BibleProject | Maikling Kurso tungkol kay Apostol Pablo

BibleProject | Walang-Hanggang Pag-ibig ng Diyos

Masayahin ang ating Panginoon

Ang Kwento ng Naglayas na Anak

Ang Kahariang Bali-baliktad

Sa Paghihirap…

Prayer

BibleProject | Bagong Kasunduan, Bagong Karunungan

Mag One-on-One with God

Nilikha Tayo in His Image

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch33" data-usfm="GEN.33">
 <div class="label">33</div><div class="s">Nagkita sina Jacob at Esau</div><div class="p"> 1Natanaw ni Jacob na dumarating si Esau kasama ang apatnaraan niyang tauhan. Kaya't pinasama niya ang mga bata sa kani-kanilang ina. 2Nasa unahan ang dalawang asawang-lingkod at ang kanilang mga anak, kasunod si Lea at ang kanyang mga anak, at sa hulihan si Raquel at ang anak nitong si Jose. 3Umuna si Jacob sa kanilang lahat at pitong ulit na yumukod hanggang sa makarating sa harapan ng kapatid. 4Siya'y patakbong sinalubong ni Esau, niyakap nang mahigpit at hinagkan. Nag-iyakan ang magkapatid. 5Nang makita ni Esau ang mga babae at mga bata, itinanong niya kung sino sila.</div><div class="p">&#8220;Iyan ang mga anak na kaloob sa akin ng Diyos,&#8221; tugon ni Jacob. 6Nagsilapit ang mga asawang-lingkod na kasama ang mga bata at yumukod; 7sumunod si Lea at ang kasamang mga bata, at sa katapus-tapusa'y si Jose at si Raquel. Yumukod silang lahat at nagbigay-galang kay Esau.</div><div class="p"> 8&#8220;Ano naman ang mga kawan na nasalubong ko?&#8221; tanong ni Esau.</div><div class="p">&#8220;Iyon ay mga pasalubong ko sa iyo,&#8221; sagot niya.</div><div class="p"> 9Ngunit sinabi ni Esau, &#8220;Sapat na ang kabuhayan ko. Sa iyo na lang iyan.&#8221;</div><div class="p"> 10Sinabi ni Jacob, &#8220;Hindi! Para sa iyo talaga ang mga iyan; tanggapin mo na kung talagang ako'y pinapatawad mo. Pagkakita ko sa mukha mo at madama ang magandang pagtanggap mo sa akin, para ko na ring nakita ang Diyos! 11Kaya, tanggapin mo na ang regalo ko sa iyo. Naging mabuti sa akin ang Diyos; hindi ako kinapos sa anumang bagay.&#8221; At hindi niya tinigilan si Esau hanggang sa tanggapin nito ang kanyang kaloob.</div><div class="p"> 12&#8220;Sige, umalis na tayo, at ako na ang mauuna sa inyo,&#8221; sabi ni Esau.</div><div class="p"> 13Sinabi ni Jacob, &#8220;Ang mga bata'y mahina pa. Inaalaala ko rin ang mga tupa at bakang may bisiro. Kung tayo'y magmadali para makatipid ng isang araw, baka naman mamatay ang mga ito. 14Mabuti pa, mauna ka na at kami'y susunod sa inyo. Sisikapin ko namang bilis-bilisan ang lakad hanggang kaya ng mga hayop at bata, at mag-aabot din tayo sa Seir.&#8221;</div><div class="p"> 15&#8220;Kung gayon, pasasamahan ko kayo sa ilang tauhan ko,&#8221; sabi ni Esau.</div><div class="p">&#8220;Hindi na kailangan. Labis-labis na ang iyong kagandahang-loob sa akin,&#8221; sabi naman ni Jacob. 16Nang araw na iyon ay umuna na si Esau papuntang Seir. 17Pumunta naman si Jacob sa Sucot#17 SUCOT: Sa wikang Hebreo, ang kahulugan ng salitang ito ay &#8220;mga toldang tirahan&#8221;. at nagtayo roon ng kanyang toldang tirahan at kulungan ng mga hayop. Kaya, tinawag na Sucot ang lugar na iyon.</div><div class="p"> 18Mula sa Sucot, si Jacob ay tumawid sa Shekem at nagtayo ng kanyang tolda sa isang parang sa tapat ng lunsod. Nagbalik siya sa Canaan matapos manirahan nang matagal sa Mesopotamia. 19Ang#Jos. 24:32; Jn. 4:5 parang na pinagtayuan niya ng tolda ay binili niya sa tagapagmana ni Hamor na ama ni Shekem sa halagang sandaang pirasong pilak. 20Doon siya nagtayo ng altar at tinawag niyang El-Elohe-Israel, na ang kahulugan ay si El ang Diyos ng Israel.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch34" data-usfm="GEN.34">
