Amɔsɩ 1
1
1A Amɔsɩ na tɩ ɩ Tekowa#1:1 Tekowa: Ʋ be n a Zuda naalʋ-tẽw pʋɔ, a Zerizalɛm saa-pɛrɩ́-dʋrʋ-lowr, ɛ́ zãá nɩ ʋ mɛ̃ kilo pie nɩ anũu a. Ɩsɩrayɛl: A Ɩsɩrayɛl saa-pɛrɩ́-gʋba-lowr naalʋ-tẽw n'ʋ. Ʋlɛ nɩ a Zuda naalʋ-tẽw tɩ bʋ́r'ɩ taa a Salomɔ̃ kũu daar za. Ozɩasɩ: Bɛ mɩnɛ bʋɔlɛ ʋ nɩ Azarɩa. Ʋ dɩ n a naalʋ a Zuda tẽw a Yeezu Kɩrɩta na bɛ tɩ wa sɛr a yome kɔbr ayopõi dɔwlɩ lɩz'a anaar (780) tɩ tɔ yome kɔbr ayopõi dɔwlɩ lɩz'a ayi nɩ ayʋɔb (746) daar. Nyɛ̃ 2Na 15.1-7, 2Bi-yel 26.1-23. Zerobowam: Ʋ tɩ ɩ n a Zowasɩ bidɛb ɛ́ tɩ ɩ a Ɩsɩrayɛl tẽw nãà a daar nɛ a Ozɩasɩ na tɩ ɩ a Zuda tẽw nãà a. Nyɛ̃ 2Na 14.23-29. tẽw guo-guole kãw a ƴɛ̀r-bie n'a be a sɛbɛ ŋa pʋɔ. A na tɩ cɛ yome ayi a tẽsɔw-kɔbr na na dam a, a Sore tɩ ɩ na a Amɔsɩ nyɛ̃ bom a Ɩsɩrayɛl tẽw ƴãw. A tɩ ɩ n a Zuda tẽw nãà Ozɩasɩ daar, nɩ a Ɩsɩrayɛl tẽw nãà Zerobowam na ɩ Zowasɩ bidɛb a daar. 2A Amɔsɩ tɩ yere na:
«A Sore be n Sɩyɔ̃ tẽw ùore a yire,
ʋ be n a Zerizalɛm tanɛ.
A dʋ̃-cɩ̃ɩnbɛ dʋn mʋ̃ɔ 'wɔbrʋ ziir lɩɛb'ɩ wahala ziir,
ɛ́ a Karmɛl#1:2 Karmɛl: A tãw ŋa be n a tẽw saa-pɛrɩ́-gʋba-lowr nɩ a mʋ̃tɔ̃w-kpɛb-lowr cará. Nyɛ̃ Ɩza 33.9, 35.2, Zer 50.19, Yiel-v 7.6. tãw nyʋɔr ko ʋ za.»
A Sore yere nɩ a Ɩsɩrayɛl nɩ a ʋ tẽ-kpɔwlɩ
A ƴɛ̀rʋ na ƴɛ̀r càar'ɩ a Damasɩ tẽw dem a
3À ŋá n'a a Sore yere: «A Damasɩ#1:3 Damasɩ: A Siiri tẽ-kpɛ̃ɛ n'ʋ. Nyɛ̃ Ɩza 17.1. Galaadɩ: A Ɩsɩrayɛl naalʋ-tẽw zie kãw na be a Zurdɛ̃ saa-pɛrɩ́ a n'ʋ. tẽw dem
na gaarɩ a ɩ̃ zu gb'a ayi gb'a ata a,
alɛ so ɩ̃ kʋ̃ lɩɛbɩ a dɔwrʋ
ɩ̃ na yel k'ɩ̃ɩ na ƴãw bɛ na a bɛr ɛ.
Bɛ de nɩ kur-jajaa vu tɔlɩ a Galaadɩ tẽw dem zu.
4À á ŋá zũú, ɩ̃ na ƴãw na vũu dɩ a nãà Hazayɛl#1:4 Hazayɛl: Nyɛ̃ 2Na 8.7-15.28. Bɛn-Hadadɩ: Nyɛ̃ 2Na 13.3-4. yir,
vũu na dɩ n a nãà Bɛn-Hadadɩ yir.
5A dàar na jɩ̀r a Damasɩ tẽ-kpɛ̃ɛ dɩ̃dɛɛ a, ɩ̃ na kar a na bɛr,
a nãà ʋl na be a faalʋ bà-fʋɔla pʋɔ a, ɩ̃ na ír ʋ na,
ɩ̃ na diw nɩ a nãà ʋl na dɩrɛ naalʋ a nʋ̃ɔ̀ tẽw a.
Lɛ n'a bɛ na diw a Aram tẽw dem
cen nɩ Kɩ́ɩ̀r#1:5 Kɩ́ɩ̀r: A tẽw ŋa pʋɔ n'a a Siiri tẽw dem tɩ yi. Nyɛ̃ Am 9.7. tẽw.» A Sore n'ʋ yel.
