, tsí ó wɛ̀ fú Yèésù gbo. Kíbí ó wɛ̀ fúu tã́#á, Yèésù wà wúùre. Gbòkã́#á, ɔ̀rɔ̃ tsí, tsí Mímí-Ɔ̀ɖáyé† tì ti nɔ́ɔ̀rɔ̃ wá ńǹwànwà-àlúǹkùkù bɛ́, tsí wáa dzì ńǹtá‐ɛ̀. Ńbɛ̀ɛ́, oŋù-Ɔ̀ɖáyé ɖɔ̃́ ti nɔ́ɔ̀rɔ̃, tsí wà fɔ̀ ní: Ìwɔ ní dzɛ́ Ɔma bíbí-mi#ɛ́, tsí ò dzɛ́ àrínódzú-mi gbo, tsí iŋɛ́-ɛ̀ɛ dzɔdzú-mi héŋú.

Tsí Yòhánà náa wà wí fú àŋa kpó ní: Òŋu, òŋu wà wɛ̀ fúnɛ òŋu omi ni. Ó ɖi, ɔ̀nyà-kã̀ nákó wáa wá, tsí nɛ́kpá láre òŋu, tsí òŋu kò dzɔ òŋu kó tú okù-kpákò‐ɛ̀ gìɖì. Ɛnɛ nyɛ̀ŋɛ̀ ní nákó tse tsí Mímí-Ɔ̀ɖáyé† òŋu iná‐ɛ̀ nákó tì wɔ̀ ńǹtá-ŋa#á.

Fee, ìrɛ̃̀-ɛsɛ̀-ŋɛ́ ŋa òŋu ìnyɛ̀-arũ-ŋɛ́ ŋa kó nyà ɖíre ní è nyíìlò kpaɖà. Ó ɖi, è máa dzokó si, tsí wà fɔ̀ ńnɔ́-ara-ŋɛ́ ŋa ní Àbàràhámì† dzɛ́ gbágbóǹgbàgbò-àŋa gé, ni àŋa nákó rí ɔlà. Ǹ wà wí fú ŋɛ́ ní òkúta yèé è wà rí bɛ́ ŋa#á, Ɔ̀ɖáyé nákó nyáa sɔ ŋá ɖi ɔmalɔ́ma fú Àbàràhámì.

Báàyí gìɖì#ɛ́, ó ti lɔ ɛɖɔ̃̀ si ná, tsí kó ń wɔ̀ bá ogùgù-egi ŋa. Egi kí egi yèé kò wà so èso-ire#ɛ́, à nákó rɛ́ɛ, tsí kɛ́ɛ sɔ ńná.

Tsí iŋɛ́ ŋa#á lɔ bɛ́ɛ̀ kíbí Yèsáyà† agbáfɔ̀-Ɔ̀ɖáyé fɔ̀† ti fɔ̀ si, tsí ti kɔɔ́ si ńǹwé‐ɛ̀ gbo#ɛ́. Ó wíìnyɛ̀ ti nára-Yòhánà#á ní: “Oŋù-ɔ̀nyà-kã̀ wà ɖɔ̃́ nɔ́ɔ̀ɖã̀, tsí wà ɖúgbe ní: È tɔ́tse ɔ̀nà si fú Ɔlɔ́dzɔ́. È tɔ́ ɔ̀nà sísɛ̃́ ŋa si fúu. Ó wà ní ɔ̀gbɔ̃ ŋa kpó ká rɛ̃́ɖí, tsí òkè ŋa gbo kpó ká rɛbɔ̀. Ɔ̀nà titɔ̃ ŋa kó sɛ̃́, tsí ifò-odzú-ɔ̀nà ŋa gbo kó rɛ̃́ ɖí kpó. Ńbɛ̀ɛ́, ɔ̀nyà ŋa kpó nákó rí kíbí Ɔ̀ɖáyé náa gbanɛ là#á.”