 <div class="label">34</div><div class="s">Ginahasa si Dina</div><div class="p"> 1Minsan, si Dina, ang anak na dalaga ni Jacob kay Lea, ay dumalaw sa ilang kababaihan sa lupaing iyon. 2Nakita siya ni Shekem, anak na binata ni Hamor na isang Hivita at pinuno sa lupaing iyon. Sapilitan siyang isinama nito at ginahasa. 3Ngunit napamahal na nang husto kay Shekem si Dina at sinikap niyang suyuin ito. 4Sinabi ni Shekem sa kanyang ama na lakaring mapangasawa niya ang dalaga.</div><div class="p"> 5Nalaman ni Jacob na pinagsamantalahan ni Shekem ang kanyang anak, ngunit hindi muna siya kumibo sapagkat nagpapastol noon ng baka ang kanyang mga anak na lalaki. 6Nagpunta naman si Hamor kay Jacob upang makipag-usap. 7Siya namang pagdating ng mga anak na lalaki ni Jacob mula sa kaparangan. Nabigla sila nang mabalitaan ang nangyari sa kapatid, at gayon na lamang ang kanilang galit dahil sa ginawa ni Shekem. Ito'y itinuring nilang isang paglapastangan sa buong angkan ni Jacob. 8Sinabi ni Hamor, &#8220;Yaman din lamang na iniibig ni Shekem si Dina, bakit hindi pa natin sila ipakasal? 9Magkaisa na tayo! Hayaan nating mapangasawa ng aming mga binata ang inyong mga dalaga, at ng aming mga dalaga ang inyong mga binata. 10Sa gayo'y maaari na kayong manatili dito sa aming lupain. Maaari kayong tumira kung saan ninyo gusto; maaari kayong maghanapbuhay at magkaroon ng ari-arian.&#8221;</div><div class="p"> 11Nakiusap ding mabuti si Shekem sa ama at mga kapatid ni Dina. Sinabi niya, &#8220;Pagbigyan na po ninyo ang aking hangarin, at humiling naman kayo ng kahit anong gusto ninyo. 12Sabihin po ninyo kung ano ang dote na dapat kong ibigay at kung magkano pa ang kailangan kong ipagkaloob sa inyo, makasal lamang kami.&#8221;</div><div class="p"> 13Dahil sa paglapastangan kay Dina, mapanlinlang ang pagsagot ng mga anak na lalaki ni Jacob sa mag-amang Hamor at Shekem. 14Sinabi nila, &#8220;Malaking kahihiyan namin kung hindi tuli ang mapapangasawa ng aming kapatid. 15Papayag lamang kami kung ikaw at ang lahat ng mga lalaking nasasakupan ninyo ay magpapatuli. 16Pagkatapos, maaari na ninyong mapangasawa ang aming mga dalaga at ang inyo nama'y mapapangasawa namin. Magiging magkababayan na tayo at mamumuhay tayong magkakasama. 17Kung di kayo sasang-ayon, isasama na namin si Dina at aalis na kami.&#8221;</div><div class="p"> 18Pumayag naman ang mag-amang Hamor at Shekem. 19Hindi na sila nag-aksaya ng panahon sapagkat napakalaki ng pag-ibig ni Shekem kay Dina. Si Shekem ay iginagalang ng lahat sa kanilang sambahayan.</div><div class="p"> 20Sa may pintuan ng lunsod, tinipon ng mag-ama ang lahat ng lalaki sa Shekem. Sinabi nila, 21&#8220;Napakabuting makisama ng mga dayuhang dumating dito sa atin. Dito na natin sila patirahin, maluwang din lamang ang ating lupain. Pakasalan natin ang kanilang mga dalaga at sila nama'y gayon din. 22Ngunit mangyayari lamang ito kung ang ating mga kalalakihan ay patutuli na tulad nila. 23Sa gayon, ang kanilang ari-arian, mga kawan at bakahan ay mapapasaatin. Sumang-ayon na tayong mamuhay silang kasama natin.&#8221; 24Sumang-ayon naman sa panukalang ito ang mga lalaki, at silang lahat ay nagpatuli.</div><div class="p"> 25Nang ikatlong araw na matindi pa ang kirot ng sugat ng mga tinuli, kinuha nina Simeon at Levi na mga kapatid ni Dina, ang kanilang tabak at pinagpapatay ang mga lalaki roon na walang kamalay-malay. 26Pinatay nila pati ang mag-amang Hamor at Shekem, at itinakas si Dina. 27Pagkatapos ng pagpatay sinamsam naman ng ibang mga anak ni Jacob ang mahahalagang ari-arian doon. Ginawa nila ito dahil sa panghahalay sa kanilang kapatid na babae. 28Sinamsam nila pati mga kawan, mga baka, mga asno at lahat ng mapapakinabangan sa bayan at sa bukid. 29Dinala nilang lahat ang mga kayamanan, binihag ang mga babae't mga bata, at walang itinirang anuman.</div><div class="p"> 30Sinabi ni Jacob kina Simeon at Levi, &#8220;Binigyan ninyo ako ng napakalaking suliranin. Ngayon, kamumuhian ako ng mga Cananeo at Perezeo. Kapag nagkaisa silang salakayin tayo, wala tayong sapat na tauhang magtatanggol; maaari nilang lipulin ang aking sambahayan.&#8221;</div><div class="p"> 31Ngunit sila'y sumagot, &#8220;Hindi po kami makakapayag na ituring na isang masamang babae ang aming kapatid.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch35" data-usfm="GEN.35">
