Pagsamba sa DiyosHalimbawa

Panalanging Puno ng Espiritu

Ang kilalang pastor sa buong mundo, na si Arthur Blessitt, ay nagkwento tungkol sa isang iglesia na nagkasundong magkita isang Sabado ng hapon upang manalangin para sa isang revival o pagbabalik-loob. Mga apatnapung kalalakihan ang dumalo, umupo sa isang malaking bilog na pangkat, at nagsimulang manalangin.

Ngunit wala doon ang anumang presensya ng Diyos.

Sa sandaling iyon napatingin si Arthur sa labas ng bintana, at napansin niya ang isang kainan sa kabilang kalsada. Nakaramdam siya ng udyok upang pumunta roon, kaya siya ay dali-daling umalis.

Tumayo siya sa may pintuan at nagsalita, "Mayroon ba sa inyo na naririto ang nais na maligtas?"

Isang serbidora ang sumagot, "Ako."

Kaya ipinaliwanag niya sa kanya ang mabuting balita, at inakay siya sa Panginoon.

Pagkatapos ay tinanong niya kung mayroon ba sa mga tao sa kabilang kalsada ang kahit kailan ba ay nagtungo sa kanya at nakipagusap tungkol kay Jesu-Cristo o inanyayahan siyang dumalo sa simbahan.

Sumagot siya, "Wala, ni isa man."

Samantalang panay sa pagdarasal tungkol sa pagbabalik-loob ang mga taong iyon.

Huwag mong limitahan ang Espirtu sa pag-iisip na ang iyong pamilyar, at maginhawang pamamaraan ng pagsamba ay ang pamamaraang nais Niya. Ang apatnapung kalalakihang iyon ay dapat na matanggal sa kanilang kawalan ng buhay. Ang pagsamba at panalangin sa ilalim ng udyok ng Espiritu ay nangangahulugang pagsunod sa Espiritu.