Yohani 3
3
Yesu na Nikodemu
1Kukali na kilongochi yumwi va Vayawudi yeakemeliwe Nikodemu, yeakali yumwi va lipinga lya Vafwalisayo. 2Kigono kimwi Nikodemo akamuheleliye Yesu pamie, akamlongie, “Labi, twichela kuva veve ndi muwalanichi yeulagilichwe na Nguluvi. Kwihela munu yeiwesa kugita kimanyilo chechewigita veve, ngita Nguluvi seagehe pamwi nave.”
3Yesu akamuhigile, “Ndakyene ndikukulongela, kwihela munu yeiwesa kwingila mung'achale va Nguluvi ngita seibabwa kangi.”
4Nikodemo akahuchile, “Wuli, munu mgogolo iwesa kubabwa kangi?” “Wuli, iwesa kwingila kangi mulileme lya maye vake na kubabwa kangi?”
5Yesu akamuhigile, “Ndakyene ndikukulongela, kwihela munu yeiwesa kwingila mung'achale va Nguluvi ngita seibabwa kwa malenga na kwa Muhe va Nguluvi. 6Munu ibabwa kimuvili kwa daada na kwa maye, ila vanu vagalambuchwa na kuvecha mwana va Nguluvi kwa Muhe va Nguluvi. 7Ubihile kududuva kwakuva ndikulongile kuva mung'ang'wa kubabwa kangi. 8Lukala upuga kwelela kweukela. Wiwesa kuupulika peupuga, ila seuchela peuhumila vala peuhelela. Ndeni, peiviye kwa munu yeababilwe kwa Muhe va Nguluvi.”
9Suwe, Nikodemo akamuhuchile Yesu, “Makani aga gewesekana wuli kubabwa kwa Muhe va Nguluvi?”
10Yesu akamuhigile, “Veve ndi muwulanichi veuginywa hilo muinyi lya Isilaeli, wuli seuchela makani aga? 11Ndakyene ndikukulongela, nefwe twilonga gala gyetugachele na twilonga gala gyetugalolile. Ila nyenye mukuulema unanzi vetu. 12Ngita nyenye semwidikila pendikuvalongela makani gegigitwa muinyi, damuwesa wuli kunidikila pendikuvalongela makani gya kuluhano kwa Nguluvi? 13Kwihela munu yeyonda yeahelele kuluhano, ila Mwana va Munu weka hela, yeakwikile kuhuma kuluhano kwa Nguluvi.”
14Ngita fila Musa peamnamule yula lyoka va saba kula kukwelu, ndenindeni Mwana va Munu dainamulwa, 15neke kila munu yeakumdikila aveche na uwumi va mbepali. 16Kwakuva Nguluvi akuvakela hilo vanu va muinyi ata akamuhechile Mwana vake va weka hela, neke kila munu yeakumdikila abihile kuyaga, ila aveche na uwumi va mbepali. 17Kwakuva Nguluvi seamlagiliche Mwana vake muinyi neke avahige nongwa vanu va inyi, ila amlagiliche ache kuvalowola.
18Munu yeyonda yeakumdikila Mwana seakuhigwa, ila munu yeyonda yesekumdikila Mwana ahigilwe suwe, kwakuva seamdikile Mwana va weka va Nguluvi. 19Luhigo lwene ndi ulu. Welu wachile muinyi, ila vanu volofu vakela kuvecha mukisi kuchumba kuvecha muwelu, kwakuva magito gyao mawofu. 20Kila munu yeigita mawofu akuuvipila welu vala seikwacha muwelu, kwakuva seakela magito gyake mawofu gawonike wachi. 21Ila vala vevikwikala kwa kufwatila undakyene, neke magito gyawo gawonike gagitilwa kwa kumdikila Nguluvi yeakuvagavila ludali lya kugagita.
Yesu na Yohani
22Pegichumbile ago, Yesu na vachulila vake vakahele muinyi lya ku Yudeya. Navo vakakalile kwa figono fidodo na kubatisa vanu. 23Ndenindeni, Yohani akali akuvabatisa vanu ukoya mukijiji kya Ainoni pepi na Salimu muinyi lya Samalia, kwakuva ukoya kukali na malenga myolofu. Vanu volofu vakamuheleliye Yohani neke avabatise. 24Yohani akali igita kasi iyo, chipindi ave kubatwa na kumvika mukihopo.
25Kigono kimwi vamonga va vachulila va Yohani vakali vakulumbana na Muyawudi yumwi kwa makani gya vachoviye gya kukalava ngita peing'ang'wa kabula lya kufunya. 26Suwe, vachulila avo vakamuheleliye Yohani na vakamlongie, “Muwulanichi, yula munu yeakali pamwi na veve kumwambo lya mgoka Yolidani, yula yeutulongie makani gyake na mwene ibatisa vanu, kangi vanu volofu vakumuheleliya kugina vevikwacha kwa nefwe!”