 <div class="label">35</div><div class="s">Binasbasan ng Diyos si Jacob sa Bethel</div><div class="p"> 1Sinabi#Gen. 28:11-17 ng Diyos kay Jacob, &#8220;Pumunta ka sa Bethel at doon ka manirahan. Ipagtayo mo roon ng altar ang Diyos na nagpakita sa iyo noong tumatakas ka sa iyong kapatid na si Esau.&#8221;</div><div class="p"> 2Kaya't sinabi ni Jacob sa kanyang sambahayan at sa lahat ng kasama niya, &#8220;Itapon ninyong lahat ang diyus-diyosang taglay ninyo, maglinis kayo ng inyong katawan, at magbihis kayo. 3Aalis tayo rito at pupunta sa Bethel. Magtatayo ako roon ng altar para sa Diyos na kasama ko saanman at laging tumutulong sa akin sa panahon ng kagipitan.&#8221; 4Ibinigay nila kay Jacob ang kanilang mga diyus-diyosan at ang suot nilang mga hikaw. Ang lahat ng ito'y ibinaon ni Jacob sa tabi ng malaking punong malapit sa Shekem.</div><div class="p"> 5Ang mga tao sa mga karatig-bayan ay natakot kay Jacob at sa kanyang mga anak na lalaki, kaya't walang nangahas humabol sa kanila nang sila'y umalis. 6Nang dumating sila sa Luz, sa lupain ng Canaan, 7gumawa siya ng altar at tinawag niyang El-Bethel#7 EL-BETHEL: Sa wikang Hebreo, ang kahulugan ng salitang ito ay &#8220;Diyos ng Bethel&#8221;. ang lugar na iyon, sapagkat doon nagpakita sa kanya ang Diyos nang siya'y tumakas mula sa kanyang kapatid. 8Namatay si Debora, ang nag-alaga kay Rebeca, at inilibing sa tabi ng malaking puno sa gawing timog ng Bethel. At ang dakong iyo'y tinawag na &#8220;Roble ng Pagluha.&#8221;</div><div class="p"> 9Pagbalik ni Jacob mula sa Mesopotamia, muling nagpakita sa kanya ang Diyos at siya'y binasbasan, 10&#8220;Jacob#Gen. 32:28 ang pangalan mo, ngunit mula ngayon, Israel na ang itatawag sa iyo.&#8221; 11Sinabi#Gen. 17:4-8 pa sa kanya, &#8220;Ako ang Makapangyarihang Diyos; magkakaroon ka ng maraming anak. Darami ang iyong mga lahi at sa kanila'y may mga magiging hari. Magmumula sa lahi mo ang maraming bansa. 12Ang mga lupaing aking ipinangako kay Abraham at kay Isaac ay ibibigay ko sa iyo at sa iyong mga anak.&#8221; 13At iniwan siya ng Diyos. 14Naglagay#Gen. 28:18-19 si Jacob ng batong palatandaan sa lugar na pinagtagpuan nila. Binuhusan niya ito ng langis at alak bilang tanda na ito'y ukol sa Diyos. 15Tinawag niyang Bethel ang lugar na iyon.</div><div class="s">Namatay si Raquel</div><div class="p"> 16Umalis sila sa Bethel. Nang sila'y malapit na sa Efrata, naramdaman ni Raquel na manganganak na siya at napakatindi ng kanyang hirap. 17Sinabi sa kanya ng hilot, &#8220;Huwag kang matakot, lalaki na naman ang isisilang mo.&#8221; 18Nasa bingit na siya ng kamatayan, at bago siya nalagutan ng hininga, ang sanggol ay tinawag niyang Benoni,#18 BENONI: Sa wikang Hebreo, ang kahulugan ng salitang ito ay &#8220;anak ng aking pagdadalamhati&#8221;. ngunit Benjamin#18 BENJAMIN: Sa wikang Hebreo, ang kahulugan ng salitang ito ay &#8220;anak na pagpapalain&#8221;. naman ang ipinangalan ni Jacob.</div><div class="p"> 19Namatay si Raquel at inilibing sa tabi ng daang patungo sa Efrata na ngayon ay Bethlehem. 20Ang puntod ay nilagyan ni Jacob ng batong pananda at hanggang ngayo'y makikita pa rin ang panandang iyon sa puntod ni Raquel. 21Nagpatuloy ng paglalakbay si Israel at nagkampo sa kabilang panig ng tore ng Eder.</div><div class="s">Ang mga Anak ni Jacob</div><div class="r">(1 Cro. 2:1-2)</div><div class="p"> 22Samantalang#Gen. 49:4 sina Israel ay nasa lupaing iyon, sumiping si Ruben kay Bilha na isa sa mga asawang-lingkod ng kanyang ama. Nalaman ito ni Israel.</div><div class="p">Labindalawa ang mga anak na lalaki ni Jacob: 23kay Lea, ang naging anak niya'y sina Ruben, Simeon, Levi, Juda, Isacar at Zebulun; 24kay Raquel, si Jose at si Benjamin; 25kay Bilha na alipin ni Raquel, si Dan at si Neftali; 26kay Zilpa naman na alipin ni Lea, ang naging anak niya'y sina Gad at Asher. Sa Mesopotamia ipinanganak ang lahat ng ito.</div><div class="s">Namatay si Isaac</div><div class="p"> 27Dumalaw#Gen. 13:18 si Jacob sa kanyang amang si Isaac sa Mamre, na tinatawag ding Lunsod ng Arba o Hebron. Dito rin tumira si Abraham. 28Si Isaac ay 180 taon 29nang mamatay at mamahinga sa piling ng kanyang mga ninuno. Siya'y inilibing nina Esau at Jacob.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch36" data-usfm="GEN.36">
