Paghahanap ng KapahingahanHalimbawa

Hanapin ang iyong mga Kasama

Komunidad—isang lupon ng mga tao na nagkaisa sa pakikisama, pagbabahagi ng mga saloobin, interes, at layunin. 

Ang pakikipag-ugnay sa Diyos ay hindi nangangahulugan ng pagsasara ng iyong sarili mula sa ibang tao. Sa katunayan, minsan ang ibig sabihin nito ay paglalaan ng espasyo para sa kanila. Ang pahinga ay perpektong oras para ipagdiwang ang buhay kasama ang mga taong mahal mo. Hindi tayo nilalang para mabuhay ng mag-isa. Kailangan natin ang isa't-isa.

Isipin mo ang mga klase ng tao na gusto mo sa iyong buhay—mga taong nagbibigay sa'yo ng inspirasyon upang maging mas mahusay, maging mas katulad ni Jesus. Direkta kang naiimpluwensyahan ng taong kasama mo ng pinakamahabang oras. Tinutulungan ka bang lumago ng mga taong ipinapapasok mo sa iyong buhay? 

Pagnilayan: Makipag-ugnayan ngayong araw at makipagkita sa isang kaibigan. Makipagkita nang personal kung kaya mo, o kumonekta sa pamamagitan ng bidyo o pagtawag man lamang. Huwag kang magtakda ng pag-uusapan. Basta makipagkita at magkasiyahan sa isa't-isa. Pagkatapos, isulat ang anumang ipinakita ng Diyos sa iyo habang magkasama kayo.