Bakit Isinilang si JesusHalimbawa

Sa Iyo

Isinilang ngayon . . . ang inyong Tagapagligtas. (Lucas 2:11)

Tatlumpung taon na ang nakalilipas sa buwang ito ay ipinanganak ang aming anak na babae. Ako ay naglilingkod bilang isang pastor at dahil ang kapanganakan ay naganap sa madaling araw ng araw ng Linggo, isang retiradong pastor ang pumalit sa akin upang mangaral. Sa simula ng pananambahan, isang anunsyo ang ginawa: “Sina Rev. Hoezee at Rosemary ay may bagong sanggol na babae kaninang umaga.” Ngunit hindi ba magiging kakaiba kung sinabi niya sa kongregasyon, “Ngayong umaga ay ipinanganak sa inyo ang isang bata”? Ang aming anak na babae ay ipinanganak sa aking asawa at sa amin. Ngunit hindi siya isinilang “sa” buong simbahan, o kaninuman.

Ngunit iyan ang sinabi ng anghel sa mga natakot-sa-kanilang mga pastol: Isang Tagapagligtas ang isinilang “sa inyo.” Ngunit paano ito mauunawaan? Ito ay sanggol ni Maria at kay Jose rin (bagaman hindi sa karaniwang kahulugan). Ngunit hindi ito ang sanggol ng mga pastol. Hindi sila ang magpapalit ng lampin nito. Hindi nila pakakainin at palalakihin ang bata. Bibisitahin nila ang bata at pagkatapos ay babalik na sila sa kanilang mga tupa.

Kaya nga lamang, si Jesus ay hindi ordinaryong sanggol. Dumating Siya para sa lahat. Ipinanganak Siya sa ating lahat. Hindi Siya ang sanggol ng mga pastol, ngunit Siya ang kanilang Tagapagligtas. Siya ay naparito para sa kanila, mababa at hinahamak at isinasantabi man sila noong mga panahong iyon. “Sa iyo.” Napakadali nating sabihin ang mga salitang iyon. Ngunit naglalaman ang mga ito ng diwa ng ebanghelyo!