 <div class="label">36</div><div class="s">Ang mga Nagmula sa Lahi ni Esau</div><div class="r">(1 Cro. 1:34-37)</div><div class="p"> 1Ito ang kasaysayan ng lahi na mula kay Esau na tinatawag ding Edom. 2Ang#Gen. 26:34 napangasawa niya ay mga Cananea: si Ada, anak ni Elon na Heteo, si Aholibama, anak ni Ana at apo ni Zibeon na Hivita, 3at#Gen. 28:9 si Basemat na anak naman ni Ismael at kapatid ni Nebayot. 4Ang anak ni Esau kay Ada ay si Elifaz; kay Basemat ay si Reuel; 5at kay Aholibama ay sina Jeus, Jalam at Korah. Silang lahat ay ipinanganak sa Canaan.</div><div class="p"> 6Nangibang-bayan si Esau kasama ang kanyang mga asawa, mga anak, mga tauhan, pati ang mga hayop at ang lahat ng ari-arian ay kanyang dinala. 7Iniwan niya si Jacob sa Canaan, sapagkat ang lupaing ito'y hindi na sapat sa kanilang mga kawan. 8Sa Seir nanirahan si Esau.</div><div class="p"> 9Ito ang kasaysayan ng lahi na mula kay Esau, ang pinagmulan ng mga Edomita sa kaburulan ng Seir: 10si Elifaz, anak kay Ada; at si Reuel, kay Basemat. 11Ang mga anak naman ni Elifaz ay sina Teman, Omar, Zefo, Gatam at Kenaz. 12At si Amalek ang naging anak ni Elifaz kay Timna. Sila ang mga apo ni Esau kay Ada.</div><div class="p"> 13Ito naman ang mga apo ni Esau kay Reuel na anak ni Basemat: Nahat, Zera, Shammah at Miza.</div><div class="p"> 14Ang mga anak ni Esau kay Aholibama na anak ni Ana at apo ni Zibeon, ay sina Jeus, Jalam at Korah.</div><div class="p"> 15-16Ito ang mga pinuno sa lahi ni Esau: Teman, Omar, Zefo at Kenaz, Korah, Gatam at Amalek, mga anak ni Elifaz na kanyang panganay at apo ni Ada. Sila'y naging pinuno sa lupain ng Edom.</div><div class="p"> 17Naging mga pinuno rin sa lupain ng Edom sina Nahat, Zera, Shammah, at Miza na mga anak ni Reuel. Sila ang mga apo ni Esau kay Basemat.</div><div class="p"> 18Sina Jeus, Jalam at Korah ang naging pinuno sa mga anak ni Esau kay Aholibama na anak ni Ana. 19Ang lahat ng mga liping ito'y nagmula sa lahi ni Esau.</div><div class="s">Ang Lahi ni Seir</div><div class="r">(1 Cro. 1:38-42)</div><div class="p"> 20Ito ang mga anak ni Seir, ang Horeo: Lotan, Sobal, Zibeon, Ana, 21Dishon, Ezer at Disan. Sila ang mga pinuno ng mga Horeo na unang nanirahan sa lupain ng Edom.</div><div class="p"> 22Ang mga anak ni Lotan ay sina Hori at Heman. Si Timna ay kapatid na babae ni Lotan.</div><div class="p"> 23Ito naman ang mga anak ni Sobal: Alvan, Manahat, Ebal, Zefo at Onam.</div><div class="p"> 24Ang kay Zibeon naman ay sina Aya at Ana. Si Ana ang siyang nakatuklas ng mainit na bukal sa ilang samantalang inaalagaan ang mga asno ng kanyang ama. 25Ang mga anak ni Ana ay si Dishon at ang kapatid nitong babae na si Aholibama. 26Ang mga anak naman ni Dishon ay sina Hemdan, Esban, Itran at Keran.</div><div class="p"> 27Sina Bilhan, Zaavan at Acan ang mga anak naman ni Ezer.</div><div class="p"> 28At ang kay Disan ay sina Hus at Aran.</div><div class="p"> 29Ito ang mga pinuno ng mga Horeo sa lupain ng Seir ayon sa kanilang angkan: Lotan, Sobal, Zibeon, Ana, 30Dishon, Ezer at Disan.</div><div class="s">Ang mga Hari ng Edom</div><div class="r">(1 Cro. 1:43-54)</div><div class="p"> 31Ito naman ang mga naging hari sa lupain ng Edom bago nagkaroon ng haring Israelita. 32Si Bela, ang anak ni Beor, ay naghari sa Lunsod ng Dinaba. 33Pagkamatay niya, pumalit si Jobab na anak ni Zerah, na taga-Bosra. 34Nang mamatay naman si Jobab, pumalit si Husam na Temaneo. 35Namatay si Husam, at humalili naman si Hadad, anak ni Bedad na tumalo sa mga Midianita sa lupain ng Moab. Avit ang tawag sa kanyang lunsod. 