BibleProject | Maikling Kurso tungkol kay Apostol Pablo

BibleProject | Walang-Hanggang Pag-ibig ng Diyos

Masayahin ang ating Panginoon

Ang Kwento ng Naglayas na Anak

Ang Kahariang Bali-baliktad

Sa Paghihirap…

Prayer

BibleProject | Bagong Kasunduan, Bagong Karunungan

Mag One-on-One with God

Nilikha Tayo in His Image

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch29" data-usfm="GEN.29">
 <div class="label">29</div><div class="s">Dumating si Jacob kina Laban</div><div class="p"> 1Nagpatuloy si Jacob sa kanyang paglalakbay hanggang sa dumating siya sa lupain ng mga taga-Silangan. 2May nakita siyang isang balon ng tubig sa kaparangan. Sa paligid nito'y may tatlong kawan ng mga tupang nagpapahinga, sapagkat doon pinapainom ang mga ito. Ang balon ay may takip na malaking bato, 3at binubuksan lamang ito kapag papainumin na ang mga tinipong kawan. Matapos painumin ang mga ito, muli nilang tinatakpan ang balon.</div><div class="p"> 4Tinanong ni Jacob ang mga pastol na naroon, &#8220;Tagasaan kayo, mga kaibigan?&#8221;</div><div class="p">&#8220;Taga-Haran,&#8221; tugon nila.</div><div class="p"> 5&#8220;Kilala ba ninyo si Laban na apo ni Nahor?&#8221; tanong niyang muli.</div><div class="p">&#8220;Oo,&#8221; sagot naman nila.</div><div class="p"> 6&#8220;Kumusta na siya?&#8221; tanong pa niya.</div><div class="p">&#8220;Mabuti,&#8221; sabi naman nila. &#8220;Hayun at dumarating si Raquel, ang anak niyang dalaga! Kasama niya ang kawan ng kanyang ama.&#8221;</div><div class="p"> 7&#8220;Maaga pa naman,&#8221; sabi ni Jacob, &#8220;bakit hindi ninyo painumin ang mga tupa at dalhin muna sa pastulan bago ikulong?&#8221;</div><div class="p"> 8&#8220;Aba, hindi maaari!&#8221; sagot ng mga pastol. &#8220;Ang lahat ng pastol ay kailangang narito bago buksan ang balon; saka pa lamang kami maaaring magpainom.&#8221;</div><div class="p"> 9Nakikipag-usap pa si Jacob nang dumating si Raquel na kasama ang kawan ng kanyang ama. 10Nang makita ni Jacob si Raquel na kasama ang kawan ni Laban, binuksan ni Jacob ang balon at pinainom ang mga tupa. 11Pagkatapos, nilapitan niya ang dalaga at hinagkan; napaiyak siya sa tuwa. 12Sinabi niya, &#8220;Ako'y pamangkin ng iyong ama, anak ng iyong Tiya Rebeca!&#8221;</div><div class="p">Patakbong umuwi si Raquel at ibinalita ito sa ama. 13Sinalubong naman agad ni Laban ang kanyang pamangkin. Niyakap niya ito at hinagkan, saka isinama sa kanila. Nang maisalaysay ni Jacob ang lahat, 14sinabi sa kanya ni Laban, &#8220;Tunay na ikaw ay laman ng aking laman at dugo ng aking dugo!&#8221; At doon na siya tumira sa loob ng isang buwan.</div><div class="s">Naglingkod si Jacob Dahil kina Raquel at Lea</div><div class="p"> 15Pagkalipas ng isang buwan, sinabi ni Laban kay Jacob, &#8220;Hindi dahil magkamag-anak tayo ay pagtatrabahuhin kita nang walang bayad; magkano bang dapat kong isweldo sa iyo?&#8221; 16Si Laban ay may dalawang anak na dalaga. Si Lea ang nakatatanda at si Raquel naman ang nakababata. 17Mapupungay#17 Mapupungay: o kaya'y Hindi mapupungay. ang mga mata ni Lea, ngunit mas maganda at kaakit-akit si Raquel.</div><div class="p"> 18Nabighani si Jacob kay Raquel, kaya't ang sabi niya kay Laban, &#8220;Paglilingkuran ko kayo nang pitong taon para kay Raquel.&#8221;</div><div class="p"> 19Sinabi ni Laban, &#8220;Mas gusto ko ngang ikaw ang mapangasawa niya kaysa iba. Sige, dumito ka na.&#8221; 20Pitong ta&#243;ng naglingkod si Jacob upang mapasakanya si Raquel, ngunit iyon ay parang katumbas lamang ng ilang araw dahil sa laki ng kanyang pag-ibig dito.</div><div class="p"> 21Sinabi ni Jacob kay Laban, &#8220;Dumating na po ang panahong dapat kaming makasal ng inyong anak.&#8221; 22Naghanda nang malaki si Laban at inanyayahan ang lahat ng tagaroon. 23Ngunit nang gabing iyon, hindi alam ni Jacob na ang pinasiping sa kanya ay si Lea, sa halip na si Raquel. 24Ibinigay naman ni Laban kay Lea ang alipin nitong si Zilpa. 