Amɔsɩ 7
7
A bʋ̃-nyɛrɩ anũu a Amɔsɩ na nyɛ̃ a
A dãw-niwn sob: a sãsoge
1Bom ŋa n'ʋ a Sore Naaŋmɩn tɩ ɩ ɩ̃ nyɛ̃: ʋ tɩ ɩ na sãsoge yire a lɛn daar a mʋ̃ɔ na lɛb tɔmnɛ a, a mʋ̃ɔ bɛ na tɩ ŋma a nãà dʋn ƴãw, ɛ́ a lɛb tɔmnɛ a. 2A sãsoge na tɩ 'wɔb a mʋ̃ɔ za a tẽw pʋɔ a, ɩ̃ tɩ yel'a: «Sore ɩ̃ Naaŋmɩn i, ɩ̃ zɛlɛ fʋ na, dɩ suur! Alɛ bɛ ɩ lɛ, ŋmɩŋmɩn za n'a a fʋ nɩ-bʋʋrɛ na cãà? Bɛ ɩ n pʋrɩ zuo.» 3A Sore tɩ lɩɛb'a bɛr ɛ́ yel: «A bɛ ɩrɛ ɩ.»
A ayi sob: a vũu
4Bom ŋa n'ʋ a Sore ɩ̃ Naaŋmɩn tɩ ɩ ɩ̃ nyɛ̃: vũu n'a a Sore ɩ̃ Naaŋmɩn tɩ dɩrɛ nɩ a ƴɛ̀rʋ. A vũu tɩ ɩ n a tẽsɔw pile kʋ̃ɔnɩ sɩr, ɛ́ a vũu do dɩrɛ a tẽw. 5Lɛ n'a ɩ̃ tɩ yel: «Sore ɩ̃ Naaŋmɩn i, ɩ̃ zɛlɛ fʋ na, bɛr lɛ! Alɛ bɛ ɩ lɛ, ŋmɩŋmɩn za n'a a fʋ nɩ-bʋʋrɛ na cãà? Bɛ ɩ n pʋrɩ zuo.» 6A Sore ɩ̃ Naaŋmɩn tɩ lɩɛb'a bɛr ɛ́ yel: «A mɩ̀ bɛ ɩrɛ ɩ!»
A ata sob: a dacin miw-máná
7Bom ŋa n'ʋ a ɩ̃ Sore mɩ̀ lɛb tɩ ɩ ɩ̃ nyɛ̃: a Sore tɩ àr'ɩ dacin zu, ɛ́ tɛr dacin miw-máná#7:7 Dacin miw-máná: Yir-mɩɛrɛ tõ-tõ-bom'ʋ. Miwr na mɩ́ tɛr bʋ̃-tɩbrʋ a nyʋɔrɩ́ a n'ʋ. Ʋlɛ n'ʋ a yir-mɩɛrɛ mɩ́ man nɩ a dacin nyɛ̃, ʋ tori na bɩɩ ʋ bɛ tori. a nũú. 8A Sore tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Dacin miw-máná n'ʋ!» A Sore yel mɛ̃: «Mãa n'ɩ ŋan waar'ɩ dacin miw-máná k'ɩ̃ɩ wa man nɩ nyɛ̃ a ɩ̃ nɩ-bʋʋrɛ Ɩsɩrayɛl ɩ-ɩrɩ tori na a. Ɩ̃ bɛ lɛb bɛrɛ a tɔlɛ ɩ.
9Ɩ̃ na sãw nɩ a Ɩzaakɩ bʋʋrɛ maalʋ-ziir bɛr,
ɩ̃ na ŋmɛ n a Ɩsɩrayɛl zi-son lɔb,
ɛ́ ìr'ɩ zɛbr a Zerobowam yir dem.»