36Pagkamatay ni Hadad, siya'y pinalitan ni Samla na taga-Masreca. 37Si Saul namang taga-Rehobot sa Eufrates ang sumunod na namahala pagkamatay ni Samla. 38Pagkamatay ni Saul, ang naghari ay si Baal-hanan na anak ni Acbor. 39Pagkamatay ni Baal-hanan, pumalit si Hadar. Ang pangalan ng lunsod niya ay Pau. Si Mehetabel na anak ni Matred at apo ni Mezahab ang kanyang asawa.</div><div class="p"> 40Ito ang mga liping nagmula kay Esau ayon sa kanilang tirahan: Timna, Alva, Jetet, 41Aholibama, Ela, Pinon, 42Kenaz, Teman, Mibzar, 43Magdiel at Iram. Ito ang mga bansa ng Edom ayon sa kani-kanilang tirahan. Si Esau ang ninuno ng mga Edomita.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJHN">
 <div class="chapter ch18" data-usfm="JHN.18">
 <div class="label">18</div><div class="s">Ang Pagdakip kay Jesus</div><div class="r">(Mt. 26:47-56; Mc. 14:43-50; Lu. 22:47-53)</div><div class="p"> 1Pagkatapos ng panalanging ito, umalis si Jesus kasama ang kanyang mga alagad. Tumawid sila sa batis ng Kidron at pumasok sa isang halamanan doon. 2Alam ng taksil na si Judas ang lugar na iyon sapagkat doon madalas magpunta si Jesus at ang kanyang mga alagad. 3Pumunta doon si Judas, kasama ang ilang pinuno ng mga bantay sa Templo at isang grupo ng mga kawal Romano na padala ng mga punong pari at mga Pariseo. May dala silang mga lampara, ilawan at sandata. 4Alam ni Jesus ang lahat ng mangyayari sa kanya kaya't sila ay sinalubong niya at tinanong, &#8220;Sino ang hinahanap ninyo?&#8221;</div><div class="p"> 5&#8220;Si Jesus na taga-Nazaret,&#8221; sagot nila.</div><div class="p">At sinabi niya, &#8220;Ako si Jesus.&#8221;</div><div class="p">Kaharap nila noon si Judas na nagtaksil sa kanya. 6Nang sabihin niyang, &#8220;Ako si Jesus,&#8221; napaurong sila at natumba.</div><div class="p"> 7Muli siyang nagtanong, &#8220;Sino nga ba ang hinahanap ninyo?&#8221;</div><div class="p">&#8220;Si Jesus na taga-Nazaret,&#8221; sagot nila.</div><div class="p"> 8Sumagot si Jesus, &#8220;Sinabi ko na sa inyong ako si Jesus. Kung ako ang hinahanap ninyo, hayaan ninyong umalis ang mga taong ito.&#8221; 9Sa gayon, natupad ang kanyang sinabi, &#8220;Ama, walang napahamak kahit isa sa mga ibinigay mo sa akin.&#8221;</div><div class="p"> 10Binunot ni Simon Pedro ang kanyang tabak at tinaga ang kanang tainga ni Malco na isa sa mga alipin ng pinakapunong pari ng mga Judio. 11Sinabi#Mt. 26:39; Mc. 14:36; Lu. 22:42. ni Jesus kay Pedro, &#8220;Ibalik mo sa lalagyan ang iyong tabak! Dapat kong danasin ang paghihirap na ibinigay sa akin ng Ama.&#8221; 12Dinakip nga si Jesus at iginapos ng mga bantay sa Templo at ng mga kawal na Romano na pinamumunuan ng isang kapitan. 13Siya'y dinala muna kay Anas na biyenan ni Caifas, ang pinakapunong pari nang ta&#243;ng iyon. 14Si#Jn. 11:49-50. Caifas ang nagpayo sa mga pinuno ng mga Judio na mas mabuti para sa kanila na isang tao lamang ang mamatay para sa bayan.</div><div class="s">Ikinaila ni Pedro si Jesus</div><div class="r">(Mt. 26:69-70; Mc. 14:66-68; Lu. 22:55-57)</div><div class="p"> 15Sumunod kay Jesus si Simon Pedro at ang isa pang alagad. Ang alagad na ito ay kilala ng pinakapunong pari kaya't nakapasok siyang kasama ni Jesus hanggang sa patyo ng bahay ng pinakapunong pari. 16Naiwan naman si Pedro sa labas ng pintuan, kaya lumabas ang alagad na kilala ng pinakapunong pari, kinausap ang dalagang nagbabantay sa pinto at pinapasok si Pedro. 17Si Pedro'y tinanong ng dalaga, &#8220;Hindi ba't isa ka sa mga alagad ng taong iyan?&#8221;</div><div class="p">&#8220;Hindi,&#8221; sagot ni Pedro.</div><div class="p"> 18Maginaw noon, kaya't nagsiga ang mga utusan at ang mga bantay, at nag-umpukan sila sa paligid ng apoy upang magpainit. Nakihalo sa kanila si Pedro at nagpainit din.</div><div class="s">Tinanong si Jesus sa Harapan ng Pinakapunong Pari</div><div class="r">(Mt. 26:59-66; Mc. 14:55-64; Lu. 22:66-71)</div><div class="p"> 19Tinanong si Jesus ng pinakapunong pari tungkol sa kanyang mga alagad at sa kanyang mga itinuturo. 