25Kinaumagahan, nakita ni Jacob na si Lea pala ang kanyang kasiping. Kaya sinabi niya kay Laban, &#8220;Bakit ninyo ito ginawa sa akin? Bakit ninyo ako nilinlang? Naglingkod ako sa inyo para kay Raquel, hindi po ba?&#8221;</div><div class="p"> 26Sumagot si Laban, &#8220;Hindi kaugalian dito sa amin na mauna pang mag-asawa ang nakababatang kapatid. 27Patapusin mo muna ang sanlinggong pagdiriwang na ito at pagkatapos ay ibibigay ko sa iyo si Raquel kung maglilingkod ka sa akin ng pitong taon pa.&#8221;</div><div class="p"> 28Sumang-ayon naman si Jacob at nang matapos ang pagdiriwang, ibinigay nga sa kanya ni Laban si Raquel bilang asawa. 29Ibinigay rin ni Laban kay Raquel ang alipin nitong si Bilha. 30Sa wakas, naangkin ni Jacob si Raquel; mas mahal niya ito kaysa kay Lea. Kaya't naglingkod pa si Jacob kay Laban nang pitong taon pa.</div><div class="s">Ang mga Anak ni Jacob</div><div class="p"> 31Alam ni Yahweh na si Lea ay di gaanong mahal ni Jacob, kaya't niloob niyang magkaanak na ito, samantalang si Raquel ay baog. 32Lalaki ang unang anak ni Lea. Ang sabi niya, &#8220;Nakita ni Yahweh ang aking suliranin. Ngayon, tiyak na mamahalin ako ng aking asawa.&#8221; Kaya't Ruben#32 RUBEN: Sa wikang Hebreo, ang mga salitang &#8220;Ruben&#8221; at &#8220;Narito ang isang anak na lalaki&#8221; ay magkasintunog. ang ipinangalan niya rito. 33Nagdalang-tao siyang muli at lalaki na naman ang kanyang naging anak. Kanyang sinabi, &#8220;Kaloob din ito sa akin ni Yahweh, dahil narinig niyang ako'y hindi mahal ng aking asawa.&#8221; Kaya't tinawag naman niya itong Simeon.#33 SIMEON: Sa wikang Hebreo, ang mga salitang &#8220;Simeon&#8221; at &#8220;narinig&#8221; ay magkasintunog. 34Muling nagdalang-tao si Lea at lalaki uli ang naging anak. Sinabi niya, &#8220;Lalo akong mapapalapit sa aking asawa, sapagkat tatlong lalaki na ang aming anak.&#8221; At tinawag niya itong Levi.#34 LEVI: Sa wikang Hebreo, ang mga salitang &#8220;Levi&#8221; at &#8220;Mapapalapit&#8221; ay magkasintunog. 35Nagdalang-tao siyang muli at lalaki pa rin ang kanyang anak. Sinabi niya, &#8220;Ngayo'y pupurihin ko si Yahweh.&#8221; Kaya't tinawag niya itong Juda.#35 JUDA: Sa wikang Hebreo, ang mga salitang &#8220;Juda&#8221; at &#8220;pupurihin&#8221; ay magkasintunog. Pagkatapos noo'y hindi na siya nagkaanak.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch30" data-usfm="GEN.30">
 <div class="label">30</div><div class="p"> 1Nainggit si Raquel sa kanyang kapatid sapagkat hindi siya magkaanak. Sinabi niya kay Jacob, &#8220;Mamamatay ako kapag hindi pa tayo nagkaanak.&#8221;</div><div class="p"> 2Nagalit si Jacob at sinabi kay Raquel, &#8220;Bakit, Diyos ba ako na pumipigil sa iyong panganganak?&#8221;</div><div class="p"> 3Kaya't sinabi ni Raquel, &#8220;Kung gayon, sipingan mo ang alipin kong si Bilha upang magkaanak ako sa pamamagitan niya.&#8221;</div><div class="p"> 4At pinasiping niya kay Jacob ang kanyang aliping si Bilha. 5Nagdalang-tao ito at nanganak ng lalaki. 6&#8220;Panig sa akin ang hatol ng Diyos,&#8221; sabi ni Raquel. &#8220;Dininig niya ang aking dalangin at pinagkalooban ako ng anak na lalaki.&#8221; Kaya Dan#6 DAN: Sa wikang Hebreo, ang mga salitang &#8220;Dan&#8221; at &#8220;Panig sa akin ang hatol&#8221; ay magkasintunog. ang ipinangalan niya rito. 7Muling nagdalang-tao si Bilha at nanganak ng isa pang lalaki. 8Sinabi ni Raquel, &#8220;Naging mahigpit ang labanan naming magkapatid, ngunit ako ang nagtagumpay.&#8221; Kaya, tinawag niyang Neftali#8 NEFTALI: Sa wikang Hebreo, ang mga salitang &#8220;Neftali&#8221; at &#8220;labanan&#8221; ay magkasintunog. ang bata.</div><div class="p"> 9Nang mapag-isip-isip ni Lea na hindi na siya nanganganak, ibinigay naman niya kay Jacob si Zilpa, 10at nagkaanak ito ng lalaki. 11&#8220;Mapalad ako,&#8221; sabi ni Lea, &#8220;kaya, Gad#11 GAD: Sa wikang Hebreo, ang mga salitang &#8220;Gad&#8221; at &#8220;mapalad&#8221; ay magkasintunog. ang ipapangalan ko sa kanya.