27Yohani akavahigile, “Kwihela munu yeiwesa kuva na kinu ngita seagavilwa na Nguluvi. 28Na nyenye damuvecha vaswida vangu kuva ndikalongie, ‘Nene se Kilisito, ila ndikalagilichwe neke ndimlongole.’ 29Yeitolwa ndi vake yeakumtola. Ila mganja va yeitola, yeikwima na kumpulikicha, ukeduka hilo peakumpulika yeitola peilonga. Nondee lukeduko lwangu ikamilike. 30Yesu ing'ang'wa kuvecha mkomi hilo, ila nene nding'ang'wa kuvecha mdodo hilo.”
Mwene yeihuma kuluhano kwa Nguluvi
31Mwana va Nguluvi yeikwacha kuhuma kuluhano ndi mkomi kuchumba vanu vonda. Yeihumila muinyi ndi va muinyi na ilonga makani gya muinyi. Ila yeikwacha kuhuma kuluhano kwa Nguluvi ndi mkomi kuchumba vanu vonda. 32Mwene ilonga gala gyeagawonile na kupulika kuhuma kwa Nguluvi, ila vanu vadodo hela nde vikwidikila unanzi vake. 33Ila yeyonda yeidikila unanzi vake, iwonesa kuva gyeilonga Nguluvi ndi gaundakyene. 34Kwakuva Yula yealangilichwe na Nguluvi ilonga machowo ga Nguluvi, kwakuva Nguluvi umgavila Muhe vake neke amlongoche munu uyo kwa kila kinu kyeagita na kulonga. 35Daada akumkela Mwana vake na kumgavila kila kinu akihimiliche. 36Munu yeyonda yeakumdikila Mwana va Nguluvi, ivecha na uwumi va mbepali. Ila munu yeyonda yesekumdikila Mwana vake seivecha na uwumi va mbepali, kwakuva luvipo lwa Nguluvi daisigala kwa munu uyo.
Kasalukuyang Napili:
Yohani 3: NTBnBL2025
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
The New Testament in Benamanga @The Word for The World International and Benamanga Language translation, 2025. All rights reserved.
Yohani 3
3
Yesu na Nikodemu
1Kukali na kilongochi yumwi va Vayawudi yeakemeliwe Nikodemu, yeakali yumwi va lipinga lya Vafwalisayo. 2Kigono kimwi Nikodemo akamuheleliye Yesu pamie, akamlongie, “Labi, twichela kuva veve ndi muwalanichi yeulagilichwe na Nguluvi. Kwihela munu yeiwesa kugita kimanyilo chechewigita veve, ngita Nguluvi seagehe pamwi nave.”
3Yesu akamuhigile, “Ndakyene ndikukulongela, kwihela munu yeiwesa kwingila mung'achale va Nguluvi ngita seibabwa kangi.”
4Nikodemo akahuchile, “Wuli, munu mgogolo iwesa kubabwa kangi?” “Wuli, iwesa kwingila kangi mulileme lya maye vake na kubabwa kangi?”
5Yesu akamuhigile, “Ndakyene ndikukulongela, kwihela munu yeiwesa kwingila mung'achale va Nguluvi ngita seibabwa kwa malenga na kwa Muhe va Nguluvi. 6Munu ibabwa kimuvili kwa daada na kwa maye, ila vanu vagalambuchwa na kuvecha mwana va Nguluvi kwa Muhe va Nguluvi. 7Ubihile kududuva kwakuva ndikulongile kuva mung'ang'wa kubabwa kangi. 8Lukala upuga kwelela kweukela. Wiwesa kuupulika peupuga, ila seuchela peuhumila vala peuhelela. Ndeni, peiviye kwa munu yeababilwe kwa Muhe va Nguluvi.”
9Suwe, Nikodemo akamuhuchile Yesu, “Makani aga gewesekana wuli kubabwa kwa Muhe va Nguluvi?”
10Yesu akamuhigile, “Veve ndi muwulanichi veuginywa hilo muinyi lya Isilaeli, wuli seuchela makani aga? 11Ndakyene ndikukulongela, nefwe twilonga gala gyetugachele na twilonga gala gyetugalolile. Ila nyenye mukuulema unanzi vetu. 12Ngita nyenye semwidikila pendikuvalongela makani gegigitwa muinyi, damuwesa wuli kunidikila pendikuvalongela makani gya kuluhano kwa Nguluvi? 13Kwihela munu yeyonda yeahelele kuluhano, ila Mwana va Munu weka hela, yeakwikile kuhuma kuluhano kwa Nguluvi.”