20Sumagot si Jesus, &#8220;Hayagan akong nagsasalita sa madla, at lagi akong nagtuturo sa mga sinagoga at sa Templo na pinagtitipunan ng mga Judio. Wala akong sinabi nang palihim. 21Bakit ako ang tinatanong ninyo? Ang tanungin ninyo'y ang mga nakarinig sa akin; alam nila kung ano ang sinabi ko.&#8221;</div><div class="p"> 22Pagkasabi nito'y sinampal siya ng isa sa mga pinuno ng mga bantay na naroroon. &#8220;Bakit mo sinasagot nang ganyan ang pinakapunong pari?&#8221; tanong niya.</div><div class="p"> 23Sumagot si Jesus, &#8220;Kung may nagawa akong masama, patunayan mo! Ngunit kung totoo ang sinabi ko, bakit mo ako sinampal?&#8221;</div><div class="p"> 24Matapos ito, si Jesus ay nakagapos pa rin na ipinadala ni Anas kay Caifas, ang pinakapunong pari.</div><div class="s">Muling Ikinaila ni Pedro si Jesus</div><div class="r">(Mt. 26:71-75; Mc. 14:69-72; Lu. 22:58-62)</div><div class="p"> 25Habang nagaganap ito, si Simon Pedro ay patuloy na nagpapainit sa tabi ng apoy. Siya'y tinanong ng mga naroon, &#8220;Hindi ba't alagad ka rin ng taong iyan?&#8221;</div><div class="p">&#8220;Hindi!&#8221; kaila ni Pedro.</div><div class="p"> 26Tinanong naman siya ng isa sa mga utusan ng pinakapunong pari ng mga Judio at kamag-anak ng lalaking natagpasan niya ng tainga, &#8220;Hindi ba ikaw ang nakita kong kasama ni Jesus sa halamanan?&#8221; 27Muling ikinaila ito ni Pedro, at narinig na tumilaok ang manok.</div><div class="s">Dinala si Jesus kay Pilato</div><div class="r">(Mt. 27:1-2, 11-14; Mc. 15:1-5; Lu. 23:1-5)</div><div class="p"> 28Maaga pa nang dalhin si Jesus sa palasyo mula sa bahay ni Caifas. Hindi pumasok ang mga pinuno ng mga Judio sa palasyo upang sila'y huwag maituring na di karapat-dapat kumain ng hapunang pampaskwa. 29Kaya't si Pilato ay lumabas sa palasyo at tinanong sila, &#8220;Ano ang paratang ninyo laban sa taong ito?&#8221;</div><div class="p"> 30Sila'y sumagot, &#8220;Hindi po namin siya dadalhin sa inyo kung hindi siya gumawa ng masama.&#8221;</div><div class="p"> 31Sinabi sa kanila ni Pilato, &#8220;Dalhin ninyo siya at hatulan ayon sa inyong batas.&#8221;</div><div class="p">Subalit sumagot ang mga Judio, &#8220;Wala po kaming kapangyarihang humatol ng kamatayan kaninuman.&#8221; 32Sa#Jn. 3:14; 12:32. gayon, natupad ang sinabi ni Jesus nang ipahiwatig niya kung sa anong paraan siya mamamatay.</div><div class="p"> 33Si Pilato ay pumasok uli sa palasyo at ipinatawag si Jesus. &#8220;Ikaw ba ang Hari ng mga Judio?&#8221; tanong niya.</div><div class="p"> 34Sumagot si Jesus, &#8220;Iyan ba'y sarili mong palagay, o may ibang nagsabi sa iyo?&#8221;</div><div class="p"> 35Tugon ni Pilato, &#8220;Hindi ako Judio. Ang mga kababayan mo at ang mga punong pari ang nagdala sa iyo rito. Ano ba ang ginawa mo?&#8221;</div><div class="p"> 36Sumagot si Jesus, &#8220;Ang kaharian ko'y hindi sa daigdig na ito. Kung sa daigdig na ito ang aking kaharian, ipinakipaglaban sana ako ng aking mga tauhan at hindi naipagkanulo sa mga Judio. Ngunit hindi sa daigdig na ito ang aking kaharian!&#8221;</div><div class="p"> 37&#8220;Kung ganoon, isa ka ngang hari?&#8221; sabi ni Pilato.</div><div class="p">Sumagot si Jesus, &#8220;Ikaw na ang nagsasabing ako'y hari. Ito ang dahilan kung bakit ako ipinanganak at naparito sa daigdig, upang magsalita tungkol sa katotohanan. Nakikinig sa aking tinig ang sinumang nasa katotohanan.&#8221;</div><div class="p"> 38&#8220;Ano ba ang katotohanan?&#8221; tanong ni Pilato.</div><div class="s">Hinatulang Mamatay si Jesus</div><div class="r">(Mt. 27:15-31; Mc. 15:6-20; Lu. 23:13-25)</div><div class="p">Pagkasabi nito, muling lumabas si Pilato at sinabi sa mga Judio, &#8220;Wala akong makitang kasalanan sa taong ito. 39Ngunit ayon sa inyong kaugalian, dapat akong magpalaya ng isang bilanggo sa Pista ng Paskwa. Ibig ba ninyong palayain ko ang Hari ng mga Judio?&#8221;</div><div class="p"> 40&#8220;Hindi!&#8221; sigaw nila. &#8220;Hindi siya, kundi si Barabbas!&#8221; Si Barabbas ay isang tulisan.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJHN">
