Yohani 4
4
Yesu na mdala Msamaliya
1Vafalisayo vakapulike kuva Yesu akali ibatisa na kuvapata vachulila volofu kuchumba Yohani mbatisa. 2Ila undakyene ndi kuva, Yesu seakabatisa, ila vachulila vake nde vakali vakubatisa. 3Suwe, Yesu peapulike ago, akahuma muinyi lya ku Yudeya na kuwuya muinyi lya ku Galilaya. 4Peakali ihelela ku Galilaya akachumbile muinyi lya Samalia.
5Suwe, peafikile Sikali mwani va Samaliya, pepi na mgunda va Yusufu, veagavilwe na daada vake yeikemelwa Yakobo. 6Bahala kukali na kisimo kya Yakobo. Yesu akakalile mulubali lwa kisimo, kwakuva akali afwahile na lugendo. Ikali saa sita pamunyi.
7Suwe, achile mdala yumwi va ku Samalia kunega malenga. Yesu akamlongie, “Ndigavile malenga ndinyuwe.” 8Chipindi icho vachulila va Yesu vakali vahele kumwani kugula kyakulia.
9Yula mdala akamuhigile, “Veve ndi Muyawudi na nene ndi Msamalia. Wuli, uwesa kunisuka malenga gya kunyuwa?” Kwakuva Vayawudi sevihungila na sevigita kyokyonda pamwi na Vasamalia.
10Yesu akamuhigile, “Ngita uchele kila kinu kyeasaka Nguluvi kukugavila na ani yeakusuka malenga gya kunyuwa, ngaumsuka mwene na mwene ngakugavila malenga gya uwumi.”
11Yula mdala akalonga, “Mtwa, veve uhela mnechi va kunegela malenga na kisimo kyene kitali muno. Wuli, ago malenga gyekuvagavila vanu uwumi wipata kwiya? 12Daada vetu Yakobo ndi yeatugavile kisimo iki. Mwene akali inyuwa malenga aga pamwi na vana vake na vang'oko vake. Wuli, ukwiwona mkomi hilo kuchumba Yakobo?”
13Suwe, Yesu akamuhigile, “Kila munu yeinyuwa malenga aga, daivecha na ng'elu kangi. 14Ila yeinyuwa malenga gendikumgavila nene, daseivecha na ng'elu mbepali. Kwakuva malenga dandikumgavila, dagavecha ngita kilwitu kya malega ga uwumi, daivecha dakumgavila uwumi va mbepali.”
15Suwe, yula mdala akamlongile Yesu, “Mtwa, ndigavile malenga ago neke ndibihile kuvecha na ng'elu kangi na ndibihile kwacha kangi baha kunega malenga.”
16Yesu akamlongie, “Helele ukamkemele mgosi vako, ache baha.”
17Yula mdala akamuhigile, “Ndihela mgosi.”
Yesu akamlongie, “Ulongile undakyene kuva uhela mgosi. 18Kwakuva ukatolilwe suwe na vagosi vahanu, uyu yewikala nave nondee semgosi vako! Unilongile undakyene.”
19Yula mdala akamlongie, “Mtwa, ndiwona kuva veve ndi mvichi.” 20Akaendeliye kulonga, “Vagogolo vetu vakamfunyile Nguluvi pakidunda iki kya Gelasimu, ila nyenye Vayawudi mwilonga kuva pono pakumfunyila Nguluvi ndi ukoya ku Yelusalemu.”
21Yesu akamlongie, “Maye, unidikile nene, chipindi chikwacha vanu dasemukumfunya Daada pakidunda iki vala ukoya ku Yelusalemu. 22Nyenye Vasamalia mukumfunya Nguluvi yesemukumchela, ila nefwe Vayawudi tukumfunya Nguluvi yetukumchela na kuchumbila Vayawudi, Nguluvi kavakombola vanu vonda va inyi. 23Ila chipindi chikwacha, kangi chifikile suwe, vala vanu vevisaka kufunya kwa undakyene, davamfunya Daada ngita Muhe vake peakuwonisa peagehe va undakyene. Kwakuva Daada akuvakela vanu vevifunya ngita peikela mwene. 24Nguluvi ndi Muhe. Vanu vevakumfunya vang'ang'wa kumfunya ngita Muhe vake peakuvawonesa, umfunya mwene peagehe va undakyene.”
25Suwe, yula mdala akamlongie Yesu, “Ndichela kuva Masiha yani Kilisito ikwacha, peikwacha datulongela kila kinu.”
26Baho, Yesu akamlongie, “Nene yendilonga na veve, ndi mwene.”