&#8221; 12Si Zilpa'y muling nagdalang-tao at nagkaanak ng isa pang lalaki. 13Sinabi ni Lea, &#8220;Masayang-masaya ako! Masaya ang itatawag sa akin ng mga babae.&#8221; Kaya't tinawag niyang Asher#13 ASHER: Sa wikang Hebreo, ang mga salitang &#8220;Asher&#8221; at &#8220;Masaya&#8221; ay magkasintunog. ang bata.</div><div class="p"> 14Anihan na noon ng trigo. Samantalang naglalakad sa kaparangan, si Ruben ay nakakita ng bunga ng mondragora at dinala niya ito kay Lea na kanyang ina. &#8220;Bigyan mo naman ako ng mondragorang dala ng iyong anak,&#8221; pakiusap ni Raquel kay Lea.</div><div class="p"> 15Sinagot siya ni Lea, &#8220;Hindi ka pa ba nasisiyahang nakuha mo ang aking asawa, at ngayo'y gusto mo pang kunin pati mondragora ng aking anak?&#8221;</div><div class="p">Sinabi ni Raquel, &#8220;Bigyan mo ako ng mondragora, sa iyo na si Jacob ngayong gabi.&#8221;</div><div class="p"> 16Gabi na nang dumating noon si Jacob galing sa kaparangan. Sinalubong agad siya ni Lea at sinabi, &#8220;Sa akin ka sisiping ngayong gabi; si Raquel ay binigyan ko ng mondragorang dala ng aking anak para sa karapatang ito.&#8221; Nagsiping nga sila nang gabing iyon, 17at dininig ng Diyos ang dalangin ni Lea. Nagdalang-tao siya at ito ang panlimang anak nila ni Jacob. 18Kaya't sinabi ni Lea, &#8220;Ginantimpalaan ako ng Diyos sapagkat ipinagkaloob ko sa aking asawa ang aking alipin;&#8221; at pinangalanan niyang Isacar#18 ISACAR: Sa wikang Hebreo, ang mga salitang &#8220;Isacar&#8221;, &#8220;ipinagkaloob ko ang aking alipin&#8221;, at &#8220;Ginantimpalaan&#8221; ay magkakasintunog. ang kanyang anak. 19Muling nagdalang-tao si Lea, at ito ang pang-anim niyang anak. 20Kaya't ang sabi niya, &#8220;Napakainam itong kaloob sa akin ng Diyos! Ngayo'y pahahalagahan na ako ng aking asawa, sapagkat anim na ang aming anak.&#8221; Ang anak niyang ito'y tinawag naman niyang Zebulun.#20 ZEBULUN: Sa wikang Hebreo, ang mga salitang &#8220;Zebulun&#8221;, &#8220;kaloob&#8221;, at &#8220;pahahalagahan&#8221; ay magkakasintunog. 21Di nagtagal, nagkaanak naman siya ng babae, at ito'y tinawag niyang Dina.</div><div class="p"> 22Sa wakas, nahabag din ang Diyos kay Raquel at dininig ang kanyang dalangin. 23Nagdalang-tao siya at nagkaanak ng isang lalaki. Kaya't sinabi niya, &#8220;Tinubos din ako ng Diyos sa aking kahihiyan at niloob na ako'y magkaanak.&#8221; 24At tinawag niyang Jose#24 JOSE: Sa wikang Hebreo, ang mga salitang &#8220;Jose&#8221; at &#8220;Sana'y bigyan pa ng isa&#8221; ay magkasintunog. ang kanyang anak sapagkat sinabi niyang &#8220;Sana'y bigyan ako ni Yahweh ng isa pa.&#8221;</div><div class="s">Ang Kasunduan ni Jacob at ni Laban</div><div class="p"> 25Nang maipanganak si Jose, sinabi ni Jacob kay Laban, &#8220;Pahintulutan na po ninyo akong makauwi. 26Isasama ko na po ang aking mga asawa at mga anak. Marahil po nama'y sapat na ang aking ipinaglingkod sa inyo dahil sa kanila.&#8221;</div><div class="p"> 27Sinabi ni Laban, &#8220;Kung mamarapatin mo'y ito ang sasabihin ko: Batay sa karanasan ko sa panghuhula, tunay na pinagpala ako ni Yahweh dahil sa iyo. 28Sabihin mo kung magkano ang dapat kong ibayad sa iyo at babayaran kita.&#8221;</div><div class="p"> 29Sumagot si Jacob, &#8220;Alam naman ninyo kung paano ako naglingkod sa inyo at kung paano dumami ang inyong kawan sa aking pangangasiwa. 30Ang kaunti ninyong kabuhayan bago ako dumating ay maunlad na ngayon, sapagkat pinagpala kayo ni Yahweh dahil sa akin. Kaya, dapat namang iukol ko na ngayon ang aking panahon sa aking sambahayan.&#8221;</div><div class="p"> 31&#8220;Ano ang gusto mong ibayad ko sa iyo?&#8221; tanong ni Laban.</div><div class="p">Sumagot si Jacob, &#8220;Hindi ko po kailangang ako'y bayaran pa ninyo. Patuloy kong aalagaan ang inyong kawan, kung sasang-ayon kayo sa isang kondisyon. 