YAOGYAW 136
136
Lox Rhax Yaogyaw Bwanson
1Yaogyaw ka bwanson Siyiex, mawh kheu jiet mhawm Nawh mai krax caux rhawm Nawh koe jheung jheung leeing ju heue.#1Been 16:34; 2Been 5:13, 7:3; Eza 3:11; Yaog 100:5, 106:1, 107:1, 118:1; Ye 33:11 2Yaogyaw ka bwanson Siyiex, mawh kheu mawh Nawh pa ting ka piang siyiex khawmuik mai krax caux rhawm Nawh koe jheung jheung leeing ju heue. 3Yaogyaw ka bwanson Simiang, mawh kheu mawh Nawh pa ting ka piang Simiang khawmuik mai krax caux rhawm Nawh koe jheung jheung leeing ju heue. 4Yaogyaw ka Cao pa yuh ceu pa daox am tix kaux khaing, kheu koe krax caux rhawm Nawh jheung jheung leeing ju heue. 5Nawh teei cuyi pingnya mai yuh raoma, #Jah 1:1 mawh kheu krax caux rhawm Nawh koe jheung jheung leeing ju heue. 6Nawh tawm haktiex ka piang rawm khankix, #Jah 1:2 mawh kheu krax caux rhawm Nawh koe jheung jheung leeing ju heue. 7Nawh yuh pa riang pa ting, mawh kheu krax caux rhawm Nawh koe jheung jheung leeing ju heue. 8Nawh yuh singaix kieh mawh son pon singaix, mawh kheu krax caux rhawm Nawh koe jheung jheung leeing ju heue. 9Nawh yuh khix mai simuing khankix, kieh mawh son ponsawm#Jah 1:16 heue. Mawh kheu krax caux rhawm Nawh koe jheung jheung leeing ju heue. 10Nawh plaux kawn Ai meung Ejiptux yum, #Lih 12:29 mawh kheu krax caux rhawm Nawh koe jheung jheung leeing ju heue. 11Nawh taoh ceu pui Isarelax lih khaing kix, #Lih 12:51 mawh kheu krax caux rhawm Nawh koe jheung jheung leeing ju heue. 12Nawh teei taix pa ting sibrawm mai nyeu plawng taix tix yuh nan, mawh kheu krax caux rhawm Nawh koe jheung jheung leeing ju heue. 13Yam tiang kix rawm sigrit sigra Edom dud hu khawm ra plak, mawh kheu krax caux rhawm Nawh koe jheung jheung leeing ju heue. 14Kieh ceu pui Isarelax khankix preeng hu ka daux rawm sigrit sigra, mawh kheu krax caux rhawm Nawh koe jheung jheung leeing ju heue. 15Teei Pharaw mai cao giex kaing naing nawh khankix, goh ka daux rawm sigrit sigra Edom, #Lih 14:21-29 mawh kheu krax caux rhawm Nawh koe jheung jheung leeing ju heue. 16Nawh teei pui Nawh khankix hu tawx ka daux tiagtu, mawh kheu krax caux rhawm Nawh koe jheung jheung leeing ju heue. 17Nawh yuh ka simiang ting khankix laux leeing, mawh kheu krax caux rhawm Nawh koe jheung jheung leeing ju heue. 18Nawh teei simiang pa ting min plakngai khankix yum, mawh kheu krax caux rhawm Nawh koe jheung jheung leeing ju heue. 19Nawh teei Sihon simiang meung Amawrix#Si 21:21-30 yum, mawh kheu krax caux rhawm Nawh koe jheung jheung leeing ju heue. 20Nawh teei Awgax simiang meung Bashan#Si 21:31-35 yum, mawh kheu krax caux rhawm Nawh koe jheung jheung leeing ju heue. 21Nawh teei haktiex dee ot kix tawx sin ka kix, mawh kheu krax caux rhawm Nawh koe jheung jheung leeing ju heue. 22Nawh teei ti tawx sin ka siliex Nawh ceu pui Isarelax khankix, mawh kheu krax caux rhawm Nawh koe jheung jheung leeing ju heue. 23Nawh doh keud ka ex, yam yaox ex ti ot dee tiiem, mawh kheu krax caux rhawm Nawh koe jheung jheung leeing ju heue. 24Nawh hoik taoh ex lih khaing daux tawm taix pui pa koeng ka ex, mawh kheu krax caux rhawm Nawh koe jheung jheung leeing ju heue. 25Nawh tawx ceu pa ih ka can pa koe khawmuik, mawh kheu krax caux rhawm Nawh koe jheung jheung leeing ju heue. 26Yaogyaw ka bwanson Siyiex, Cao raoma, mawh kheu krax caux rhawm Nawh koe jheung jheung leeing ju heue.
Kasalukuyang Napili:
YAOGYAW 136: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012