27Chipindi chila chila vachulila vake vakawuya, vakadudwive hilo pevamwene Yesu iywanga na mdala. Ila kwihela munu yeamuhuchile yula mdala kuva, “Wisaka liki?” Awu kumuhucha Yesu kuva, “Wuli, wiywanga na mdala uyu?”
28Suwe, yula mdala akakileka kiviya kyake kya malenga bahala, akawuya kumwani na kuvalongela vanu, 29“Mwache mukamlole munu yeandilongie makani gyonda gyendigitile. Uyu ndi Kilisito?” 30Suwe, vanu vakahumile mumwani wula, vakamuheleliye Yesu.
31Chipindi vanu wave kufika, vachulila vake vakali vakumsuka Yesu, “Muwulanichi, uliye tandi kyakula!”
32Ila Yesu akavahigile, “Nene ndigehe na kyakula semwikichele nyenye.”
33Baho, vachulila vake vakavanga kwiwucha, “Wuli, agehe munu yeamgavile kyakula?”
34Ila Yesu akavahigile, “Kyakula kyangu ndi kugita kyeakela yula yeanilagiliche na kumalila kasi yeanigavile ndigite. 35Nyenye mwilonga, ‘Gisigale myechi gitai tubene.’ Ila nene ndikuvalongela, mulole migunda peigehe suwe kwa kubenwa! 36Munu yeibena ihombwa sendi na kuvika mabenelo mulusanja kwakuva lya uwumi va mbepali. Pambele mvyalaji na munu yeibena vakeduka pamwi. 37Ndeni, luchowo ulu nde lya undakyene, ‘Munu yumwi ivyala na yungi ibena.’ 38Nene ndikavalagiliche nyenye mukabene mabenelo gala gyesemvyalile. Vanu vangi vakagitile kasi ng'agafu, ila nyenye mubenile kwakuva lya kasi chawo.”
39Vasamalia volofu va mwani wulu va Sikali vakamdikie Yesu kwakuva gya makani gala gyemlongile mdala yula, “Anilongie makani gyonda gyendigitile.” 40Vasamalia vakamuheleliye Yesu vakamsuka akale pamwi na vene. Suwe, Yesu akakalile mumwani ugo figono fivili.
41Vanu volofu vakamdikila Yesu kwakuva lya unanzi vake. 42Vakamlongie mdala yula, “Nefwe setudikila, kwakuva gya njowo chako hela, ila nefwe tupulike na twichela ndakyene kuva uyu ndi Mkombosi va inyi.”
Yesu akumnanicha mwana va kilongochi yumwi
43Pefichumbile figono fivili, Yesu akahegile bahala akahele muinyi lya Galilaya. 44Yesu akalongile kuva, “Mvichi seiginywa kumwani vake yumwene.” 45Yesu peafikile ku inyi lya Galilaya, vakamuwanuka unofu, kwakuva navo vakali vahele kulihungu lya Pasaka ukoya ku Yelusalemu, vakagawene gala geagtile.
46Baho, Yesu akawuyile kangi mwani va Kana ukoya ku Galilaya, ukoya peakagalambuche malenga kuva difwayi. Kukali na kilongochi yumwi akali na mwana vake mtamwa ukoya ku Kapelinaumu. 47Kilongochi yula peapulike kuva Yesu agehe ku Galilaya kuhuma Yudeya, akamuhelelie na kumsuka hilo, akamnaniche mwana vake mtamwa agehe pepi kufua. 48Yesu akamlongie, “Nyenye vanu, semudikila mbaka muwone kimanyilo na umanyitu!”
49Yula kilongochi akamlongie, “Mtwa, chondechonde tuhelele ukamnaniche mwana vangu, peave mwana vangu kutuleka.”
50Yesu akamlongie, “Helele, mwana vako agehe uwumi seafue.”
Kilongochi yula akadikile gala gealongile Yesu, akahele. 51Pehave mung'asi, akatang'anile na vanyigendwa vake, vakamlongie, “Mwana vako agehe uwumi!”
52Suwe, akavahucha chipindi liki mwana vake ananile. Vene vakamuhigile, “Ikali golo saa saba pamunyi.” 53Baho, daada va uyu mwana, akachelile kuva mwana vake ananile chipindi chila chila pealongilwe na Yesu kuva, “Mwana vako agehe uwumi.” Suwe, kilongochi yula pamwi na vanu vevagehe mukaye lyake vonda vakamdikile Yesu.
54Iyi ikali kimanyilo kya uvili kyeagitile Yesu mwani va ku Galilaya, peakali ihumila ku Yudeya.
Kasalukuyang Napili:
Yohani 4: NTBnBL2025
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
The New Testament in Benamanga @The Word for The World International and Benamanga Language translation, 2025. All rights reserved.
