If you would like a copy of this version please contact info@davaraudiobibles.org

Tuwali Ifugao Bible © 2004, Wycliffe Bible Translators, Inc. All rights reserved. (Text)
Tuwali Ifugao Old Testament Audio Bible ℗ 2025, Davar Partners International. (Audio)

Tuwali Ifugao Old Testament

<div class="version vid2123 iso6393ifk" data-vid="2123" data-iso6393="ifk">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Da Kain ke Abel</div><div class="p"> 1Inhuyop Adam nan inayanan hi Eva ya nawadaan ot mun-imbabale ya lalaki. Ot kanan Evay &#8220;Gapuh baddang APU DIOS ya wadah tuwen imbabalek.&#8221; Ot ngadananah Kain. 2Indani ya nitun-ud di oha bon lalaki ot ngadananah Abel.</div><div class="p">Naongngal ot hay ngununa ya mumpattol hi kalnero. Hi Kain ke damdama ya munliyak hi payo. 3Ohan algo ya immianamut hi Kain hi inani nan intanom na ot iappit nan APU DIOS. 4Hi ke Abel ya inalana on namangulun impan di kalnerona ot iappit nan Apu Dios nadan dotag an makalamman. Immamlong hi APU DIOS nah inat Abel ot abulutonah diyen in-appit na.#4:4 Hebrews 11:4 5Mu uggena inabulut di in-appit Kain, ta hidiye nan bimmubbungot hi Kain an matiboh anganan mumboldang. 6Ot kanan APU DIOS ke Kain di &#8220;Tipet bumubbungot ka? Tipet athinay angam an mumboldang? 7Gulat nat niptok di inat mu ya wada ot an matbal ka. Mu gapu te adi maphod nan inat mu ya halipat-an Satanas di punhaulanan he-a ta hiyay nangamung ke he-a, mu takon di athidi ya mahapul an iwalong muy punliwatan.&#8221;</div><div class="s1">Hay namatayan Kain ke Abel</div><div class="p"> 8Ohan algo ya inayagan Kain hi tulang nan hi Abel an kananay &#8220;Makat ibbaanak ta eta mundaldallanan nah payo.&#8221; Indanit wadada nah payo ya pinaten Kain hi tulang na.</div><div class="p"> 9Indani ya kanan APU DIOS ke Kain di &#8220;Daan hi tulang mun hi Abel?&#8221; Kanan Kain di &#8220;Uggek inila. Kon ha-oy di mumpaptok ke tulang ku?&#8221;</div><div class="p"> 10Kanan APU DIOS ke hiyay &#8220;Kain, tipet em in-athidi? Inilak nan inat mu te tinibok di dalan nan ibam nah luta, kinali mahapul an ibalok. 11Kinali nadug-ahan ka ta maid moy hilbin di ingunum kediyen luta an initmog nay dalan tulang mu hi namatayam ke hiya. 12Maid di idat di lutah aniyom takon di ipanaptok mu. Ya maid di em kiha-adan ta humanawwangan ka.&#8221;</div><div class="p"> 13Kanan Kain ke APU DIOS di &#8220;Nahalman hituwen kastiguk, adiyak pakaippol. 14Te dog-alonak tuh lutan punliyakak ya midawwiyak ke he-a. Abuna moy eyak humanawwangan ta kumpulnay mangakhup ke ha-on ya patayonak.&#8221;</div><div class="p"> 15Mu kanan APU DIOS ke hiyay &#8220;Adi, te wada key mamaten he-a ya pitun tataguy awit mu.&#8221; Ot markaan APU DIOS hi Kain ta pangimatunan di tatagu ta adida patayon. 16Ot tumayan hi Kain nah kad-an APU DIOS ot mumpaed Nod an nangappit hi timilan di algo ad Eden. (Hay kibalinan di Nod ya punhanawwangan.)</div><div class="s1">Hanan holag Kain</div><div class="p"> 17Nalahin hi Kain ot muntanud ya lalaki ot ngadananah Enoch. Impumbalin Kain hi ongal an boble nan numboblayan da ot ngadananah Enoch an ngadan nan imbabalena. 18Nahlag hi Enoch ot hi Irad. Nahlag hi Irad ot hi Mehujael. Nahlag damdamah Mehujael ot hi Metusael. Ya nahlag hi Metusael ot hi Lamek.</div><div class="p"> 19Hi Lamek ya duway inayana an da Adah ke Sillah. 20Nun-imbabaleh Adah ot ngadanan dah Jabal an hiyay nahlagan nadan mumpattol ya mumbale dah kampu. 21Hay tulang Jabal ya hi Jubal an hiyay nahlagan nadan nalaing an mun-ayyuding ya nadan mun-ippiip. 22Hi ke damdama Sillah ya nun-imbabale ot da Tubal Kain ya nan babain hi Naamah. Hi Tubal Kain ya numbalin an mumpanday.</div><div class="p"> 23Indani ya kanan Lamek nadah duwan inayanay &#8220;Dakayu Adah ke Sillah ya donglon yu tun kalyok. Pinatek on kumat-agun lalaki te pinat-uwanak. 24Deket pituy awit apun hi Kain ya ha-on ke ya napitut pituy awit ku.&#8221;</div><div class="p"> 25Nawada boy ohan lalakin imbabalen da Adam ke Eva. Ot kanan Evay &#8220;Indat Apu Dios ta mihannot ke Abel an pinaten Kain.&#8221; Ot ngadananah Seth. 26Handih kimmat-aguh Seth ya nalahin ot muntanud ya lalaki ot ngadananah Enos. Ya kediyen tiempoy nangipalpuwan di tagun maamung an mundasal ke APU DIOS.</div>
 </div>
 </div>
</div>