32Pupunta ako sa inyong kawan ngayon din at ibubukod ko ang mga tupang itim, gayon din ang mga batang kambing na may tagping puti. Iyon na po ang para sa akin. 33Sa darating na panahon, madali ninyong malalaman kung ako'y tapat sa inyo o hindi. Tuwing titingnan ninyo ang mga hayop na naging kabayaran ninyo sa akin, at mayroon kayong makitang hindi itim na tupa o kaya'y kambing na walang tagpi, masasabi ninyong ninakaw ko iyon sa inyo.&#8221;</div><div class="p"> 34&#8220;Mabuti! Iyan ang ating gagawin,&#8221; tugon ni Laban. 35Ngunit nang araw ring iyon, ibinukod ni Laban ang lahat ng kambing na may tagpi maging barako o inahin, gayundin ang mga tupang itim at ito'y pinaalagaan niya sa kanyang mga anak na lalaki. 36Iniwan niya kay Jacob ang natira sa kawan at silang mag-aama'y lumayo nang may tatlong araw na paglalakbay, dala ang alaga nilang kawan.</div><div class="p"> 37Pumutol naman si Jacob ng mga sariwang sanga ng alamo, almendra at platano, at binalatan niya ang ibang parte upang magmukhang may batik. 38Inilagay niya ito sa painuman upang makita ng mga hayop tuwing iinom. Sa ganoong pagkakataon nag-aasawahan ang mga hayop. 39Napaglihian ang mga batik-batik na sanga, kaya naging batik-batik ang kanilang bisiro.</div><div class="p"> 40Ibinukod niya ang mga hayop na tagpian at itim sa kawan ni Laban upang ang mga ito ang laging natatanaw ng mga tupang puti. Sa gayon, parami nang parami ang sarili niyang kawan at ito'y hindi niya inihahalo sa kawan ni Laban.</div><div class="p"> 41Ang batik-batik na sanga ng kahoy ay inilalagay lamang ni Jacob sa painuman kung malulusog na hayop ang nag-aasawahan. 42Ngunit hindi niya ito ginagawa kung ang mga hayop na nag-aasawahan ay hindi malulusog. Kaya't malulusog ang kanyang mga hayop samantalang ang kay Laban ay hindi. 43Kaya't lalong yumaman si Jacob; lumaki ang kanyang kawan at dumami ang kanyang alipin, at mga kamelyo at asno.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch31" data-usfm="GEN.31">
 <div class="label">31</div><div class="s">Nilayasan ni Jacob si Laban</div><div class="p"> 1Nabalitaan ni Jacob na laging sinasabi ng kanyang mga bayaw na kinamkam na niyang lahat ang ari-arian ng kanilang ama at galing dito ang lahat niyang kayamanan. 2Napuna rin niyang nagbago na ang pakikitungo sa kanya ni Laban. 3Kaya sinabi sa kanya ni Yahweh, &#8220;Magbalik ka na sa lupain ng iyong mga magulang at mga kamag-anak at sasamahan kita.&#8221;</div><div class="p"> 4Pinasabihan ni Jacob si Raquel at si Lea na tagpuin siya sa parang na kinaroroonan ng kanyang mga kawan. 5Sinabi niya sa kanila, &#8220;Napansin kong iba na ang pagtingin sa akin ng inyong ama, hindi na tulad ng dati. Subalit hindi ako pinabayaan ng Diyos ng aking mga magulang. 6Alam ninyong ginugol ko ang aking buong lakas sa paglilingkod sa inyong ama. 7Sa kabila noon, dinadaya pa rin niya ako. Sampung beses na niyang binabago ang kabayaran sa akin ngunit hindi ipinahintulot ng Diyos na ako'y maapi. 8Kapag sinabi ni Laban na ang ibabayad sa akin ay ang batik-batik, ang buong kawan ay nanganganak nang ganoon. 9Ang Diyos ang may kaloob na mapasaakin ang kawan ng inyong ama.</div><div class="p"> 10&#8220;Sa panahon ng pag-aasawahan ng mga hayop, ako'y nanaginip. Nakita ko na pawang batik-batik ang lahat ng barakong kambing. 11Sa aking panaginip, tinawag ako ng anghel ng Diyos at ako nama'y sumagot. 12Ang sabi sa akin, &#8216;Jacob, masdan mo ang lahat ng mga barakong kambing, silang lahat ay may batik. Ginawa ko ito sapagkat alam kong dinadaya ka ni Laban. 13Ako#Gen. 28:18-22 ang Diyos na nagpakita sa iyo sa Bethel na kung saan ay binuhusan mo ng langis ang isang bato bilang alaala. Doon ay gumawa ka rin ng isang panata sa akin. Maghanda ka na at umalis ka sa lupaing ito; umuwi ka na sa iyong lupang sinilangan.&#8217;&#8221;</div><div class="p"> 14Sinabi naman nina Raquel at Lea, &#8220;Wala na kaming mamanahin sa aming ama. 15Dayuhan na ang turing niya sa amin. Ipinagbili niya kami, at nilustay ang lahat ng pinagbilhan sa amin. 16Kaya, ang lahat ng kayamanang inalis ng Diyos sa aming ama ay sa amin at sa aming mga anak. Gawin mo ang sinasabi sa iyo ng Diyos.