Yohani 4
4
Yesu na mdala Msamaliya
1Vafalisayo vakapulike kuva Yesu akali ibatisa na kuvapata vachulila volofu kuchumba Yohani mbatisa. 2Ila undakyene ndi kuva, Yesu seakabatisa, ila vachulila vake nde vakali vakubatisa. 3Suwe, Yesu peapulike ago, akahuma muinyi lya ku Yudeya na kuwuya muinyi lya ku Galilaya. 4Peakali ihelela ku Galilaya akachumbile muinyi lya Samalia.
5Suwe, peafikile Sikali mwani va Samaliya, pepi na mgunda va Yusufu, veagavilwe na daada vake yeikemelwa Yakobo. 6Bahala kukali na kisimo kya Yakobo. Yesu akakalile mulubali lwa kisimo, kwakuva akali afwahile na lugendo. Ikali saa sita pamunyi.
7Suwe, achile mdala yumwi va ku Samalia kunega malenga. Yesu akamlongie, “Ndigavile malenga ndinyuwe.” 8Chipindi icho vachulila va Yesu vakali vahele kumwani kugula kyakulia.
9Yula mdala akamuhigile, “Veve ndi Muyawudi na nene ndi Msamalia. Wuli, uwesa kunisuka malenga gya kunyuwa?” Kwakuva Vayawudi sevihungila na sevigita kyokyonda pamwi na Vasamalia.
10Yesu akamuhigile, “Ngita uchele kila kinu kyeasaka Nguluvi kukugavila na ani yeakusuka malenga gya kunyuwa, ngaumsuka mwene na mwene ngakugavila malenga gya uwumi.”
11Yula mdala akalonga, “Mtwa, veve uhela mnechi va kunegela malenga na kisimo kyene kitali muno. Wuli, ago malenga gyekuvagavila vanu uwumi wipata kwiya? 12Daada vetu Yakobo ndi yeatugavile kisimo iki. Mwene akali inyuwa malenga aga pamwi na vana vake na vang'oko vake. Wuli, ukwiwona mkomi hilo kuchumba Yakobo?”
13Suwe, Yesu akamuhigile, “Kila munu yeinyuwa malenga aga, daivecha na ng'elu kangi. 14Ila yeinyuwa malenga gendikumgavila nene, daseivecha na ng'elu mbepali. Kwakuva malenga dandikumgavila, dagavecha ngita kilwitu kya malega ga uwumi, daivecha dakumgavila uwumi va mbepali.”
15Suwe, yula mdala akamlongile Yesu, “Mtwa, ndigavile malenga ago neke ndibihile kuvecha na ng'elu kangi na ndibihile kwacha kangi baha kunega malenga.”
16Yesu akamlongie, “Helele ukamkemele mgosi vako, ache baha.”
17Yula mdala akamuhigile, “Ndihela mgosi.”
Yesu akamlongie, “Ulongile undakyene kuva uhela mgosi. 18Kwakuva ukatolilwe suwe na vagosi vahanu, uyu yewikala nave nondee semgosi vako! Unilongile undakyene.”
19Yula mdala akamlongie, “Mtwa, ndiwona kuva veve ndi mvichi.” 20Akaendeliye kulonga, “Vagogolo vetu vakamfunyile Nguluvi pakidunda iki kya Gelasimu, ila nyenye Vayawudi mwilonga kuva pono pakumfunyila Nguluvi ndi ukoya ku Yelusalemu.”
21Yesu akamlongie, “Maye, unidikile nene, chipindi chikwacha vanu dasemukumfunya Daada pakidunda iki vala ukoya ku Yelusalemu. 22Nyenye Vasamalia mukumfunya Nguluvi yesemukumchela, ila nefwe Vayawudi tukumfunya Nguluvi yetukumchela na kuchumbila Vayawudi, Nguluvi kavakombola vanu vonda va inyi. 23Ila chipindi chikwacha, kangi chifikile suwe, vala vanu vevisaka kufunya kwa undakyene, davamfunya Daada ngita Muhe vake peakuwonisa peagehe va undakyene. Kwakuva Daada akuvakela vanu vevifunya ngita peikela mwene. 24Nguluvi ndi Muhe. Vanu vevakumfunya vang'ang'wa kumfunya ngita Muhe vake peakuvawonesa, umfunya mwene peagehe va undakyene.”
25Suwe, yula mdala akamlongie Yesu, “Ndichela kuva Masiha yani Kilisito ikwacha, peikwacha datulongela kila kinu.”
26Baho, Yesu akamlongie, “Nene yendilonga na veve, ndi mwene.”