Inhuyop Adam nan inayanan hi Eva ya nawadaan ot mun-imbabale ya lalaki. Ot kanan Evay “Gapuh baddang APU DIOS ya wadah tuwen imbabalek.” Ot ngadananah Kain. Indani ya nitun-ud di oha bon lalaki ot ngadananah Abel.
Naongngal ot hay ngununa ya mumpattol hi kalnero. Hi Kain ke damdama ya munliyak hi payo. Ohan algo ya immianamut hi Kain hi inani nan intanom na ot iappit nan APU DIOS. Hi ke Abel ya inalana on namangulun impan di kalnerona ot iappit nan Apu Dios nadan dotag an makalamman. Immamlong hi APU DIOS nah inat Abel ot abulutonah diyen in-appit na. Mu uggena inabulut di in-appit Kain, ta hidiye nan bimmubbungot hi Kain an matiboh anganan mumboldang. Ot kanan APU DIOS ke Kain di “Tipet bumubbungot ka? Tipet athinay angam an mumboldang? Gulat nat niptok di inat mu ya wada ot an matbal ka. Mu gapu te adi maphod nan inat mu ya halipat-an Satanas di punhaulanan he-a ta hiyay nangamung ke he-a, mu takon di athidi ya mahapul an iwalong muy punliwatan.”

Ohan algo ya inayagan Kain hi tulang nan hi Abel an kananay “Makat ibbaanak ta eta mundaldallanan nah payo.” Indanit wadada nah payo ya pinaten Kain hi tulang na.
Indani ya kanan APU DIOS ke Kain di “Daan hi tulang mun hi Abel?” Kanan Kain di “Uggek inila. Kon ha-oy di mumpaptok ke tulang ku?”
Kanan APU DIOS ke hiyay “Kain, tipet em in-athidi? Inilak nan inat mu te tinibok di dalan nan ibam nah luta, kinali mahapul an ibalok. Kinali nadug-ahan ka ta maid moy hilbin di ingunum kediyen luta an initmog nay dalan tulang mu hi namatayam ke hiya. Maid di idat di lutah aniyom takon di ipanaptok mu. Ya maid di em kiha-adan ta humanawwangan ka.”
Kanan Kain ke APU DIOS di “Nahalman hituwen kastiguk, adiyak pakaippol. Te dog-alonak tuh lutan punliyakak ya midawwiyak ke he-a. Abuna moy eyak humanawwangan ta kumpulnay mangakhup ke ha-on ya patayonak.”
Mu kanan APU DIOS ke hiyay “Adi, te wada key mamaten he-a ya pitun tataguy awit mu.” Ot markaan APU DIOS hi Kain ta pangimatunan di tatagu ta adida patayon. Ot tumayan hi Kain nah kad-an APU DIOS ot mumpaed Nod an nangappit hi timilan di algo ad Eden. (Hay kibalinan di Nod ya punhanawwangan.)

Nalahin hi Kain ot muntanud ya lalaki ot ngadananah Enoch. Impumbalin Kain hi ongal an boble nan numboblayan da ot ngadananah Enoch an ngadan nan imbabalena. Nahlag hi Enoch ot hi Irad. Nahlag hi Irad ot hi Mehujael. Nahlag damdamah Mehujael ot hi Metusael. Ya nahlag hi Metusael ot hi Lamek.
Hi Lamek ya duway inayana an da Adah ke Sillah. Nun-imbabaleh Adah ot ngadanan dah Jabal an hiyay nahlagan nadan mumpattol ya mumbale dah kampu. Hay tulang Jabal ya hi Jubal an hiyay nahlagan nadan nalaing an mun-ayyuding ya nadan mun-ippiip. Hi ke damdama Sillah ya nun-imbabale ot da Tubal Kain ya nan babain hi Naamah. Hi Tubal Kain ya numbalin an mumpanday.
Indani ya kanan Lamek nadah duwan inayanay “Dakayu Adah ke Sillah ya donglon yu tun kalyok. Pinatek on kumat-agun lalaki te pinat-uwanak. Deket pituy awit apun hi Kain ya ha-on ke ya napitut pituy awit ku.”
Nawada boy ohan lalakin imbabalen da Adam ke Eva. Ot kanan Evay “Indat Apu Dios ta mihannot ke Abel an pinaten Kain.” Ot ngadananah Seth. Handih kimmat-aguh Seth ya nalahin ot muntanud ya lalaki ot ngadananah Enos. Ya kediyen tiempoy nangipalpuwan di tagun maamung an mundasal ke APU DIOS.

Nghe Genesis 4