Bɛ diw nɩ a Amɔsɩ a Betɛl tẽw
10A Betɛl tẽw bàwr-maalɛ Amasɩa tɩ tõ na bɛ tɩ yel a Ɩsɩrayɛl nãà Zerobowam#7:10 Nyɛ̃ 1.1 nɩ a manʋ.: «A Amɔsɩ bɔbr'a kɛ́ fʋ lo, ta cãà ɩ nãà a Ɩsɩrayɛl tẽw pʋɔ ɩ. A tẽw nɩbɛ kʋ̃ tʋ̃ɔ́ cãà bɛrɛ wone a ʋ ƴɛ̀rʋ ɛ. 11Bʋ̃ʋ n'ʋ vɛ̃, à ŋá n'a a Amɔsɩ ƴɛ̀rɛ:
“A Zerobowam na kpi n zɛbr-sɔ-kpɛ̃ɛ kũu,
ɛ́ bɛ na tɛr'ɩ a Ɩsɩrayɛl nɩbɛ za
cen nɩ tẽ-yũo, zãá nɩ a bɛ tẽw.''»
12Lɛ n'a a Amasɩa tɩ yel a Amɔsɩ: «Yel-nyɛrɛ ɛ, cen taw zaa a ka. Zɔ cen Zuda tẽw, be n'a fʋ na tɩ tʋ̃ɔ́ tone a fʋ naaŋmɩn-ƴɛ̀r-manɛ tome guole nɩ fʋ tʋɔra. 13Ɛcɛ, a Betɛl ka a, ta cãà tone a naaŋmɩn-ƴɛ̀r-manɛ tome ɩ, a nãà zi-sõw n'ɩ a ka, a ʋ Naaŋmɩn yir'ʋ!» 14A Amɔsɩ tɩ sɔw na yel a Amasɩa: «Ɩ̃ bɛ tɩ ɩ naaŋmɩn-ƴɛ̀r-manɛ ɩ, mɩ̀ bɛ lɛb tɩ ɩ naaŋmɩn-ƴɛ̀r-manɛ bie ɩ. Ɩ̃ tɩ ɩ n na-cɩ̃ɩnɛ ɛ́ kaarɛ sɩkomɔɔr#7:14 Sɩkomɔɔr tɩɩr: Nyɛ̃ 1Na 10.27 nɩ a manʋ. tɩɩr zie. 15A Sore n'ʋ wa nyɔw mɛ̃ a na-cɩ̃ɩnʋ zu yel mɛ̃: “Cen tɩ ƴɛ̀r a ɩ̃ ƴɛ̀rʋ kʋ̀ a ɩ̃ nɩ-bʋʋrɛ Ɩsɩrayɛl.” 16Ɛ́ fʋ̃ʋ Amasɩa, fʋ bɛ sàwr k'ɩ̃ɩ manɩ a lɛ a Naaŋmɩn na tɩɛrɛ a Ɩsɩrayɛl ƴãw a ɩ, fʋ bɛ sàwr k'ɩ̃ɩ yel a Ɩzaakɩ yir sãwna ɩ. A na ɩ à ŋá a, bɛr wõ a Sore ƴɛ̀rʋ ŋa: 17À ŋá n'a ʋ yere:
“A fʋ pɔw na lɩɛb'ɩ pɔw-yɛm a tẽw pʋɔ.
Bɛ na kʋ n a fʋ bidɛbr nɩ a fʋ pɔwyaar.
Bɛ na tʋ̃ɔ̀ tʋ̃ɔ̀ nɩ a fʋ tẽ-sora põ nɩ mie.
A fʋ̃ʋ tɔr za a, nɩ-bʋʋr-yoru tẽw pʋɔ n'a fʋ na kpi,
ɛ́ bɛ nyɔw a Ɩsɩrayɛl nɩbɛ za
cen nɩ tẽ-yũo zãá nɩ a bɛ tẽw.''»
Kasalukuyang Napili:
Amɔsɩ 7: DBDC
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La Bible en Dagara © Alliance Biblique du Burkina Faso, 2013.