Yohani 2
2
Lihungu lya kutola muinyi lya Kana
1Kigono kya udatu kukali na lihungu lya kutola kumwani va Kana inyi lya ku Galilaya. Maye vake Yesu akali pala. 2Yesu pamwi na vachulila vake vakalalikwe mulihungu lila lya kutola. 3Difwayi peisilile, maye vake Yesu akamlongie Yesu, “Vanu vahela difwayi!”
4Yesu akamuhigile, “Maye ubihile kunilongela kinu kya kugita, saa lyangu yave kufika.”
5Maye vake Yesu akavalongiye vala vanyigendwa, “Kyokyonda kyekuvalongela, mgite.”
6Baho, pakali na fiviya sita fitengeneswe kwa maganga. Fiviya fyefivikwile na Vayawudi ngita pevachoviye, kwakuva lya kuvikila malenga gya kwing'alila. Kila kiviya kimwi kimemechwa ndowo chivili awu chidatu gya malenga. 7Yesu akavalongiye vala vanyegendwa, “Mmemeche fiviya malenga.” Navo vakamemecha topu. 8Baho, Yesu akavalongie, “Nondee mnege malenga, msindikile mkomi va lihungu.” Vakagitile ngita pevalongilwe, 9mkomi va lihungu peagechile ago malenga, gyegagalambuke kuva difwayi. Mwene seakachele yila difwayi ihumile kwiya, ila vala vanyingendwa yevanegile malenga vakachelile. Suwe, mkomi va lihungu akamkemela yeitola, 10akamlongiye, “Kila munu ihecha tandi difwayi nofu, pevigwita vagenji kunyuwa uvika yila yesenofu. Ila veve uhivikile difwayi nofu mbaka nondee!”
11Yesu akagitile kimanyilo iki kya kwanja ukoya mwani va Kana, inyi lya ku Galilaya, akawonisa ukomi vake na vachulila vake vakamdikile.
12Peagitile ago, Yesu pamwi na maye vake na lukolo vake na vachulila vake, vakahelela ku Kapelinaumu. Ukoya akakalile figono fidodo.
Yesu ihelela kukaye kwa Nguluvi
Matayo 21.12-13; Maliko 11.15-17; Luka 19.45-46
13Peikali pepi kufika lihungu lya Pasaka lya Vayawudi, Yesu akahelela ku Yelusalemu. 14Peafikile palidamo lya Kaye lya Nguluvi, akavawene vanu vigucha senga na ng'ondolo na ng'unda na vanu vevakali vabadilisa sendi vakalile pamesa. 15Suwe, akabota ndegei, agitile ndomondo na akavadaga vonda kwivala lya lidamo lya Kaye lya Nguluvi pamwi na senga na vang'ondolo. Akachigalambula mesa cha vala vabadilisa sendi na kuchisukula sendi chawo, 16na akavalongie vala vekali vigucha ng'unda, “Mufiheche finu baha, mubihile kuigita Kaye lya Daada vangu kuva pono lya kuguchila finu!” 17Vachulila vake vakawike kuva masimbo ga Nguluvi, “Lukelo vangu kwa Kaye lyako, ukwaka mugati lyangu ngita fila lyoto.”
18Suwe, vakomi va Vayawudi vamonga vakamuhucha Yesu, “Wuli, ugita kimanyilo liki kyekiwesa kutuwonesa kuva ugehe na umwimike va kugita makani aga?”
19Yesu akavahigile, “Mutunyule Kaye iyi lya Nguluvi na nene ndichenga kwa figono fidatu.”
20Baho, vala Vayawudi vakamuhigile Yesu, “Kaye iyi lya Nguluvi ichengilwe kwa miyaka alobaini na sita. Wuli, veve ukulichenga kwa figono fidatu?”
21Ila Yesu seakali iywangila Kaye lya Nguluvi, ila akali iywangila njowo cha muvili vake mwene, yeukali ugehe pepi kuhanangwa. 22Yesu peachulubuke, vachulila vake vakawuwike kuva akali alongile ago, vakayadikila masimbo ga Nguluvi na chila njowo chealongile Yesu.
Yesu ichela mahocho gyawo
23Yesu peakali ku Yelusalemu mu lihungu lya Pasaka, vanu volofu vakamwidikie pevawone kimanyilo kyeagitile. 24Ila Yesu seavadikile, kwakuva akuchela makani gegagehe munumbula chawo. 25Kangi, seakeliye kulongelwa makani gya munu yungi, kwakuva achelile kwa unofu makani gegagehe munumbula cha vanu vonda.
Kasalukuyang Napili:
Yohani 2: NTBnBL2025
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
The New Testament in Benamanga @The Word for The World International and Benamanga Language translation, 2025. All rights reserved.
