Mga Salmo 60
60
Pag-ampo#2 Sam. 8:13; 1 Cron. 8:12. aron Maluwas#ANG ULOHAN SA HEBREO: Ngadto sa Pangulong Musikero. Sa tuno sa “Pahayag sa mga Lirio.” Salmo ni David. Alang sa Pagtudlo. Sa dihang nakig-away siya ni Aramnahaim ug Aramzobah ug sa dihang miabot si Joab gikan nga nakapatay ug 12,000 ka Edomea didto sa Walog sa Asin.
1Gisalikway ug gibuntog mo kami, O Dios;
nasuko ka kanamo apan karon balik na kanamo!
2Gipakurog mo ang yuta
ug gipaliki mo kini;
karon ipahiuli ang mga bung-aw niini kay kini hapit na matumpag!
3Gipaantos mog daghang kalisdanan ang imong katawhan;
gihatagan mo kamig bino nga nakahubog kanamo.
4Gipatindog mo ang bandila alang niadtong may kahadlok kanimo
aron sila modangop didto
ug makaikyas gikan sa mga pana sa kalaglagan.
5Luwasa kami pinaagi sa imong gahom;
tubaga ang among pag-ampo aron maluwas ang katawhan nga imong gihigugma.
6Didto sa iyang balaang puloy-anan, miingon ang Dios,
“Sa akong kadaogan bahinon ko ang Siquem,
ug iapod-apod ko sa akong katawhan ang Walog sa Sucot.
7Ang Gilead akoa ingon man ang Manases;
ang Efraim mao ang akong helmet,
ug ang Juda mao ang akong harianong sitro.
8Apan gamiton ko ang Moab ingon nga akong planggana nga hunawanan
ug ang Edomea ingon nga akong sudlanag sandalyas.
Isinggit ko ang kadaogan batok sa Filistia.”
9Kinsay modala kanako, O Dios, ngadto sa siyudad nga kinutaan?
Kinsay modala kanako sa Edomea?
10Gisalikway mo na ba gayod kami?
Dili ka ba diay mokuyog sa among kasundalohan?
11Tabangi kami batok sa kaaway,
kay kawang lamang ang panabang nga tawhanon.
12Modaog kami kay ang Dios dapig man kanamo;
siya ang mobuntog sa among mga kaaway.
Kasalukuyang Napili:
Mga Salmo 60: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society