Amɔsɩ 8
8
A bʋ̃-nyɛrɩ anaar sob: tɩ-wɔmɛ nɩ pèlé
1Bom ŋa n'ʋ a Sore ɩ̃ Naaŋmɩn tɩ ɩ ɩ̃ lɛb nyɛ̃: tɩ-wɔmɛ nɩ pèlé n'a. A tɩ-wɔmɛ baarʋ daar tɩ n'a. 2Ʋ tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Tɩ-wɔmɛ nɩ pèlé n'a ɩ̃ nyɛ̃, a tɩ-wɔmɛ daar na ta baarʋ a.» Lɛ n'a a Sore tɩ yel mɛ̃:
«A ɩ̃ nɩ-bʋʋrɛ Ɩsɩrayɛl baarʋ ta na,
ɩ̃ kʋ̃ lɛb bɛr a bɛ sãwna kãw za ɩ.
3A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ.
A Sore ɩ̃ Naaŋmɩn n'ʋ yel.
A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»
A yɛ-yɛrbɛ nɩ-nɛb kilo
4Nyɩɩm na dɔwrɛ a nan dem,
ɛ́ kʋrɛ a tẽw pʋɔ bãbàalbɛ pàwr pɛr a,
nyɩ bɛrɛ wone a ƴɛ̀r-bie á ŋá:
5Nyɩ mɩ́ yel'a:
«Debor'a a cuw paala cuw na tɔl mɔ̃,
tɩ tʋ̃ɔ́ kʋɔrɩ a tɩ bʋ̃-bie?
Ɛ́ debor'a a pɩ̃ɛnʋ-bibir na dɩ yi
tɩ tʋ̃ɔ́ yuo a tɩ bowe?
Tɩ na siwr'ɩ a bʋ̃-mána
ɛ́ dúori a daarʋ libie nʋɔr,
tɩ na de nɩ bʋ̃-keri na bɛ tori a.
6Tɩ na dà n a nɩ-kɔmɛ nɩ libie blã,
tɩ na de nɩ nafawr-ɓɛwlɩkɛl pɛ-been
tɛw nɩ a nã́w sob.
Tɩ na mɩ́ kʋɔr'a tɩ lãw nɩ a ka-sɩmɛ tɛɛ za#8:6 Nyɛ̃ 2.6..»
7A Sore pɔ n nɩ a tẽw ʋl
a Ɩsɩrayɛl na nyʋʋr'ɩ a, yel à ŋá:
«Ɩ̃ bɛ be za na yiiri
a bɛ ɩ-faar been kãw za bɛr ɛ!
8Alɛ n'a so, a tẽw na vʋ̃ na
ɛ́ a nɩbɛ za na be n wahala pʋɔ.
A tẽw na vʋ̃ na ìr ʋ za mɛ̃ man a,
ʋ na vʋ̃ na ìr ɛ́ lɛb siw lo
mɛ̃ a Eziptɩ tẽw man a.
9À ŋá n'a a Sore ɩ̃ Naaŋmɩn yere:
a ʋlɩ bibir a, mʋ̃tɔ̃-tuo n'a ɩ̃ na ɩ a mʋ̃tɔ̃w kpɛ,
mʋ̃tɔ̃-tuo, ɩ̃ na ɩ na a tẽw be lige pʋɔ.
10Ɩ̃ na ɩ na a nyɩ cuwr lɩɛbɩ kuor,
a nyɩ yielu za na lɩɛb'ɩ wahala cɛlsɩ.
Ɩ̃ na ƴãw na a nɩbɛ za sɛ#8:10 Sɛ vʋɔrɩ a sɩɛmɩ́ ɛ́ fɔr a zuru: A ko-tuolu bãwfʋ n'ɩ à à ŋá. A ɩ na mɛ̃ a tɩ Dagara ganɛ, bɩɩ a tɩ tãpɛlʋ, bɩɩ a miwr a. Nyɛ̃ Zer 48.37. vʋɔrɩ a sɩɛmɩ́,
ɛ́ fɔr a bɛ zuru mɛ̃ bi-been kuor daar a.
À á ŋá za baarʋ na ɩ na mɛ̃ kpɩɛrʋ bibir a.
11À ŋá n'a a Sore ɩ̃ Naaŋmɩn yere:
bibie waar'a na vɩɛ, ɩ̃ na ɩ kɔ̃ lo a tẽw.
Bʋ̃-dɩrɩ kɔ̃ bɩɩ kʋ̃ɔ kʋ̃ɔ-nyúur bɛ n'a
na kpɩɛr a nɩbɛ ɩ,
a Sore ƴɛ̀rʋ bɛr-wob kɔ̃
nɩ a kʋ̃ɔ-nyúur'a na kpɩɛr bɛ.
12A nɩbɛ na mɩ́ yi n a saa-pɛrɩ́-dʋrʋ-lowr
ɛ́ tɩ sãá a mʋ̃tɔ̃w-kpɛb-lowr,
bɛ na mɩ́ yi n a saa-pɛrɩ́-gʋba-lowr
ɛ́ bɔr tɩ ta a saa-pɛrɩ́ bɔbr a Sore ƴɛ̀rʋ bɛr-wob,
ɛ́ bɛ kʋ̃ páw ʋ wõ ɩ.
13A ʋlɩ bibir a, a pɔwsɩrali na pɔl pɔl a
nɩ a pɔlbili na kpi n kʋ̃ɔ-nyúur.
14Ɛ́ a bɛlɩ dem za na kõ nʋɔr
a Samaari ŋmɩn-bɛlɛbɛlɛ zie a, bɛ na lo na.
A bɛlɩ dem na mɩ́ pɔ yel:
“Ɩ̃ pɔ n nɩ a fʋ ŋmɩn, Dan#8:14 Dan: A zie ŋa pʋɔ n'a a Zerobowam tɩ maalɩ puoru yir. Nyɛ̃ 1Na 12.28-29. Bɛɛr-Seva: Nyɛ̃ 5.5 nɩ a manʋ. i!”
Bɩɩ a bɛl na mɩ́ pɔ yel:
“Ɩ̃ pɔ n nɩ a sɔr-sõw na cere a Bɛɛr-Seva a!”
Bɛ za na lo na, ɛ́ kʋ̃ lɛb ìr ɛ.»
Kasalukuyang Napili:
Amɔsɩ 8: DBDC
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La Bible en Dagara © Alliance Biblique du Burkina Faso, 2013.