Yohani 2
2
Lihungu lya kutola muinyi lya Kana
1Kigono kya udatu kukali na lihungu lya kutola kumwani va Kana inyi lya ku Galilaya. Maye vake Yesu akali pala. 2Yesu pamwi na vachulila vake vakalalikwe mulihungu lila lya kutola. 3Difwayi peisilile, maye vake Yesu akamlongie Yesu, “Vanu vahela difwayi!”
4Yesu akamuhigile, “Maye ubihile kunilongela kinu kya kugita, saa lyangu yave kufika.”
5Maye vake Yesu akavalongiye vala vanyigendwa, “Kyokyonda kyekuvalongela, mgite.”
6Baho, pakali na fiviya sita fitengeneswe kwa maganga. Fiviya fyefivikwile na Vayawudi ngita pevachoviye, kwakuva lya kuvikila malenga gya kwing'alila. Kila kiviya kimwi kimemechwa ndowo chivili awu chidatu gya malenga. 7Yesu akavalongiye vala vanyegendwa, “Mmemeche fiviya malenga.” Navo vakamemecha topu. 8Baho, Yesu akavalongie, “Nondee mnege malenga, msindikile mkomi va lihungu.” Vakagitile ngita pevalongilwe, 9mkomi va lihungu peagechile ago malenga, gyegagalambuke kuva difwayi. Mwene seakachele yila difwayi ihumile kwiya, ila vala vanyingendwa yevanegile malenga vakachelile. Suwe, mkomi va lihungu akamkemela yeitola, 10akamlongiye, “Kila munu ihecha tandi difwayi nofu, pevigwita vagenji kunyuwa uvika yila yesenofu. Ila veve uhivikile difwayi nofu mbaka nondee!”
11Yesu akagitile kimanyilo iki kya kwanja ukoya mwani va Kana, inyi lya ku Galilaya, akawonisa ukomi vake na vachulila vake vakamdikile.
12Peagitile ago, Yesu pamwi na maye vake na lukolo vake na vachulila vake, vakahelela ku Kapelinaumu. Ukoya akakalile figono fidodo.
Yesu ihelela kukaye kwa Nguluvi
Matayo 21.12-13; Maliko 11.15-17; Luka 19.45-46
13Peikali pepi kufika lihungu lya Pasaka lya Vayawudi, Yesu akahelela ku Yelusalemu. 14Peafikile palidamo lya Kaye lya Nguluvi, akavawene vanu vigucha senga na ng'ondolo na ng'unda na vanu vevakali vabadilisa sendi vakalile pamesa. 15Suwe, akabota ndegei, agitile ndomondo na akavadaga vonda kwivala lya lidamo lya Kaye lya Nguluvi pamwi na senga na vang'ondolo. Akachigalambula mesa cha vala vabadilisa sendi na kuchisukula sendi chawo, 16na akavalongie vala vekali vigucha ng'unda, “Mufiheche finu baha, mubihile kuigita Kaye lya Daada vangu kuva pono lya kuguchila finu!” 17Vachulila vake vakawike kuva masimbo ga Nguluvi, “Lukelo vangu kwa Kaye lyako, ukwaka mugati lyangu ngita fila lyoto.”
18Suwe, vakomi va Vayawudi vamonga vakamuhucha Yesu, “Wuli, ugita kimanyilo liki kyekiwesa kutuwonesa kuva ugehe na umwimike va kugita makani aga?”
19Yesu akavahigile, “Mutunyule Kaye iyi lya Nguluvi na nene ndichenga kwa figono fidatu.”
20Baho, vala Vayawudi vakamuhigile Yesu, “Kaye iyi lya Nguluvi ichengilwe kwa miyaka alobaini na sita. Wuli, veve ukulichenga kwa figono fidatu?”
21Ila Yesu seakali iywangila Kaye lya Nguluvi, ila akali iywangila njowo cha muvili vake mwene, yeukali ugehe pepi kuhanangwa. 22Yesu peachulubuke, vachulila vake vakawuwike kuva akali alongile ago, vakayadikila masimbo ga Nguluvi na chila njowo chealongile Yesu.
Yesu ichela mahocho gyawo
23Yesu peakali ku Yelusalemu mu lihungu lya Pasaka, vanu volofu vakamwidikie pevawone kimanyilo kyeagitile. 24Ila Yesu seavadikile, kwakuva akuchela makani gegagehe munumbula chawo. 25Kangi, seakeliye kulongelwa makani gya munu yungi, kwakuva achelile kwa unofu makani gegagehe munumbula cha vanu vonda.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
The New Testament in Benamanga @The Word for The World International and Benamanga Language translation, 2025. All rights reserved.