Zowɛl 4
4
A Sore dɩrɛ nɩ nɩ a nɩ-bʋʋr-yoru ƴɛ̀rʋ
1A Sore yere na: «A lɛn daar a,
ɩ̃ na lɛb'a maalɩ a Zuda nɩ a Zerizalɛm ƴãw,
a ŋmɛ̃ mɛ̃ a dãwdãw a.
2Ɩ̃ na bʋɔl'ɩ a nɩ-bʋʋr-yoru ɓã taa,
ɛ́ ƴãw bɛ siw a bà-fʋɔla ʋl pʋɔ bɛ na bʋɔlɛ kɛ́:
“A Sore dɩrɛ nɩ ƴɛ̀rʋ” a.
A be a, ɩ̃ na dɩ n bɛ nɩ ƴɛ̀rʋ,
a alɩ bome nɛ za bɛ na ɩ a Ɩsɩrayɛl,
a nɩ-bʋʋrɛ bɛ ŋa ɩ̃ na so a ƴãw.
Bɛ diw bɛ na yaarɩ a nɩ-bʋʋr-yoru sɔgɔ,
ɛ́ de a ɩ̃ tẽw põ taa.
3Bɛ lɔb'ɩ bie põ taa a ɩ̃ nɩbɛ,
bɛ de nɩ dɛbli tɛw nɩ pɔw-yɛmɛ,
ɛ́ kʋɔrɩ powli nyũ n divɛ̃.
4Baa zuo a za, a nyɩɩm, Tɩ́ɩ̀r nɩ Sɩdɔ̃#4:4 Tɩ́ɩ̀r nɩ Sɩdɔ̃: Nyɛ̃ Ɩza 23.1 nɩ a manʋ. ten i,
nɩ nyɩɩm Filisɩtɛ̃ tẽw lowe za a,
bʋ̃ʋ n'ʋ nyɩ bɔbr a ɩ̃ zie?
San n'ʋ nyɩ bɔbr kɛ́ nyɩ yáa a ɩ̃ zie bɩɩ?
San wa n'ʋ nyɩ yáarɛ a ɩ̃ zie a,
fɔ̃w fɔ̃wlɛ, ɩ̃ na lɛb'a yáa a san a nyɩ zu.
5Nyɩ de nɩ a ɩ̃ salm-pla nɩ a ɩ̃ salm-zɩɛ,
a ɩ̃ na-bʋ̃-vɩɛlɩ vɩɛlɩ,
tɩ ƴãw a nyɩ ŋmɩmɛ yie pʋɔ.
6Nyɩ kʋɔr'ɩ a Zuda nɩ a Zerizalɛm nɩbɛ
kʋ̀ Gɩrɛkɩ mɩnɛ, kɛ́ bɛ tʋ̃ɔ́ zãá nɩ a bɛ tẽw.
7Ɛcɛ mãa n'ʋ na tɩ tɛr bɛ,
a be nyɩ na kʋɔrɩ bɛ a lɛb wa n,
ɛ́ yáa a faa nyɩ na maalɩ bɛ a san, a nyɩ zu.
8Ɩ̃ na kʋɔr'ɩ a nyɩ bidɛbr nɩ a nyɩ pɔwyaar
kʋ̀ a Zuda tẽw dem,
bɛ de bɛ lɛb kʋɔrɩ kʋ̀ Saba#4:8 Saba tẽw dem: Bɛ tɩ kpɩɛr'ɩ a Arabi saa-pɛrɩ́-dʋrʋ-lowr. Nyɛ̃ Ɩza 60.6. tẽw dem,
nɩ-bʋʋrɛ na zãá nɩ a ka a.
A mãa Sore, à ŋá n'a ɩ̃ yere.»
A zɛbr-pɛ-baara nɩ a ƴɛ̀rʋ-dɩb
9Nyɩ hieri à ŋá a nɩ-bʋʋr-yoru sɔgɔ:
«Nyɩ cɔbrɩ a zɛbr,
nyɩ ɩ a gãdaar cɩ ƴãw a zɛbr ƴãw,
a sojarɩ za, bɛ taw pɩɛlɩ, bɛ do wa.
10Nyɩ de a nyɩ ni-kʋ́ɔrɩ kue
zuw maal'ɩ zɛbr-sɔ-bɛrɛ,
ɛ́ de a nyɩ sɔ̀rʋ maal'ɩ kafine.
A bãbàal, ʋ yel: “Gãdaa nɛ m!”
11Nyɩɩm nɩ-bʋʋrɛ za na viiri koli a,
nyɩ paw wa fɔ̃w, nyɩ wa ɓã taa!»