&#8221;</div><div class="p"> 17Isinakay niya sa kamelyo ang kanyang mga asawa't mga anak. 18Dinala niya ang kanyang mga kawan at lahat ng kayamanang naipon niya sa Mesopotamia at bumalik sa Canaan, sa lupain ng kanyang amang si Isaac. 19Wala noon si Laban sapagkat naggugupit ito ng balahibo ng mga tupa. Sinamantala iyon ni Raquel upang kunin ang mga diyus-diyosan sa tolda ng kanyang ama. 20Nilinlang ni Jacob si Laban na Arameo; hindi niya ipinaalam ang kanyang pag-alis. 21Tinawid niya ang Ilog Eufrates papunta sa bulubundukin ng Gilead, dala ang lahat niyang ari-arian.</div><div class="s">Hinabol ni Laban si Jacob</div><div class="p"> 22Makaraan ang tatlong araw, nalaman ni Laban ang pag-alis nina Jacob. 23Isinama niya ang kanyang mga tauhan at hinabol nila si Jacob. Inabot nila ito sa bulubundukin ng Gilead pagkaraan ng pitong araw. 24Nang gabing iyon, si Laban ay kinausap ng Diyos sa pamamagitan ng panaginip. Sinabi sa kanyang huwag pagbabantaan ng anuman si Jacob. 25Nang dumating si Laban, si Jacob ay nakapagtayo na ng kanyang tolda sa kaburulan. Nagtayo rin ng tolda si Laban sa kaburulang iyon ng Gilead.</div><div class="p"> 26Tinanong ni Laban si Jacob, &#8220;Bakit mo ako nilinlang at itinakas mo pa ang aking mga anak na parang mga bihag? 27Bakit mo inilihim sa akin ang iyong pag-alis? Sana'y inihatid ko kayo na may tugtugan at awitan sa saliw ng tamburin at alpa. 28Hindi mo man lamang ako binigyan ng pagkakataong mahagkan ang aking mga anak at mga apo bago sila umalis. Napakalaking kahangalan ang ginawa mong ito! 29Kung sabagay, kaya kitang saktan, ngunit hindi ko iyon gagawin sapagkat kagabi'y sinabi sa akin ng Diyos ng iyong ama na huwag kitang pagbantaan sa anumang paraan. 30Alam kong ginawa mo ito dahil sabik na sabik ka nang umuwi sa inyo. Subalit bakit mo naman ninakaw ang aking mga diyos?&#8221;</div><div class="p"> 31Sumagot si Jacob, &#8220;Natakot po ako na baka hindi ninyo pasamahin sa akin ang inyong mga anak. 32Ngayon, kung makita ninyo ang inyong mga diyos sa sinuman sa amin, dapat siyang mamatay. Saksi ang naritong mga kamag-anak natin; tingnan ninyo kung mayroon kayong anumang ari-arian dito at kunin ninyo.&#8221; Hindi alam ni Jacob na si Raquel ang kumuha ng mga diyus-diyosan ni Laban.</div><div class="p"> 33Hinalughog ni Laban ang tolda ni Jacob, ang kay Lea, at gayon din ang sa dalawang aliping babae, ngunit hindi niya nakita ang kanyang mga diyos. Pumasok din siya sa tolda ni Raquel, 34ngunit naitago na nito ang mga diyus-diyosan sa upuang nasa likod ng kamelyo at iyon ay kanyang inuupuan. Hinalughog na mabuti ni Laban ang buong tolda, ngunit wala siyang nakita. 35Sinabi ni Raquel sa kanyang ama, &#8220;Huwag po kayong magagalit sa akin kung sa harapan ninyo'y hindi ako makatayo, sapagkat ako po'y mayroon ngayon.&#8221;#35 sapagkat ako po'y mayroon ngayon: o kaya'y ako po'y nireregla ngayon. Patuloy na naghanap si Laban, ngunit hindi rin niya nakita ang kanyang mga diyus-diyosan.</div><div class="p"> 36Nagalit nang husto si Jacob at tinanong niya si Laban, &#8220;Ano bang pagkakasala ang ginawa ko sa inyo? May batas ba akong nilabag at gayon na lamang ang paghahalughog ninyo? 37Kung may nakuha kayong ari-arian sa sinuman sa amin, ilabas ninyo at hayaan ninyong hatulan tayo ng ating mga kasamahan! 38Dalawampung taon tayong nagkasama. Patuloy ang pagdami ng inyong mga tupa't kambing, at ni isang tupang barako sa kawan ninyo'y di ko pinangahasang kainin. 39Kung may tupang sinila ng mababangis na hayop, hindi ko na ipinapakita sa inyo. Pinapalitan ko agad. Pinipilit ninyo akong magbayad ng anumang nawawala, maging iyo'y ninakaw sa gabi o sa araw. 40Mahabang panahon akong nagtiis ng matinding init ng araw, at lamig ng gabi. Kulang na kulang ako sa tulog. 