Mga Salmo 59
59
Pag-ampo#1 Sam. 19:11. aron Maluwas#ANG ULOHAN SA HEBREO: Ngadto sa Pangulong Musikero. Sa tuno sa “Ayaw Laglaga.” Balak ni David sa dihang si Saul nagpadalag mga espiya aron pagpatay kang David.
1Luwasa ako gikan sa akong mga kaaway, Dios ko!
Panalipdi ako gikan sa mga nakigbatok kanako!
2Ilikay ako sa daotang mga tawo
ug sa mga mamumuno!
3Giatangan ako nila aron patyon.
Naghiusa ang bangis nga mga tawo
aron paghunos sa akong kinabuhi.
Bisag wala akoy sala
4o sayop, O Ginoo,
nagdali sila pag-adto sa ilang mga hup-anan.
5Lihok na, O Ginoo, Dios nga Labing Gamhanan,
ug tabangi intawon ako.
Pagmata na ug tan-awa, O Dios sa Israel,
ug siloti ang mga wala magtuo kanimo.
Ayaw kaluy-i ang mga mabudhion!
6Mamalik sila inigkagabii,
mag-uwang sama sa mga iro samtang magsuroysuroy ug maniid sa siyudad.
7Pamati sa ilang gisulti!
Ang ilang dila sama sa mga espada diha sa ilang baba
ug nangutana sila, “Kinsay makabati kanato?”
8Apan kataw-an mo sila, O Ginoo;
biaybiayon mo ang tanang kanasoran!
9Misalig ako sa imong gahom
ug ikaw ang akong dalangpanan, O Dios.
10Ang akong Dios nga nahigugma kanako moanhi kanako,
ug pakit-on niya ako nga mabuntog ang akong mga kaaway.
11Patya sila,#59:11 Patya sila: Sa Hebreo, Ayaw sila patya. O Dios,
aron dili malimot ang akong katawhan.
Patibulaaga sila ug buntoga sa imong kusog, O Ginoo, among tigpanalipod.
12Ang sala anaa sa ilang ngabil ug daotan ang ilang mga pulong.
Mabitik unta sila sa ilang garbo!
Tungod kay nanunglo ug namakak sila,
13laglaga sila sa imong kasuko;
laglaga sila sa hingpit.
Unya masayran sa tanang katawhan nga ang Dios naghari sa Israel
ug naghari siya sa tibuok kalibotan!
14Ang akong mga kaaway mamalik matag gabii,
mag-uwang sama sa mga iro samtang magsuroy sa siyudad.
15Maglibotlibot sila pagpangitag pagkaon sama sa iro,
ug magngulob kon dili#59:15 magngulob kon dili: o magpulaw aron. makakaplag ug igong pagkaon.
16Apan awiton ko ang imong pagkagamhanan;
matag buntag awiton kog kusog ang imong gugma nga walay paglubad,
kay dalangpanan ug tagoanan ko ikaw sa mga adlaw sa akong kalisdanan.
17Daygon ko ikaw, akong tigpanalipod.
Akong dalangpanan ang Dios,
ang Dios nga nahigugma kanako.
Kasalukuyang Napili:
Mga Salmo 59: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society