Mga Popular na Bersikulo sa Biblia mula sa 1 Mga Hari 18

Ibahagi

PANGINOON, dinggin nʼyo po ako, upang malaman ng mga tao na kayo PANGINOON, ang Diyos, at nais nʼyo silang magbalik-loob sa inyo.”

Nang oras na ng paghahandog, lumapit si Propeta Elias sa altar at nanalangin. Sinabi niya, “PANGINOON, Diyos ni Abraham, ni Isaac at ni Jacob, patunayan ninyo sa araw na ito, na kayo ang Diyos ng Israel at ako ang inyong lingkod, at ginawa ko ang lahat ng ito ayon sa utos ninyo.

Lumapit si Elias sa mga tao at sinabi, “Hanggang kailan pa ba kayo mag-aalinlangan? Kung ang PANGINOON ang totoong Diyos, sundin ninyo siya, subalit kung si Baal ang totoong Diyos, sundin ninyo ito.” Ngunit hindi sumagot ang mga tao.

Dumating agad ang apoy na galing sa PANGINOON, at sinunog nito ang handog, ang gatong, ang mga bato at ang lupa, at natuyo ang kanal.

Nang makita ito ng lahat ng tao, nagpatirapa sila at sinabi, “Ang PANGINOON ang siyang Diyos! Ang PANGINOON ang siyang Diyos!”

Nang ikapitong pagbalik niya, sinabi niya kay Elias, “May nakita po akong ulap na maitim na kasinlaki ng palad ng tao, na pumapaibabaw mula sa laot.” Kaya sinabi ni Elias, “Pumunta ka at sabihin mo kay Ahab na sumakay siya sa kanyang karwahe at umuwi bago pa siya maabutan ng ulan.”

Pinalakas ng PANGINOON si Elias. Ibinigkis niya sa baywang ang balabal niya at tumakbo, at nauna pa kay Ahab papunta sa Jezreel.

Sinabi ni Elias kay Ahab, “Humayo ka, kumain at uminom, dahil paparating na ang malakas na ulan.”

Pagkatapos, sinabi niya sa kanyang utusan, “Umakyat ka at tumingin sa dagat.” At sinunod ito ng utusan. Pagbalik niya kay Elias, sinabi niya, “Wala po akong nakikita.” Pitong beses na sinabi ni Elias na bumalik siya at tumingin.

Nagsalita si Elias sa lahat ng tao, “Lumapit kayo sa akin.” At nagsilapit ang mga tao sa kanya. Inayos niya ang altar ng PANGINOON na nagiba.

Pagkatapos, manalangin kayo sa inyong diyos, at mananalangin din ako sa PANGINOON. Ang sasagot sa pamamagitan ng apoy ang siyang totoong Diyos.” At sumang-ayon ang mga tao.

Kumuha siya ng labindalawang bato na sumisimbolo ng labindalawang lahi ng mga anak ni Jacob, ang taong pinangalanan ng PANGINOON na Israel.

Nang tanghaling-tapat na, ininsulto na sila ni Elias. Sabi niya, “Sige lakasan nʼyo pa ang pagsigaw, diyos naman siya! Baka nagbubulay-bulay lang siya, o nagpapahinga, o may pinuntahan, o nakatulog at kailangang gisingin.”

Ginawa niyang altar para sa PANGINOON ang mga bato at ginawan ng kanal ang paligid nito. Ang kanal ay kayang malagyan ng tatlong galong butil.