27Chipindi chila chila vachulila vake vakawuya, vakadudwive hilo pevamwene Yesu iywanga na mdala. Ila kwihela munu yeamuhuchile yula mdala kuva, “Wisaka liki?” Awu kumuhucha Yesu kuva, “Wuli, wiywanga na mdala uyu?”
28Suwe, yula mdala akakileka kiviya kyake kya malenga bahala, akawuya kumwani na kuvalongela vanu, 29“Mwache mukamlole munu yeandilongie makani gyonda gyendigitile. Uyu ndi Kilisito?” 30Suwe, vanu vakahumile mumwani wula, vakamuheleliye Yesu.
31Chipindi vanu wave kufika, vachulila vake vakali vakumsuka Yesu, “Muwulanichi, uliye tandi kyakula!”
32Ila Yesu akavahigile, “Nene ndigehe na kyakula semwikichele nyenye.”
33Baho, vachulila vake vakavanga kwiwucha, “Wuli, agehe munu yeamgavile kyakula?”
34Ila Yesu akavahigile, “Kyakula kyangu ndi kugita kyeakela yula yeanilagiliche na kumalila kasi yeanigavile ndigite. 35Nyenye mwilonga, ‘Gisigale myechi gitai tubene.’ Ila nene ndikuvalongela, mulole migunda peigehe suwe kwa kubenwa! 36Munu yeibena ihombwa sendi na kuvika mabenelo mulusanja kwakuva lya uwumi va mbepali. Pambele mvyalaji na munu yeibena vakeduka pamwi. 37Ndeni, luchowo ulu nde lya undakyene, ‘Munu yumwi ivyala na yungi ibena.’ 38Nene ndikavalagiliche nyenye mukabene mabenelo gala gyesemvyalile. Vanu vangi vakagitile kasi ng'agafu, ila nyenye mubenile kwakuva lya kasi chawo.”
39Vasamalia volofu va mwani wulu va Sikali vakamdikie Yesu kwakuva gya makani gala gyemlongile mdala yula, “Anilongie makani gyonda gyendigitile.” 40Vasamalia vakamuheleliye Yesu vakamsuka akale pamwi na vene. Suwe, Yesu akakalile mumwani ugo figono fivili.
41Vanu volofu vakamdikila Yesu kwakuva lya unanzi vake. 42Vakamlongie mdala yula, “Nefwe setudikila, kwakuva gya njowo chako hela, ila nefwe tupulike na twichela ndakyene kuva uyu ndi Mkombosi va inyi.”
Yesu akumnanicha mwana va kilongochi yumwi
43Pefichumbile figono fivili, Yesu akahegile bahala akahele muinyi lya Galilaya. 44Yesu akalongile kuva, “Mvichi seiginywa kumwani vake yumwene.” 45Yesu peafikile ku inyi lya Galilaya, vakamuwanuka unofu, kwakuva navo vakali vahele kulihungu lya Pasaka ukoya ku Yelusalemu, vakagawene gala geagtile.
46Baho, Yesu akawuyile kangi mwani va Kana ukoya ku Galilaya, ukoya peakagalambuche malenga kuva difwayi. Kukali na kilongochi yumwi akali na mwana vake mtamwa ukoya ku Kapelinaumu. 47Kilongochi yula peapulike kuva Yesu agehe ku Galilaya kuhuma Yudeya, akamuhelelie na kumsuka hilo, akamnaniche mwana vake mtamwa agehe pepi kufua. 48Yesu akamlongie, “Nyenye vanu, semudikila mbaka muwone kimanyilo na umanyitu!”
49Yula kilongochi akamlongie, “Mtwa, chondechonde tuhelele ukamnaniche mwana vangu, peave mwana vangu kutuleka.”
50Yesu akamlongie, “Helele, mwana vako agehe uwumi seafue.”
Kilongochi yula akadikile gala gealongile Yesu, akahele. 51Pehave mung'asi, akatang'anile na vanyigendwa vake, vakamlongie, “Mwana vako agehe uwumi!”
52Suwe, akavahucha chipindi liki mwana vake ananile. Vene vakamuhigile, “Ikali golo saa saba pamunyi.” 53Baho, daada va uyu mwana, akachelile kuva mwana vake ananile chipindi chila chila pealongilwe na Yesu kuva, “Mwana vako agehe uwumi.” Suwe, kilongochi yula pamwi na vanu vevagehe mukaye lyake vonda vakamdikile Yesu.
54Iyi ikali kimanyilo kya uvili kyeagitile Yesu mwani va ku Galilaya, peakali ihumila ku Yudeya.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
The New Testament in Benamanga @The Word for The World International and Benamanga Language translation, 2025. All rights reserved.