A ƴɛ̀rʋ na càarɩ a Gaza tẽw dem nɩ a Filisɩtɛ̃ mɩnɛ a
6À ŋá n'a a Sore yere: «A Gaza tẽw dem
na gaarɩ a ɩ̃ zu gb'a ayi gb'a ata a,
alɛ so ɩ̃ kʋ̃ lɩɛbɩ a dɔwrʋ ɩ̃ na yel
k'ɩ̃ɩ na ƴãw bɛ na a bɛr ɛ:
bɛ na nyɔw nɩ-yaga yaga cen nɩ
kɛ́ bɛ tɩ kʋɔrɩ Edɔm tẽw dem zie a zũú,
7ɩ̃ na ƴãw nɩ vũu a Gaza tẽw dacine,
ʋʋ na dɩ n a ʋ yir-vɩɛlɩ vɩɛlɩ.
8Ɩ̃ na diw nɩ a Asɩdɔdɩ tẽw nãà,
ɩ̃ na diw nɩ a sob nɛ na tɛr a nãà dabɔl
a Asɩkalon tẽw a.
Ɩ̃ na ìr'ɩ a Ekiron#1:8 Gaza (kan-nɛ́ɛ 6 nɩ 7), Asɩdɔdɩ, Asɩkalon, Ekiron: A Filisɩtɛ̃ mɩnɛ tẽ-bɛrɛ a mɩnɛ n'a. tẽw dem ƴãw,
ɛ́ a Filisɩtɛ̃ mɩnɛ ŋmãa na cɛ a na kpi na.»
A Sore Naaŋmɩn n'ʋ yel.
A ƴɛ̀rʋ na càarɩ a Tɩ́ɩ̀r tẽw dem nɩ a Fenisi tẽw dem a
9À ŋá n'a a Sore yere: «A Tɩ́ɩ̀r tẽw dem
na gaarɩ a ɩ̃ zu gb'a ayi gb'a ata a,
alɛ so ɩ̃ kʋ̃ lɩɛbɩ a dɔwrʋ ɩ̃ na yel
k'ɩ̃ɩ na ƴãw bɛ na a bɛr ɛ:
bɛ na nyɔw nɩ-yaga yaga
cen nɩ tɩ kʋ̀ a Edɔm tẽw dem,
ɛ́ yiiri a yɛbr wõ-taa na be
bɛlɛ nɩ a Ɩsɩrayɛl nɩbɛ cará a zũú,
10ɩ̃ na ƴãw nɩ vũu a Tɩ́ɩ̀r tẽw dacine,
ʋʋ na dɩ n a ʋ yir-vɩɛlɩ vɩɛlɩ.»
A ƴɛ̀rʋ na càarɩ a Edɔm tẽw dem a
11À ŋá n'a a Sore yere: «A Edɔm tẽw#1:11 Edɔm tẽw: Ʋ tɩ be n a kʋ̃ɔ-kpɛ̃ɛ-kũu saa-pɛrɩ́-dʋrʋ-lowr. A Edɔm tẽw dem tɩ ɩ n a Zakɔb yɩb-tɔ Ezawu bʋʋrɛ. Nyɛ̃ Yzt 36. dem
na gaarɩ a ɩ̃ zu gb'a ayi gb'a ata a,
alɛ so ɩ̃ kʋ̃ lɩɛbɩ a dɔwrʋ ɩ̃ na yel
k'ɩ̃ɩ na ƴãw bɛ na a bɛr ɛ:
bɛ na vʋ̃ɔ zɛbr-sɔ-kpɛ̃ɛ
diwr'ɩ a Ɩsɩrayɛl nɩbɛ na ɩ a bɛ yɛbr,
ɛ́ bɛ sàw nɩbaalʋ kãw kpɛ bɛ a bɛ ƴãw a.
A bɛ suur nɩ a bɛ pʋ-bier na bɛ tɛr baarʋ daar a zũú,
12ɩ̃ na nyɩw nɩ a Teman tẽw bɛr,
ɛ́ ƴãw vũu dɩ a Bɔsɩra tẽw yir-vɩɛlɩ vɩɛlɩ.»
A ƴɛ̀rʋ na càarɩ a Amɔ̃ tẽw dem a
13À ŋá n'a a Sore yere: «A Amɔ̃#1:13 Amɔ̃ tẽw dem: Nɩ-bʋʋrɛ na kpɩɛr naalʋ-tẽ-cãpile kãw na be a Zurdɛ̃ saa-pɛrɩ́ a nɛbɛ. A bɛ tẽ-kpɛ̃ɛ tɩ n'ɩ Araba. tẽw dem
na gaarɩ a ɩ̃ zu gb'a ayi gb'a ata a,
alɛ so ɩ̃ kʋ̃ lɩɛbɩ a dɔwrʋ ɩ̃ na yel
k'ɩ̃ɩ na ƴãw bɛ na a bɛr ɛ:
bɛ na wɛr a Galaadɩ pɔw-pée
kɛ́ bɛ tʋ̃ɔ́ ɩ a bɛ tẽw yɛ̀lɩ a zũú,
14ɩ̃ na ƴãw nɩ vũu a Araba tẽw,
ʋʋ na dɩ n a ʋ yir-vɩɛlɩ vɩɛlɩ za,
zɛbr bibir zɛbr cɛlsɩ pʋɔ nɩ saa-sɛsɛb pʋɔ.
15Bɛ na nyɔw nɩ a bɛ nãà cen nɩ ta-tẽw,
ʋlɛ nɩ a ʋ sojarɩ nɩ-bɛrɛ.» A Sore n'ʋ yel.
Kasalukuyang Napili:
Amɔsɩ 1: DBDC
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La Bible en Dagara © Alliance Biblique du Burkina Faso, 2013.