 <div class="chapter ch19" data-usfm="JHN.19">
 <div class="label">19</div><div class="p"> 1Kaya't ipinakuha ni Pilato si Jesus at ipinahagupit. 2Ang mga kawal ay kumuha ng sangang matinik, ginawa itong korona at ipinutong kay Jesus. Siya rin ay sinuotan nila ng balabal na kulay ube at 3bawat isa'y lumalapit sa kanya at patuyang bumabati, &#8220;Mabuhay ang Hari ng mga Judio!&#8221; At kanilang pinagsasampal si Jesus.</div><div class="p"> 4Lumabas muli si Pilato at sinabi sa mga tao, &#8220;Ihaharap ko siya sa inyo upang malaman ninyo na wala akong makitang kasalanan sa kanya!&#8221; 5At inilabas nga si Jesus na may koronang tinik at balabal na kulay ube. Sinabi sa kanila ni Pilato, &#8220;Sige! Pagmasdan ninyo siya!&#8221;</div><div class="p"> 6Pagkakita sa kanya ng mga punong pari at ng mga bantay, sila'y nagsigawan, &#8220;Ipako siya sa krus! Ipako sa krus!&#8221;</div><div class="p">Sinabi ni Pilato, &#8220;Kunin ninyo siya, bahala kayong magpako sa kanya dahil wala akong makitang kasalanan sa kanya.&#8221;</div><div class="p"> 7Sumagot ang mga Judio, &#8220;Ayon sa aming kautusa'y nararapat siyang mamatay, sapagkat siya'y nagpapanggap na Anak ng Diyos.&#8221;</div><div class="p"> 8Nang marinig niya ang sinabi nila, lalong natakot si Pilato. 9Muli siyang pumasok sa palasyo at tinanong si Jesus, &#8220;Tagasaan ka ba?&#8221; Subalit hindi tumugon si Jesus. 10Muling nagtanong si Pilato, &#8220;Ayaw mo bang makipag-usap sa akin? Hindi mo ba alam na may kapangyarihan akong palayain ka o ipapako sa krus?&#8221;</div><div class="p"> 11Sumagot#Kar. 6:3. si Jesus, &#8220;Magagawa mo lamang iyan sapagkat ipinagkaloob sa iyo ng Diyos ang kapangyarihang iyan, kaya't mas mabigat ang kasalanan ng nagdala sa akin dito sa harapan mo.&#8221;</div><div class="p"> 12Nang marinig ito ni Pilato, lalo pa niyang hinangad na palayain si Jesus. Ngunit nagsigawan ang mga tao, &#8220;Kapag pinalaya mo ang taong iyan, hindi ka kaibigan ng Emperador! Ang sinumang nagpapanggap na hari ay kalaban ng Emperador.&#8221;</div><div class="p"> 13Pagkarinig ni Pilato sa mga salitang ito, inilabas niya si Jesus at siya'y umupo sa hukuman, sa dakong tinatawag na &#8220;Plataporma,&#8221; Gabatha sa wikang Hebreo.</div><div class="p"> 14Araw noon ng Paghahanda sa Paskwa, at mag-aalas dose na ng tanghali. Sinabi ni Pilato sa mga Judio, &#8220;Narito ang inyong hari!&#8221;</div><div class="p"> 15Sumigaw sila, &#8220;Patayin siya! Patayin! Ipako sa krus!&#8221;</div><div class="p">&#8220;Ipapako ko ba sa krus ang inyong hari?&#8221; tanong naman ni Pilato. Sumagot ang mga punong pari, &#8220;Wala kaming hari kundi ang Emperador!&#8221;</div><div class="p"> 16Kaya't ibinigay sa kanila ni Pilato si Jesus upang siya'y maipako sa krus.</div><div class="s">Ipinako si Jesus sa Krus</div><div class="r">(Mt. 27:32-44; Mc. 15:21-32; Lu. 23:26-43)</div><div class="p">Kinuha nga nila si Jesus. 17Inilabas siyang pasan ang kanyang krus papunta sa lugar na kung tawagi'y &#8220;Lugar ng Bungo,&#8221; Golgotha sa wikang Hebreo. 18Pagdating doon, siya'y ipinako sa krus, kasama ng dalawa pa; isa sa gawing kanan at isa sa kaliwa. 19Isinulat ni Pilato ang ganitong mga salita at ipinalagay sa krus: &#8220;Si Jesus na taga-Nazaret, ang Hari ng mga Judio.&#8221; 20Nasusulat ito sa mga wikang Hebreo, Latin, at Griego. Marami sa mga Judio ang nakabasa nito sapagkat malapit lamang sa lunsod ang dakong pinagpakuan kay Jesus. 21Kaya't ipinagpilitan ng mga punong pari kay Pilato, &#8220;Hindi sana ninyo isinulat ang &#8216;Ang Hari ng mga Judio&#8217;, kundi, &#8216;Sinabi ng taong ito, Ako ang Hari ng mga Judio.&#8217;&#8221;</div><div class="p"> 22Ngunit sumagot si Pilato, &#8220;Ang naisulat ko'y naisulat ko na.