41Iyan ang naranasan ko sa loob ng dalawampung ta&#243;ng kasama ninyo. Labing-apat na taon akong naglingkod sa inyo dahil sa dalawa ninyong anak na babae, at anim na taon pa para sa inyong mga kawan. Sa kabila noon, sampung beses ninyong binago ang ating partihan. 42Mabuti na lamang at kasama ko ang Diyos ng aking mga magulang, ang Diyos ni Abraham na sinamba ni Isaac. Kung hindi, marahil ay pinalayas ninyo ako nang walang kadala-dala. Alam ng Diyos ang aking hirap at pagod, kaya, kagabi'y pinagsabihan niya kayo.&#8221;</div><div class="s">Ang Kasunduan ni Jacob at ni Laban</div><div class="p"> 43Sinabi ni Laban kay Jacob, &#8220;Ang lahat ng dala mo'y akin: aking mga anak, aking mga apo at aking mga kawan. Ngunit ano pa ang magagawa ko? 44Ang mabuti'y gumawa tayo ng kasunduan. Magbunton tayo ng bato na siyang magpapaalaala ng ating kasunduan.&#8221;</div><div class="p"> 45Naglagay si Jacob ng isang bato bilang isang alaala. 46Sinabi niya sa kanyang mga tauhan na maglagay rin doon ng bato. Pagkatapos, kumain sila sa tabi ng bunton ng mga bato. 47Ito'y tinawag ni Laban na Jegar-sahaduta,#47 JEGAR-SAHADUTA: Sa wikang Aramaico, ang kahulugan ng salitang ito ay &#8220;isang bunton upang paalalahanan tayo&#8221;. at Gal-ed#47 GAL-ED: Sa wikang Hebreo, ang kahulugan ng salitang ito ay &#8220;isang bunton upang paalalahanan tayo&#8221;. naman ang itinawag doon ni Jacob, 48sapagkat sinabi ni Laban, &#8220;Ang buntong ito ng mga bato ang tagapagpaalala ng kasunduan nating dalawa.&#8221; 49Tinawag ding Mizpa#49 MIZPA: Sa wikang Hebreo, ang mga salitang &#8220;Mizpa&#8221; at &#8220;Bantayan nawa&#8221; ay magkasintunog. ang lugar na iyon sapagkat sinabi ni Laban, &#8220;Bantayan nawa tayo ni Yahweh samantalang tayo'y magkalayo. 50Kapag inapi mo ang aking mga anak, o nag-asawa ka ng iba, alalahanin mo na wala man ako roon, ang Diyos ang saksi sa ating kasunduan.&#8221; 51Pagkatapos, sinabi pa ni Laban, &#8220;Narito sa pagitan natin ang mga batong ibinunton ko, at narito rin ang batong inilagay mo. 52Ang mga ito ang ating palatandaan. Ito rin ang magiging hanggahan natin upang maiwasan ang paglusob sa isa't isa. 53Ang Diyos ni Abraham at ang Diyos ni Nahor ang hahatol sa atin.&#8221; At sa pangalan ng Diyos na sinamba ng ama niyang si Isaac ay sumumpa si Jacob na tutupad siya sa kasunduang ito. 54Pagkatapos, nagpatay siya ng isang hayop at ito'y inihandog doon sa bundok. Nagsalu-salo sila at doon na rin nagpalipas ng gabi. 55Kinaumagahan, umuwi na si Laban matapos hagkan ang kanyang mga anak at mga apo.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch32" data-usfm="GEN.32">
 <div class="label">32</div><div class="s">Humanda si Jacob na Salubungin si Esau</div><div class="p"> 1Nagpatuloy si Jacob sa paglalakbay at sinalubong siya ng mga anghel ng Diyos. 2Kaya't sinabi niya, &#8220;Ito ang hukbo ng Diyos,&#8221; kaya tinawag niyang Mahanaim#2 MAHANAIM: Sa wikang Hebreo, ang kahulugan ng salitang ito ay &#8220;dalawang kampo&#8221;. ang lugar na iyon.</div><div class="p"> 3Nagpadala siya ng mga sugo sa kapatid niyang si Esau sa lupain ng Seir, sa lupain ng Edom. 4Ganito ang kanyang ipinasabi: &#8220;Ako si Jacob na abang lingkod mo. Matagal akong nanirahan sa Tiyo Laban at ngayon lamang ako uuwi. 5Marami akong mga baka, asno, tupa, kambing at mga alipin. Pinauna ko ang mga sugong ito upang ipakiusap sa iyo na magkasundo na tayo.&#8221;</div><div class="p"> 6Pagbalik ng mga sugo, sinabi nila, &#8220;Nakausap po namin si Esau at ngayon po'y nasa daan na siya at may kasamang apatnaraang lalaki upang salubungin kayo.&#8221; 7Natakot si Jacob at lubhang nabahala. Kaya't pinagdalawa niyang pangkat ang kanyang mga tauhan pati mga hayop 8upang, kung salakayin sila ni Esau, ang isang pangkat ay makakatakas.</div><div class="p"> 9At nanalangin si Jacob, &#8220;Diyos ni Abraham at ni Isaac, tulungan po ninyo ako! Sinabi po ninyong ako'y bumalik sa aming lupain at mga kamag-anak, at hindi ninyo ako pababayaan. 