Những câu Kinh Thánh phổ biến từ Salmos 143

Chia sẻ

Tjàkua kixin tsjakꞌeni éxi tóxrínhan kixin jaha mé Díos kuènténi. Ti ncha̱kuán mé chrókjuako ti nti̱a jína a.

Ti nchítjen la chrókjuinchenoheni kixin tjue̱heni, kixin tinkáchónkini ti jaha. Tjàkua nkexéhe ti nti̱a chrókuákjani kixin chaxín chrónòahani.

Itꞌéni Díos, nchekaá ti jeheni kixin siín chojni nínkaon sin kixin jeheni tjeyáni ti jaha kixin sinchekaáni.

Kixin ti kjuachaxíen ihni̱á, Itꞌéni Díos, mé tjechónxini kixin jaha la jína la tsakítsjexiáni ti tꞌává a̱séni.

Itꞌéni Díos, tihín ti nkehe chrónòani. Tihín ti nkehe tjanchiani. Tjáte̱hé ti nkehe chrónòani kixin jaha la ijnko nkexro imá jína la ko nchexiteyá kaín nkehe ndoá.

Tjoka tjáte̱hé, jaha Itꞌéni Díos, kixin éxi ó tsꞌaxrje a̱séni xi̱kaha. Tjakémèhyani ti ikuan kixin chrókꞌónahñani éxi ijnko chojni tsíkꞌen sátsjixravá.

Xraxinkaoni ti kjuaxroan tsíkji̱chꞌe ósé la ko tjenka̱yáxini kaín ti ixra̱ tsíkji̱chꞌe. Xraxinkaoni ti ixra̱ tsíkji̱chꞌexián itjá.