Ɛ́ fʋ̃ʋ Sore e, ƴãw a fʋ gãdaar siw a bɛ ƴãw.
12A nɩ-bʋʋr-yoru, bɛ yi lo a sɔ́r, a Sore n'ʋ yere,
bɛ wa a bà-fʋɔla ʋl pʋɔ bɛ na bʋɔlɛ kɛ́:
“A Sore dɩrɛ nɩ a ƴɛ̀rʋ” a,
be n'a ɩ̃ na zɩ̃ dɩ n a nɩ-bʋʋrɛ za
na viiri koli a, a ƴɛ̀rʋ.
13Nyɩ de a sɔ̀rʋ, a bʋ̃-dieri-deb ta na.
Nyɩ wa nɛb bɛ ŋmɛr mɛ̃ divɛ̃ tɩɛ wɔmɛ
na paalɩ a nɛbrʋ zie a.
A sɩn paal'a cire, a bɛ faalʋ zuo na.
14Nɩbɛ na ta nɩbɛ a waar'ɩ a ƴɛ̀rʋ-dɩb bà-fʋɔla#4:14 Ƴɛ̀rʋ-dɩb bà-fʋɔla: A ƴɛ̀rʋ-dɩb bà-fʋɔla nɩ a bà-fʋɔla ʋl bɛ na bʋɔlɛ k'aa Sore dɩrɛ nɩ a ƴɛ̀rʋ a, ɩ n been. Nyɛ̃ 4.2.12. pʋɔ!
A Sore bibir pɩɛl'a a ƴɛ̀rʋ-dɩb bà-fʋɔla pʋɔ.
15A mʋ̃tɔ̃w nɩ a cuw bɛ cãà caalɛ ɩ,
a ŋmar-bie bɛ cãà nyɩwrɛ ɩ.
16A Sore be n a Sɩyɔ̃ tãw zu tanɛ,
a kɔkɔr ŋmɛrɛ na yire a Zerizalɛm,
lɛ n'a a salom nɩ a tẽsɔw damnɛ.
Ɛcɛ a Sore gùre nɩ a ʋ nɩ-bʋʋrɛ,
ʋ ɩ n a Ɩsɩrayɛl nɩbɛ taw-lanʋ zie.
17Lɛ n'a a Sore yel bɛ:
«Nyɩ na bãw na kɛ́ mãa n'ɩ a Sore nyɩ Naaŋmɩn
na kpɩɛr a Sɩyɔ̃ na ɩ a ɩ̃ tã-sõw a.
A Zerizalɛm na lɩɛb'ɩ zi-sõw,
nɩ-sãanbɛ kʋ̃ lɛb kpɛ ʋ pʋɔ towtow ɛ.»
A yele za lɛb'a ɩ vla a Naaŋmɩn nɩ-bʋʋrɛ zie
18A ʋlɩ bibir nɛ a, a tan na yule nɩ divɛ̃-paala,
bʋ̀rʋ na gbɔlɛ nɩ a tãli zu,
kʋ̃ɔ na zɔrɛ nɩ a Zuda tẽw bàrʋ za pʋɔ,
kʋ̃ɔ na bule na yire a Sore Ŋmɩn-yir-kpɛ̃ɛ pʋɔ,
ɛ́ de a Akasɩa tɩɩr bà-fʋɔla#4:18 Akasɩa bà-fʋɔla: Ʋ pɩɛl'ɩ a kʋ̃ɔ-kpɛ̃ɛ-kũu. zɔrɛ.
19A Eziptɩ tẽw na sãw nɩ ʋ za, nɩr bɛ cãà kpɩɛr ɛ.
A Edɔm tẽw na lɩɛb'ɩ wɛja-kpalɛ,
bɛ na ɩ po-to-fãw-ɩb a Zuda tẽw
kʋ nɩbɛ na bɛ tɛr sãwna a bɛ tẽw pʋɔ a ƴãw.
20Ɛcɛ nɩbɛ na kpɩɛr'ɩ a Zuda nɩ
a Zerizalɛm ten pʋɔ kʋralɛ.
21Ɩ̃ yel'a kɛ́ bɛ bɛ tɛr sãwna ɩ, ʋ̃ʋ ɩ̃ yel'ɩ lɛ.
A mãa Sore, ɩ̃ kpɩɛr'ɩ a Sɩyɔ̃ tẽw pʋɔ.
Kasalukuyang Napili:
Zowɛl 4: DBDC
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La Bible en Dagara © Alliance Biblique du Burkina Faso, 2013.