14Ngita fila Musa peamnamule yula lyoka va saba kula kukwelu, ndenindeni Mwana va Munu dainamulwa, 15neke kila munu yeakumdikila aveche na uwumi va mbepali. 16Kwakuva Nguluvi akuvakela hilo vanu va muinyi ata akamuhechile Mwana vake va weka hela, neke kila munu yeakumdikila abihile kuyaga, ila aveche na uwumi va mbepali. 17Kwakuva Nguluvi seamlagiliche Mwana vake muinyi neke avahige nongwa vanu va inyi, ila amlagiliche ache kuvalowola.
18Munu yeyonda yeakumdikila Mwana seakuhigwa, ila munu yeyonda yesekumdikila Mwana ahigilwe suwe, kwakuva seamdikile Mwana va weka va Nguluvi. 19Luhigo lwene ndi ulu. Welu wachile muinyi, ila vanu volofu vakela kuvecha mukisi kuchumba kuvecha muwelu, kwakuva magito gyao mawofu. 20Kila munu yeigita mawofu akuuvipila welu vala seikwacha muwelu, kwakuva seakela magito gyake mawofu gawonike wachi. 21Ila vala vevikwikala kwa kufwatila undakyene, neke magito gyawo gawonike gagitilwa kwa kumdikila Nguluvi yeakuvagavila ludali lya kugagita.
Yesu na Yohani
22Pegichumbile ago, Yesu na vachulila vake vakahele muinyi lya ku Yudeya. Navo vakakalile kwa figono fidodo na kubatisa vanu. 23Ndenindeni, Yohani akali akuvabatisa vanu ukoya mukijiji kya Ainoni pepi na Salimu muinyi lya Samalia, kwakuva ukoya kukali na malenga myolofu. Vanu volofu vakamuheleliye Yohani neke avabatise. 24Yohani akali igita kasi iyo, chipindi ave kubatwa na kumvika mukihopo.
25Kigono kimwi vamonga va vachulila va Yohani vakali vakulumbana na Muyawudi yumwi kwa makani gya vachoviye gya kukalava ngita peing'ang'wa kabula lya kufunya. 26Suwe, vachulila avo vakamuheleliye Yohani na vakamlongie, “Muwulanichi, yula munu yeakali pamwi na veve kumwambo lya mgoka Yolidani, yula yeutulongie makani gyake na mwene ibatisa vanu, kangi vanu volofu vakumuheleliya kugina vevikwacha kwa nefwe!”
27Yohani akavahigile, “Kwihela munu yeiwesa kuva na kinu ngita seagavilwa na Nguluvi. 28Na nyenye damuvecha vaswida vangu kuva ndikalongie, ‘Nene se Kilisito, ila ndikalagilichwe neke ndimlongole.’ 29Yeitolwa ndi vake yeakumtola. Ila mganja va yeitola, yeikwima na kumpulikicha, ukeduka hilo peakumpulika yeitola peilonga. Nondee lukeduko lwangu ikamilike. 30Yesu ing'ang'wa kuvecha mkomi hilo, ila nene nding'ang'wa kuvecha mdodo hilo.”
Mwene yeihuma kuluhano kwa Nguluvi
31Mwana va Nguluvi yeikwacha kuhuma kuluhano ndi mkomi kuchumba vanu vonda. Yeihumila muinyi ndi va muinyi na ilonga makani gya muinyi. Ila yeikwacha kuhuma kuluhano kwa Nguluvi ndi mkomi kuchumba vanu vonda. 32Mwene ilonga gala gyeagawonile na kupulika kuhuma kwa Nguluvi, ila vanu vadodo hela nde vikwidikila unanzi vake. 33Ila yeyonda yeidikila unanzi vake, iwonesa kuva gyeilonga Nguluvi ndi gaundakyene. 34Kwakuva Yula yealangilichwe na Nguluvi ilonga machowo ga Nguluvi, kwakuva Nguluvi umgavila Muhe vake neke amlongoche munu uyo kwa kila kinu kyeagita na kulonga. 35Daada akumkela Mwana vake na kumgavila kila kinu akihimiliche. 36Munu yeyonda yeakumdikila Mwana va Nguluvi, ivecha na uwumi va mbepali. Ila munu yeyonda yesekumdikila Mwana vake seivecha na uwumi va mbepali, kwakuva luvipo lwa Nguluvi daisigala kwa munu uyo.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
The New Testament in Benamanga @The Word for The World International and Benamanga Language translation, 2025. All rights reserved.