10Hindi po ako karapat-dapat sa lahat ng kagandahang-loob ninyo sa akin. Nang tumawid po ako sa Jordan, wala akong dala kundi tungkod, ngunit ngayon sa aking pagbabalik, dalawang pangkat na ang aking kasama. 11Iligtas ninyo ako sa kamay ng aking kapatid na si Esau. Nangangamba po akong sa pagkikita nami'y patayin niya kami pati mga babae at mga bata. 12Nangako#Gen. 22:17 po kayong hindi ninyo ako pababayaan. Sinabi ninyong pararamihin ninyo ang aking lahi, sindami ng mga buhangin sa dagat.&#8221;</div><div class="p"> 13Kinabukasan, si Jacob ay naghanda ng regalo para kay Esau. Pumili siya ng 14dalawampung barako at dalawandaang inahing kambing, dalawandaang inahing tupa at dalawampung barako, 15tatlumpung gatasang kamelyo na may mga anak, apatnapung inahing baka at sampung toro, at dalawampung inahing asno at sampung lalaking asno. 16Bawat kawan ay ipinagkatiwala niya sa isang alipin. Sinabi niya sa kanila, &#8220;Mauna kayo sa akin, ngunit huwag kayong magsasabay-sabay; lagyan ninyo ng pagitan ang bawat kawan.&#8221; 17Sinabi niya sa naunang alipin, &#8220;Kung masalubong mo ang aking kapatid at tanungin ka, &#8216;Sino ang iyong panginoon? Saan ka pupunta? Kaninong mga hayop ito?&#8217; 18Sabihin mong, &#8216;Ito po'y galing sa inyong lingkod na si Jacob. Regalo po niya ito sa panginoon niyang si Esau.&#8217; Sabihin mo ring kasunod na ninyo ako.&#8221; 19Ganito rin ang iniutos niya sa pangalawa, pangatlo at sa lahat ng aliping kasama ng kawan. 20Ipinasabi rin niya sa mga ito na siya'y kasunod nila. Inisip ni Jacob na sa ganitong paraa'y patatawarin siya ni Esau, kung sila'y magtagpo, dahil sa mga regalong padala niya. 21Ang mga regalong ito'y nauna sa kanya; nagpahinga muna siya sa kanyang kampo nang gabing iyon.</div><div class="s">Nakipagbuno si Jacob sa Peniel</div><div class="p"> 22Nang gabi ring iyon, gumising si Jacob at itinawid sa Ilog Jabok ang dalawa niyang asawa, labing-isang anak at dalawang asawang-lingkod. 23Pagkatapos#Kar. 10:12 maitawid ang lahat niyang ari-arian, 24naiwang#Hos. 12:3-4 mag-isa si Jacob.</div><div class="p">Doon, nakipagbuno sa kanya ang isang lalaki hanggang sa pagbubukang-liwayway. 25Nang maramdaman ng lalaki na hindi niya madadaig si Jacob, hinampas niya ito sa balakang at ang buto nito'y nalinsad. 26Sinabi ng lalaki, &#8220;Bitiwan mo na ako at magbubukang-liwayway na!&#8221;</div><div class="p">&#8220;Hindi kita bibitiwan hangga't hindi mo ako binabasbasan,&#8221; wika ni Jacob. 27Tinanong ng lalaki kung sino siya, at sinabi niyang siya'y si Jacob.</div><div class="p"> 28Sinabi#Gen. 35:10 sa kanya ng lalaki, &#8220;Mula ngayo'y Israel#28 ISRAEL: Sa wikang Hebreo, ang mga salitang &#8220;Israel&#8221; at &#8220;nakipagbuno sa Diyos&#8221; ay magkasintunog. na ang itatawag sa iyo, at hindi na Jacob, sapagkat nakipagbuno ka sa Diyos at sa mga tao, at ikaw ay nagtagumpay.&#8221;</div><div class="p"> 29&#8220;Ano#Huk. 13:17-18 namang pangalan ninyo?&#8221; tanong ni Jacob.</div><div class="p">&#8220;Bakit gusto mo pang malaman?&#8221; sagot naman ng lalaki. At binasbasan niya si Jacob.</div><div class="p"> 30Sinabi ni Jacob, &#8220;Nakita ko ang mukha ng Diyos, gayunma'y buh&#225;y pa rin ako.&#8221; At tinawag niyang Peniel#30 PENIEL: Sa wikang Hebreo, ang mga salitang &#8220;Peniel&#8221; at &#8220;ang mukha ng Diyos&#8221; ay magkasintunog. ang lugar na iyon. 31Sumisikat na ang araw nang umalis siya roon at papilay-pilay na lumakad. 32Iyon ang dahilan kung bakit hanggang ngayo'y hindi kinakain ng mga Israelita ang litid ng pigi ng hayop, sapagkat iyon ang bahaging napilay kay Jacob.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJHN">
 <div class="chapter ch17" data-usfm="JHN.17">
