Walang Hanggan Adbiyentong Pangpamilya, Linggo 2Halimbawa

Mga Kasabihan sa Pagkabukas-palad:

Gawin mo ang lahat ng mabuti na Iyong makakaya.
Sa lahat ng paraan na kaya Mo.
Sa lahat ng daan na kaya Mo.
Sa lahat ng lugar na kaya Mo.
Sa lahat ng oras kaya Mo.
Sa lahat ng taong kaya Mo.
Hangga't kaya Mo.
—John Wesley

Alam mo ba na ang pagkabukas-palad ay nakakapagpabagsak ng mga hadlang? Oo naman, maaaring kailangan mo ng martilyo para pabagsakin ang mga tunay na hadlang/pader (at hindi ba iyon napakasaya?!), ngunit ang pagkabukas-palad ay maaaring magwasak sa hindi nakikitang mga pader na umiiral sa buhay.

Halimbawa, isipin ang isang bagong bata na darating sa iyong paaralan. Walang pisikal na pader ang pumipigil sa kanila, ngunit may mga hadlang sa kanila upang sila ay makaramdam ng pagiging komportable sa iyong paaralan! Ang pagiging bukas-palad na imbitahin ang batang iyon na sabayan ka sa paglakad sa pasilyo ay sisira sa mga hadlang na iyon!

Anong iba pang mga uri ng mga hadlang ang maiisip mo? Paano naman ang balakid sa batang hindi magaling sa sports kapag PE? May mga hadlang para sa batang iyon, hindi ba? Paano kaya ang isang mapagbigay na pagkilos mula sa isang kaklase ay makasira ng isang hadlang na ganoon?

Ang mga tao ay may isang malaking balakid na kailangang madaig ... isang hindi nakikitang Diyos ang gumawa sa atin!! Oo. Pag-usapan ang isang hadlang - paano natin malalaman na Siya ay totoo? Paano natin Siya makikilala at magtitiwala sa Kanya? Ngunit isang kilos ng pagkabukas-palad ang bumasag sa hadlang na iyon para sa atin. Alam mo ba kung anong kilos iyon?

Bibigyan kita ng palatandaan: Pasko :)

Inilagay ng Diyos ang Kanyang sarili sa katawan ng isang sanggol at pagpili na lumaki at manirahan sa mundo ng mga tao ang pagsira sa hadlang ng hindi nakikita para sa atin. Ang mapagbigay na gawang iyon ay nagbigay-daan sa atin na makilala Siya, makita kung gaano Siya mapagkakatiwalaan, at mahalin Siya.

Mayroon bang mga tao sa iyong mundo na nahaharap sa isang hindi nakikitang hadlang ngayong Pasko? Marahil ang isang tao ay walang mga mahal sa buhay na kasama upang ipagdiwang ang Pasko (Ang kalungkutan ay isang malaking hindi nakikitang hadlang na maaaring masira ng pagkabukas-palad!). Marahil ang isang tao ay walang pera upang magbigay ng mga regalo ngayong Pasko o maaaring umasa ng mga regalo mula sa kanilang pamilya…? Ang pagpansin na may mga tao sa ating buhay na nahaharap sa hindi nakikitang mga hadlang ay ang unang hakbang sa isang pagkakataon upang isaalang-alang kung paano maaaring sirain ng iyong pagkabukas-palad ang mga hadlang na iyon para sa kanila!