&#8221;</div><div class="p"> 23Nang si Jesus ay maipako na ng mga kawal, kinuha nila ang kanyang panlabas na kasuotan at pinaghati-hati sa apat. Kinuha rin nila ang kanyang mahabang panloob na kasuotan; ito'y walang tahi at hinabi nang buo mula sa itaas hanggang sa ibaba. 24Kaya't#Awit 22:18. nag-usap-usap ang mga kawal, &#8220;Huwag nating punitin ito; daanin na lamang natin sa palabunutan para malaman kung kanino ito mapupunta.&#8221; Sa gayon, natupad ang isinasaad ng Kasulatan,</div><div class="q1">&#8220;Pinaghati-hatian nila ang aking kasuotan;</div><div class="q2">at nagpalabunutan sila kung kanino mapupunta ang aking damit.&#8221;</div><div class="m">Ganoon nga ang ginawa ng mga kawal.</div><div class="p"> 25Nakatayo sa tabi ng krus ni Jesus ang kanyang ina at ang kapatid nitong babae, si Maria na asawa ni Cleopas, at si Maria Magdalena. 26Nang makita ni Jesus ang kanyang ina at ang minamahal niyang alagad na nasa tabi nito, sinabi niya, &#8220;Ina, ituring mo siyang sariling anak!&#8221;</div><div class="p"> 27At sinabi niya sa alagad, &#8220;Ituring mo siyang iyong ina!&#8221; Mula noon, sa bahay na ng alagad na ito tumira ang ina ni Jesus.</div><div class="s">Ang Pagkamatay ni Jesus</div><div class="r">(Mt. 27:45-56; Mc. 15:33-41; Lu. 23:44-49)</div><div class="p"> 28Alam#Awit 69:21; 22:15. ni Jesus na naganap na ang lahat ng bagay. Kaya't upang matupad ang kasulatan ay sinabi niya, &#8220;Nauuhaw ako!&#8221;</div><div class="p"> 29May isang mangkok doon na puno ng maasim na alak. Inilubog nila rito ang isang espongha, ikinabit iyon sa isang tangkay ng hisopo at idiniit sa kanyang bibig. 30Nang masipsip na ni Jesus ang alak, sinabi niya, &#8220;Naganap na!&#8221; Iniyuko niya ang kanyang ulo at nalagot ang kanyang hininga.</div><div class="s">Sinaksak ng Sibat ang Tagiliran ni Jesus</div><div class="p"> 31Noo'y Araw ng Paghahanda, at ayaw ng mga Judio na manatili sa krus ang mga bangkay hanggang sa Araw ng Pamamahinga, dahil natatangi ang Araw na iyon ng Pamamahinga. Kaya't hiniling nila kay Pilato na ipabali ang mga binti ng mga ipinako sa krus at alisin ang mga bangkay. 32Pumunta nga roon ang mga kawal at binali ang mga binti ng dalawang ipinakong kasabay ni Jesus. 33Ngunit pagdating nila kay Jesus at makitang patay na ito, hindi na nila binali ang kanyang mga binti. 34Subalit sinaksak ng isang kawal ang tagiliran ni Jesus sa pamamagitan ng sibat at agad dumaloy ang dugo at tubig. 35Ang nakakita nito ang nagpahayag upang kayo'y maniwala. Totoo ang kanyang pahayag at alam niyang katotohanan ang sinasabi niya. 36Nangyari#Exo. 12:46; Bil. 9:12; Awit 34:20. ang lahat ng ito upang matupad ang sinasabi sa kasulatan, &#8220;Walang mababali isa man sa kanyang mga buto.&#8221; 37At#Zac. 12:10; Pah. 1:7. may bahagi pa rin ng kasulatan na nagsasabi, &#8220;Pagmamasdan nila ang kanilang sinaksak ng sibat.&#8221;</div><div class="s">Ang Paglilibing kay Jesus</div><div class="r">(Mt. 27:57-61; Mc. 15:42-47; Lu. 23:50-56)</div><div class="p"> 38Pagkatapos nito, si Jose na taga-Arimatea ay nagsadya kay Pilato upang humingi ng pahintulot na makuha ang bangkay ni Jesus. Si Jose ay isang alagad ni Jesus, ngunit palihim lamang dahil sa takot niya sa mga Judio. Pinahintulutan naman siya ni Pilato, kaya't kinuha niya ang bangkay ni Jesus. 39Kasama#Jn. 3:1-2. rin niya si Nicodemo, ang taong nagsadya kay Jesus isang gabi. May dala siyang pabango, mga tatlumpung kilong pinaghalong mira at aloe. 40Kinuha nila ang bangkay ni Jesus at nilagyan ng pabango habang binabalot sa isang mamahaling tela, ayon sa kaugalian ng mga Judio. 41Malapit sa pinagpakuan kay Jesus ay may isang halamanan, at dito'y may isang bagong libingang hindi pa napaglilibingan. 42Dahil noon ay bisperas ng Araw ng Pamamahinga, at dahil sa malapit naman ang libingang ito, doon nila inilibing si Jesus.</div>
 </div>
 </div>
</div>

To the Word 2021 (DEACTIVATED)Halimbawa

Banal na Kasulatan

Tungkol sa Gabay na ito

Mga Kaugnay na Gabay