 <div class="label">17</div><div class="s">Idinalangin ni Jesus ang Kanyang mga Alagad</div><div class="p"> 1Pagkasabi ni Jesus ng mga pananalitang ito, tumingala siya sa langit at kanyang sinabi, &#8220;Ama, dumating na ang oras; parangalan mo na ang iyong Anak upang maparangalan ka niya. 2Sapagkat binigyan mo ako ng kapangyarihan sa sangkatauhan upang bigyan ko ng buhay na walang hanggan ang lahat ng ibinigay mo sa Anak. 3Ito#Kar. 15:3. ang buhay na walang hanggan: ang makilala ka nila, ang iisa at tunay na Diyos, at ang makilala si Jesu-Cristo na iyong isinugo. 4Inihayag ko sa lupa ang iyong karangalan; natapos ko na ang ipinapagawa mo sa akin. 5Kaya, Ama, ipagkaloob mo sa akin ngayon ang kaluwalhatiang taglay ko sa piling mo bago pa likhain ang daigdig.</div><div class="p"> 6&#8220;Ipinakilala na kita sa mga taong ibinigay mo sa akin mula sa daigdig. Sila'y iyo at ibinigay mo sila sa akin, at tinupad nila ang iyong salita. 7Alam na nila na ang lahat ng ibinigay mo sa akin ay mula sa iyo; 8dahil itinuro ko sa kanila ang mga aral na ibinigay mo sa akin, at tinanggap naman nila. Natitiyak nilang ako'y tunay na galing sa iyo, at naniniwala silang ikaw nga ang nagsugo sa akin.</div><div class="p"> 9&#8220;Idinadalangin ko sila; hindi ang sanlibutang ito ang idinadalangin ko, kundi ang lahat ng ibinigay mo sa akin, sapagkat sila'y sa iyo. 10Ang lahat ng sa akin ay sa iyo, at ang lahat ng sa iyo ay sa akin; at napaparangalan ako sa pamamagitan nila. 11At ngayon, ako'y papunta na sa iyo; iiwanan ko na ang sanlibutang ito, ngunit sila ay nasa sanlibutan pa. Amang banal, ingatan mo po sila sa pamamagitan ng kapangyarihan ng iyong pangalan, ang pangalang ibinigay mo sa akin, upang kung paanong ikaw at ako ay iisa, gayundin naman sila'y maging isa. 12Habang#Awit 41:9; Jn. 13:18. kasama nila ako, iningatan ko sila sa pamamagitan ng kapangyarihan ng iyong pangalan, ang pangalang ibinigay mo sa akin. Pinangalagaan ko sila at walang napahamak sa kanila, maliban sa taong humanap ng kanyang kapahamakan, upang matupad ang kasulatan. 13Ngunit ngayon, ako'y papunta na sa iyo, at sinasabi ko ito habang ako'y nasa sanlibutan pa upang mapuspos sila ng aking kagalakan. 14Naibigay ko na sa kanila ang iyong salita, at kinapootan sila ng mga tao sa sanlibutang ito, sapagkat hindi na sila taga-sanlibutan, tulad ko na hindi taga-sanlibutan. 15Hindi ko idinadalanging kunin mo sila sa daigdig na ito, kundi iligtas mo sila sa Masama! 16Hindi sila taga-sanlibutan, tulad ko na hindi rin taga-sanlibutan. 17Italaga mo sila sa pamamagitan ng katotohanan; ang salita mo ang katotohanan. 18Kung paanong isinugo mo ako sa sanlibutan, gayundin naman, isinusugo ko sila sa sanlibutan. 19At alang-alang sa kanila'y itinalaga ko sa iyo ang aking sarili, upang maitalaga rin sila sa pamamagitan ng katotohanan.</div><div class="p"> 20&#8220;Hindi lamang sila ang idinadalangin ko; idinadalangin ko pati ang mga mananalig sa akin dahil sa pahayag ng aking mga tagasunod. 21Ama, maging isa nawa silang lahat. Kung paanong ikaw ay nasa akin at ako'y nasa iyo, gayundin naman, maging isa nawa sila sa atin upang ang mga tao sa daigdig ay maniwala na ikaw ang nagsugo sa akin. 22Ibinigay ko na sa kanila ang karangalang ibinigay mo sa akin upang sila'y ganap na maging isa, tulad mo at ako na iisa. 23Ako'y nasa kanila at ikaw ay nasa akin, upang lubusan silang maging isa. Dahil dito, makikilala ng mga tao sa daigdig na isinugo mo ako at sila'y minamahal mo, katulad ng pagmamahal mo sa akin.</div><div class="p"> 24&#8220;Ama, sila ay ibinigay mo sa akin at nais kong makasama sila sa kinaroroonan ko upang makita nila ang karangalang ibinigay mo sa akin, sapagkat minahal mo na ako bago pa nilikha ang daigdig. 25Mapagmahal na Ama, hindi ka kilala ng mga tao sa daigdig, ngunit kilala kita, at alam rin ng mga ibinigay mo sa akin na ikaw ang nagsugo sa akin. 26Ipinakilala na kita sa kanila, at patuloy kitang ipapakilala, upang ang pagmamahal mo sa akin ay manatili sa kanila, at ako ay manatili rin sa kanila.&#8221;</div>
 </div>
 </div>
</div>

To the Word 2021 (DEACTIVATED)Halimbawa

Banal na Kasulatan

Tungkol sa Gabay na ito

Mga Kaugnay na Gabay