YAOGYAW 137
137
Lox Ngia Isarelax Yam Yuh Siliex Pui
1Ex ngawm dex praok rawm klawng Babulon khankix mai doh keud ka veng Zion mai yiiem heue. 2Ting ex khankix, ex teei ti fak ka khaox siglai khankix ka dee an heue. 3Grawh grawng nawh, ka dee an kix pa viex ex hu khankix, nhie ex rhax lai mai tuktiak ka ex, “Ah ex mhong lox pa gaux rhawm mai lox rhax pa rhax pex ka gawng Zion tix phuk ka ex liak.” 4Ex tak pon ah lox rhax Siyiex, ka meung tang dah yuh ka mawx? 5Veng Yerusaliem eue, phan aux pi awm ka maix, kieh taix khawn dawm aux, pi awm ka pa chix tix liak. 6Phan aux ang doh keud ka maix, phan aux ang teei ka veng Yerusaliem mai deuh ka dee mhawm, lheu khaing pa gaux rhawm pa ting aux kieh dak aux, kawb ka ghok aux liak. 7Siyiex eue, doh keud ka singaix hoek yuh kix veng Yerusaliem laux, ceu pui Edom khankix ah nin, “Yuh nawh laux, yuh nawh laux, yuh laux tom hoek ka jaong num nawh heue.” 8Kawn bun Babulon eue maix tak sang hoek krax laux leeing heue. Pui pa deeh viied phimap ka maix awm pa hoik yuh maix ka ex, koe bwanson heue.#Jhi 18:6 9Pui pa teei kawn praix maix mai blok ka piang simaox, koe bwanson heue.
Kasalukuyang Napili:
YAOGYAW 137: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012